Vaani Kapoorએ અનુભવી હતી આર્થિક સંકટની પીડા, પોતાની વાર્તા વર્ણવતા કહી આ વાત
વાણી કપૂર જલ્દી અક્ષય કુમારની ફિલ્મ બેલ બોટમમાં જોવા મળશે. આજે બોલિવૂડની મોટી ફિલ્મોમાં કામ કરનાર વાણીએ ક્યારેક આર્થિક સંકટની પીડાનો પણ સામનો કરવો પડ્યો હતો.
વાણી કપૂરે (Vaani Kapoor) 2013માં શુદ્ધ દેશી રોમાન્સ (Shuddh Desi Romance)થી બોલિવૂડમાં પોતાની કારકિર્દીની શરૂઆત કરી હતી. આ ફિલ્મમાં સુશાંત સિંહ રાજપૂત (Sushant Singh Rajput) અને પરિણીતી ચોપરા (Parineeti Chopra) મુખ્ય ભૂમિકામાં હતા. ફિલ્મને સારો પ્રતિસાદ મળ્યો હતો. આ પછી બીજા વર્ષે વાણીએ ફિલ્મ ‘આહા કલ્યાણમ’ દ્વારા તમિલ ફિલ્મ ઉદ્યોગમાં પ્રવેશ કર્યો. વાણી ફરી બોલિવૂડમાં પરત ફરી અને ‘બેફિક્રે’ અને ‘વોર’માં જોવા મળી. વાણીએ અત્યાર સુધી વધારે ફિલ્મોમાં કામ નથી કર્યું, પરંતુ આવનારા સમયમાં તે ઘણી ફિલ્મોમાં જોવા મળશે.
બોલિવૂડમાં તેમના સંઘર્ષના દિવસો વિશે વાત કરતા વાણીએ કહ્યું કે તે સમયે તેમને ઘણી આર્થિક સમસ્યાઓ હતી. મોડેલિંગના દિવસોથી તે પોતાની સંભાળ રાખતી હતી. વાણીએ એક ઈન્ટરવ્યુમાં વાત કરતા કહ્યું ‘હું ખુદ મારુ જોઈ રહી હતી. મેં 18-19 વર્ષની ઉંમરથી મારા માતાપિતા પાસેથી એક પૈસો પણ લીધો નથી.
હું મોડેલ હતી અને મારા પોતાના પૈસા કમાતી હતી. તે સમયે મારી અંદર જરા પણ કોન્ફિડેન્સ નહોતો. મને ખબર નહોતી કે હું શું કરી રહી છું. પરંતુ દરેકની અંદર પોતાના માટે એક વિઝન હોય છે અને તે જ વિઝન મારી અંદર હતું અને હું મારા ભરોસા પર ટકી રહી.
પોતાના માટે કરી કમાણી
વાણીએ આગળ કહ્યું ‘આર્થિક મુશ્કેલી ઘણી હતી અને હું બહુ સમૃદ્ધ પરિવારમાંથી નહોતી. મારા પરિવારે ઘણા ઉતાર -ચઢાવ જોયા છે અને હું ગર્વથી કહી શકું છું કે મેં મારા માટે કામ કર્યું અને તે પણ એકલા. હવે પોતાની આવનારી ફિલ્મમાં વાણી ફરી પોતાની કમાલ બતાવવા માટે તૈયાર છે, ત્યારબાદ તેની કમાણીમાં થઈ શકે છે વધુ વધારો. વાસ્તવમાં વાણી ફિલ્મ બેલ બોટમમાં જોવા મળવાની છે. આ ફિલ્મમાં તે અક્ષય કુમાર સાથે રોમાન્સ કરવા જઈ રહી છે. આ ફિલ્મ 19 ઓગસ્ટે થિયેટરોમાં રિલીઝ થશે.
અક્ષય કુમાર સાથે કામ કરવાનો અનુભવ
થોડા દિવસો પહેલા એક ઈન્ટરવ્યુમાં અક્ષય કુમાર સાથે કામ કરવા અંગે વાણીએ કહ્યું હતું કે, ‘હું ખૂબ ખુશ છું કે મને અક્ષય કુમાર સર સાથે કામ કરવાની તક મળી. મારા પિતા મારા કરતા વધારે ખુશ હતા. જ્યારે તેમને ખબર પડી કે હું અક્ષય કુમાર સર સાથે કામ કરવા જઈ રહી છું, ત્યારેથી તેવું વર્તન કરી રહ્યા છે કે તેઓ ચંદ્ર પર છે. તે તેમના મોટા ચાહક છે.
અન્ય પ્રોજેક્ટ્સમાં પણ જોવા મળશે
બેલ બોટમ સિવાય, વાણી શમશેરામાં જોવા મળશે. ફિલ્મમાં વાણી સાથે રણબીર કપૂર મુખ્ય ભૂમિકામાં છે. રણબીર અને વાણી આ ફિલ્મ દ્વારા પ્રથમ વખત સાથે કામ કરશે. તે જ સમયે, તે આયુષ્માન ખુરાના સાથે એક ફિલ્મ પણ લાવી રહી છે, જેનું નામ ચંદીગઢ કરે આશિકી છે.
આ પણ વાંચો :- દીપિકા પદુકોણ બાદ હવે Priyanka Chopra બની MAMIની ચેયરપર્સન, કહ્યું તેને અલગ સ્તર પર લઈ જવાનો પ્રયત્ન કરશે
આ પણ વાંચો :- Big News: Katrina Kaifના હાથ લાગી એક મોટી ફિલ્મ, અમિતાભ બચ્ચન પણ સાથે કરશે ધમાલ
