કલાકારે અનોખી રીતે Lata Mangeshkarને આપી શ્રદ્ધાંજલિ, વીડિયો 3 લાખથી વધુ વખત જોવામાં આવ્યો

Lata Mangeshkar: સુપ્રસિદ્ધ ગાયિકા લતા મંગેશકર (Lata Mangeshkar) હવે આપણી વચ્ચે રહ્યા નથી. રવિવારે સવારે 92 વર્ષની વયે તેમણે દુનિયાને અલવિદા કહી દીધું. તેમના નિધનથી સમગ્ર દેશમાં શોકની લહેર છે. સોશિયલ મીડિયા (Social media) પર લોકો લતા દીદીને પોતાની આગવી શૈલીમાં શ્રદ્ધાંજલિ આપી રહ્યા છે. ઘણા લોકો તેમના દ્વારા ગાયેલા ગીતો ગાઈને તેમને શ્રદ્ધાંજલિ આપી રહ્યા છે, જ્યારે તેમના વીડિયો સોશિયલ મીડિયા પર ખૂબ વાયરલ થઈ રહ્યા છે. એક કલાકારે લતા મંગેશકરને અનોખી રીતે યાદ કર્યા. જેને જોયા બાદ દરેક વ્યક્તિની અનોખી કલાત્મકતાના વખાણ કરી રહ્યા છે.

વાયરલ થઈ રહેલા વીડિયોમાં તમે જોઈ શકો છો કે એક કલાકાર ચૉકના ટુકડા પર લતા મંગેશકર (Lata Mangeshkar)ની નાની મૂર્તિ કોતરતા જોઈ શકાય છે. આ કલાકારે જે સ્વચ્છતા અને ઝડપ સાથે આ ચિત્ર બનાવ્યું તે ચોક્કસપણે એક અદ્ભુત કૌશલ્ય છે. આ કલાકારનું નામ સચિન સંઘે જણાવવામાં આવી રહ્યું છે.

આ વીડિયો તેણે ટ્વીટર પર શેર કર્યો છે. જેને અત્યાર સુધીમાં 3 લાખથી વધુ વખત જોવામાં આવ્યો છે, જ્યારે હજારો લોકોએ આ વીડિયોને લાઈક પણ કર્યો છે.

લતા મંગેશકરે રવિવારે સવારે 8.12 વાગ્યે મુંબઈની બ્રીચ કેન્ડી હોસ્પિટલમાં અંતિમ શ્વાસ લીધા હતા. તેણી 92 વર્ષની હતી. તબીબોએ જણાવ્યું કે તેનું મૃત્યુ મલ્ટિઓર્ગન ફેલ્યોર થવાને કારણે થયું હતું. તે છેલ્લા ઘણા દિવસોથી ICUમાં દાખલ હતી, પરંતુ 6 ફેબ્રુઆરીએ તેણે દુનિયાને હંમેશ માટે અલવિદા કહી દીધું.

આ પણ વાંચો : Corona: ઝડપથી ઘટી રહ્યું છે કોરોનાનું સંક્રમણ, દેશમાં નવા કેસ 70 હજારથી ઓછા, એક્ટિવ કેસ ઘટીને 10 લાખની નીચે નોંધાયા