Breaking News : સલમાન ખાનના બિગ બોસ 20ની જાહેરાત, નિર્માતાઓએ ફર્સ્ટ લુક શેર કર્યો, જુઓ Video
Bigg Boss 20 Announcement : સલમાન ખાનનો અપકમિંગ રિયાલિટી શો બિગ બોસ 20ની જાહેરાત કરવામાં આવી છે. મેકર્સે શોનો પહેલા લુક રિલીઝ કર્યો છે. શોના પહેલા લુકને જોતો જ ચાહકો ખુશ થયા છે.
ટીવીના ફેમસ રિયાલિટી શો બિગ બોસ 20ના ચાહકો આતુરતાથી આ શોની રાહ જોઈ રહ્યા છે. ચાહકો રિયાલિટી શોના પ્રીમિયર માટે ઉત્સુક છે. તો મેકર્સે ચાહકોની ઉત્સાહમાં વધારો કર્યો છે. મેકર્સે બિગ બોસ 20ની જાહેરાત કરી છે. શોના લોગોને મેકર્સે સોશિયલ મીડિયા પર શેર કર્યો છે. ત્યારબાદ ચાહકોનો ઉત્સાહ વધી ગયો છે. હજુ સુધી શોની રિલિઝ ડેટ જાહેર થઈ નથી. તો ચાલો જાણીએ આ શોમાં ક્યા ક્યા સ્પર્ધકો આવશે.
બિગ બોસ 20નો પહેલો લુક રિલીઝ
મેકર્સે જિયોહોટસ્ટાર પરના ઓફિશિયલ ઈન્સ્ટાગ્રામ અકાઉન્ટ પર એક વીડિયો શેર કર્યો છે. આ વીડિયોમાં શોનો ફર્સ્ટ લુક જોવા મળી રહ્યો છે. સોશિયલ મીડિયા પર બિગ બોસ 20ની જાહેરાતનો વીડિયો ખુબ વાયરલ થઈ રહ્યો છે. જેના કેપ્શનમાં મેકર્સે લખ્યું 2 દશક પછી હજુ પણ સૌથી વધારે ધ્યાન આકર્ષિત કરનાર શો બિગ બોસ 20 જલ્દી આવી રહ્યો છે. જિયોહોટસ્ટાર અને કલર્સ પર.
કોણ કોણ ભાગ લેશે?
બિગ બોસ 20 ટુંક સમયમાં શરુ થવા જઈ રહ્યો છે. સ્પર્ધકોના નામ પણ સામે આવી ગયા છે. આ શોમાં સામેલ થવા માટે અનેક સેલિબ્રિટીના નામ સામે આવી રહ્યા છે. જેમાં જન્નત જુબેર, નિયા શર્મા, કરણ પટેલ, અરબાઝ પટેલ, અર્જુન બિજલાની,સેન્ટી શર્મા, રિદ્ધિમા ગુપ્તા,રુરુ ઠાકુર,મિસ્ટર ફેઝુ અને ભવ્યા સિંહ જેવા સ્ટાર સામેલ છે. પરંતુ હજુ સુધી આ સ્ટારે ઓફિશિયલ નિવેદન જાહેર કર્યું નથી તેમજ ના મેકર્સે આ સ્ટારનું નામ રિવિલ કર્યું છે.
સલમાન ખાન કરશે હોસ્ટ
તમને જણાવી દઈએ કે, દર વખતની જેમ આ વખતે પણ બિગ બોસ 20 સલમાન ખાન હોસ્ટ કરશે. ચાહકો ફરી એક વખત સલમાન ખાનના સ્પર્ધકોના ક્લાસ લેતો જોવા મળશે. પરંતુ હજુ સુધી શોની પ્રીમિયર ડેટ સામે આવી નથી. પરંતુ રિપોર્ટ મુજબ આ શો સપ્ટેમ્બર 2026માં ટીવી પર ટેલિકાસ્ટ કરવામાં આવી શકે છે. ટુંક સમયમાં શોની રિલીઝ ડેટ પણ રિવીલ કરવામાં આવશે.
