જવાનની રિલીઝ પહેલા શાહરૂખ ખાન સુહાના અને નયનતારા સાથે તિરુપતિ મંદિરે પહોંચ્યો, જુઓ VIDEO
જવાનની રિલીઝ પહેલા શાહરૂખ ખાન તેની પુત્રી સુહાના ખાન અને ફિલ્મની લીડ એક્ટ્રેસ નયનતારા સાથે તિરુપતિ મંદિરે પહોંચ્યો હતો. જ્યાં તેણે શ્રી વેંકટેશ્વર મંદિરની મુલાકાત લીધી હતી અને પોતાની ફિલ્મ માટે પ્રાર્થના પણ કરી હતી. આ દરમિયાનની તસવીરો અને વીડિયો સોશિયલ મીડિયા પર ખૂબ વાયરલ થઈ રહ્યા છે. શ્રી વેંકટેશ્વર મંદિરના દર્શન દરમિયાન શાહરૂખ ખાન અને સુહાના સફેદ રંગમાં જોવા મળ્યા હતા.
Bollywood News: બોલિવૂડ સુપરસ્ટાર શાહરૂખ ખાન પોતાની ફિલ્મ જવાનને લઈને સતત ચર્ચામાં છે. પઠાણ બાદ હવે શાહરૂખના ચાહકોની નજર જવાન પર છે. એવું માનવામાં આવી રહ્યું છે કે,જવાન પઠાણ પર ભારે પડી શકે છે. કિંગ ખાનની આ ફિલ્મ હિન્દી સિનેમાના તમામ રેકોર્ડ તોડી શકે છે. ફિલ્મનું ટ્રેલર પણ ખૂબ જ શાનદાર છે. ટ્રેલર જોયા પછી ચાહકોની ઉત્સુકતા ઘણી વધી ગઈ છે. ત્યારે શાહરૂખ પોતાની ફિલ્મ રિલિઝ પહેલા સુહાના અને નયનતારા સાથે વેંકટેશ્વર મંદિર પહોંચી ગયો હતો. જ્યાં શાહરુખને જોઈને ફેન્સ બેકાબૂ બની ગયા હતા.
શાહરૂખ ખાન તિરુપતિ મંદિરે
વાસ્તવમાં જવાનની રિલીઝ પહેલા શાહરૂખ ખાન તેની પુત્રી સુહાના ખાન અને ફિલ્મની લીડ એક્ટ્રેસ નયનતારા સાથે તિરુપતિ મંદિરે પહોંચ્યો હતો. જ્યાં તેણે શ્રી વેંકટેશ્વર મંદિરની મુલાકાત લીધી હતી અને પોતાની ફિલ્મ માટે પ્રાર્થના પણ કરી હતી. આ દરમિયાનની તસવીરો અને વીડિયો સોશિયલ મીડિયા પર ખૂબ વાયરલ થઈ રહ્યા છે. શ્રી વેંકટેશ્વર મંદિરના દર્શન દરમિયાન શાહરૂખ ખાન અને સુહાના સફેદ રંગમાં જોવા મળ્યા હતા. જોકે શાહરૂખ સફેદ કુર્તા-પાયજામામાં ભાગ્યે જ કોઈવાર જોવા મળે છે
Latest #ShahRukhKhan visits Sri Venkateshwara Swamy temple in Tirupati, Andhra Pradesh to seek blessings ahead of #Jawan release. ❤️pic.twitter.com/mkTd91dCR1
— Sourav Srkian Das (@SrkianDas04) September 5, 2023
સુહાના અને નયનતારા પણ સાથે
શાહરૂખ અને સુહાના સાથે નયનતારા પણ હાજર હતી. અભિનેત્રી પીળા સૂટમાં જોવા મળી હતી. તમને જણાવી દઈએ કે, શ્રી વેંકટેશ્વર મંદિરના દર્શન કરતા પહેલા શાહરૂખ ખાન પણ માતા વૈષ્ણો દેવીના દરબારમાં પહોંચ્યો હતો. જ્યાં તેણે જવાન માટે મન્નત માંગી હતી. આવી સ્થિતિમાં, માનવામાં આવે છે કે શાહરૂખ ખાન પોતાની ફિલ્મની સફળતા માટે ભગવાનના દરવાજે પહોંચી રહ્યો છે. તે જ સમયે પુત્રી સુહાના પણ તેના પિતાને સપોર્ટ કરતી જોવા મળે છે.
વીડિયોમાં જોઈ શકાય છે કે શાહરૂખ પોતાની દીકરીનો હાથ પકડીને મંદિરમાંથી બહાર નીકળતો જોવા મળી રહ્યો છે. પિતા-પુત્રીની આ જોડી ચાહકોને ખૂબ જ પસંદ આવી રહી છે. તમને જણાવી દઈએ કે, જવાનની રિલિઝને હવે માત્ર એક જ દિવસ બાકી છે. આ ફિલ્મની ચાહકો આતુરતાથી રાહ જોઈ રહ્યા છે. પઠાણ પછી હવે દરેક વ્યક્તિ શાહરૂખ ખાનને જવાનમાં બળવો કરતા જોવા માંગે છે. સાથે જ શાહરૂખની ગર્લ ગેંગ પણ ચર્ચાનો હિસ્સો બની રહે છે.
એન્ટરટેઇન્મેન્ટના તમામ સમાચાર વાંચવા માટે અહીં ક્લિક કરો
