Rajkummar Raoએ જણાવ્યું, પત્રલેખાએ જ્યારે મને પહેલીવાર જોયો ત્યારે તેને લાગ્યું કે હું નીચ માણસ છું

રાજકુમાર રાવ (Rajkummar Rao) અને ક્રિતી સેનન (Kriti Sanon) તાજેતરમાં જ કપિલ શર્મા (Kapil Sharma)ના શો ધ કપિલ શર્મા શો (The Kapil Sharma Show)માં તેમની ફિલ્મ ‘હમ દો હમારે દો’ (Hum Do Humare Do)ના પ્રમોશન માટે આવ્યા હતા. આ દરમિયાન બધાએ ખૂબ જ મસ્તી કરી હતી. તે જ સમયે કપિલે રાજકુમારને તેની ફિલ્મો વિશે ચીડવવાનો પણ પ્રયાસ કર્યો હતો. કપિલે કહ્યું કે મેડ ઈન ચાઈના (Made In China) ફિલ્મમાં રાજકુમારનું જે પાત્ર હતું તે એક એવુ ટાઈગર સૂપ લઈને આવે છે, જેનાથી લોકોનું લગ્નજીવન વધું સારુ થઈ જાય છે. બીજી તરફ હમ દો હમારી દો (Hum Do Hamare Do)માં તેનું પાત્ર નકલી માતાપિતા બનાવે છે, જેથી કપલના લગ્ન કરાવી દેવાય.

તો કપિલ કહે છે કે તમને એવી ઓફર્સ સંયોગથી મળે છે કે લગ્ન જીવન સંબંધિત સમસ્યાઓ પર તમારા ચહેરા અનુકૂળ આવે છે. રાજકુમાર આ સાંભળીને હસવાનું રોકી શક્તા નથી અને કહે છે ‘મેં હજી લગ્ન કર્યા નથી, તેથી લોકો ઈચ્છે છે કે હું અનુભવ કરું કે કઈ સમસ્યાઓ આવી શકે છે.’ તેમણે વધુમાં કહ્યું કે લોકો ઈચ્છે છે કે તે તૈયાર રહે કે શું શું કરવું પડે છે.

તમને જણાવી દઈએ કે રાજકુમારે આ દરમિયાન એ પણ જણાવ્યું કે જ્યારે પત્રલેખાએ તેમને પહેલીવાર જોયો ત્યારે તેમની પ્રતિક્રિયા શું હતી. તેમણે કહ્યું ‘જ્યારે પત્રલેખાએ મને પહેલીવાર જોયો ત્યારે તેને લાગ્યું કે હું વાસ્તવિક જીવનમાં પણ મારી ફિલ્મ લવ સેક્સ ઔર ધોખાના પાત્ર જેવો છું. તેમને લાગ્યું કે આ આવો જ નીચ માણસ છે, તેથી તે મારી સાથે વાત કરતી નહોતી. પરંતુ જેવા અમે મળ્યા અમારી વાતચીત શરૂ થઈ ગઈ.

રાજકુમારે એ પણ જણાવ્યું કે પત્રલેખાને મળતા પહેલા તેમણે તેણીને એક જાહેરાતમાં જોઈ હતી. તે સમયે પત્રલેખાને જોઈને તેમના મનમાં વિચાર આવ્યો કે તે કેટલી સુંદર છોકરી છે, તેની સાથે લગ્ન કરવા જોઈએ.

કપિલ ફરી ચીડવે છે

ત્યારે કપિલ ફરી રાજકુમારને ચીડવે છે અને કહે છે કે તમે એકબીજાની એડ અને ફિલ્મ જોઈ રહ્યા છો, બંને એક સાથે કોઈ ઘર પણ જોઈ રહ્યા છો? ત્યારે રાજકુમાર જવાબ આપે છે, ના, ઘર પણ જોઈ રહ્યા છીએ. તમને જણાવી દઈએ કે તાજેતરમાં જ રાજકુમાર અને પત્રલેખાના લગ્નના સમાચાર આવ્યા હતા. એવું કહેવામાં આવી રહ્યું છે કે નવેમ્બરમાં દિવાળી પછી બંને લગ્ન કરવા જઈ રહ્યા છે. બંનેએ આ વાતની જાણકારી પરિવારના સભ્યોને આપી છે. લગ્ન પરિવાર અને નજીકના મિત્રો વચ્ચે થશે. જોકે આ મામલે બંને સ્ટાર્સ તરફથી કોઈ સત્તાવાર નિવેદન આવ્યું નથી.

આ પણ વાંચો :- અભિનેત્રી Urmila Matondkar થઈ કોરોના પોઝિટિવ, ઘરમાં આઈસોલેટ હોવાની જાણકારી ટ્વીટ કરી આપી

આ પણ વાંચો :- Mira Rajput તેના ડ્રેસને લઈને સંઘર્ષ કરી રહી હતી અને શાહિદ કપૂરે છુપાઈને બનાવ્યો વીડિયો, જુઓ આ વીડિયો