બોલીવુડ અભિનેત્રી ક્રિતી સેનન (Kriti Sanon)ની ફિલ્મ મિમી (Mimi)ની ચાહકો આતુરતાથી રાહ જોઈ રહ્યા છે. આ ફિલ્મ ટૂંક સમયમાં ઓટીટી પ્લેટફોર્મ પર રિલીઝ થવા જઈ રહી છે. ટ્રેલર બાદ હવે ફિલ્મનું પહેલું ગીત પરમ સુંદરી રિલીઝ કરવામાં આવ્યું છે. આ ગીતમાં ક્રિતી જબરદસ્ત ડાન્સ કરતી જોવા મળી રહી છે.
ક્રિતીએ મિમીનું પહેલું ગીત પરમ સુંદરી સોશિયલ મીડિયા પર શેર કર્યું છે. તેમણે ગીત શેર કરતી વખતે લખ્યું – પરમ સુંદરી અહીં છે. મિમી ફુલ ફોર્મમાં છે. આ ફિલ્મ નેટફ્લિક્સ અને જિયો સિનેમા પર 30 જુલાઈએ રિલીઝ થઈ રહી છે.
ક્રિતીના ગીતમાં જબરદસ્ત મુવ્સ જોયા બાદ ચાહકો તેમના દિવાના થઈ ગયા છે. તે તેમની પોસ્ટ પર પોતાને કમેન્ટ કરતા રોકી શક્તા નથી. એક ચાહકે ફાયર ઈમોજી પોસ્ટ કરી તો બીજાએ લખ્યું – ઉફ્ફ ડાન્સ મૂવ્સ. ચાહકો શું સેલેબ્સ પણ પોતાને કમેન્ટ કરતા રોકી શકતા નથી. આ ડાન્સ નંબરને એ. આર. રહેમાન (A. R. Rahman) દ્વારા કંપોઝ કરવામાં આવ્યું છે. શબ્દો અમિતાભ ભટ્ટાચાર્યએ લખ્યા છે અને શ્રેયા ઘોષાલે ગાયું છે. ચાહકોને આ ગીત ખૂબ પસંદ આવી રહ્યું છે.
ટ્રેલર ચાહકોને ગમ્યું
આ અઠવાડિયે ક્રિતીની ફિલ્મ મિમીનું ટ્રેલર રિલીઝ થયું છે. ટ્રેલર બધાને પસંદ આવી રહ્યું છે. ક્રિતીની એક્ટિંગ અને પંકજ ત્રિપાઠીની કોમેડીની ખૂબ પ્રશંસા થઈ રહી છે. ટ્રેલર બાદ હવે દરેક લોકો ફિલ્મની રિલીઝની રાહ જોઈ રહ્યા છે. ટ્રેલરને મળેલા પ્રતિસાદ અંગે ક્રિતી સેનને કહ્યું હતું કે આ ખૂબ જ સરસ છે, હું આ ખુશીને શબ્દોમાં વ્યક્ત કરી શકતી નથી. આ ફિલ્મ મારા માટે ખૂબ જ ખાસ છે. મેં આમા વિશ્વાસ કરીને મારુ બધું આપ્યું છે.
ક્રિતીએ વધુમાં કહ્યું- મિમીએ મને મારી જાતમાં ઘણી ભાવનાઓને શોધવામાં મદદ કરી છે. હવે ટ્રેલર જોયા પછી લોકોનો જે પ્રેમ મળી રહ્યો છે, તેનાથી આખી ટીમની પ્રશંસા થઈ રહી છે અને આનાથી હું ખૂબ જ ખુશ છું. તમને જણાવી દઈએ કે મિમીમાં ક્રિતીની સાથે પંકજ ત્રિપાઠી (Pankaj Tripathi), મનોજ પાહવા (Manoj Pahwa), સુપ્રિયા પાઠક (Supriya Pathak) સહિત અનેક પાત્રો મહત્વપૂર્ણ ભૂમિકા ભજવતા જોવા મળશે. તેનું દિગ્દર્શન લક્ષ્મણ ઉતરેકરે કર્યું છે. ક્રિતી લક્ષ્મણ સાથે અગાઉ લુકા છુપ્પી (Luka Chuppi)માં પણ કામ કરી ચૂકી છે.