બોલિવૂડની અભિનેત્રી નેહા ધૂપિયા (Neha Dhupia) ફરી એકવાર માતા બની છે. અભિનેત્રીએ એક પુત્રને જન્મ આપ્યો છે. અભિનેત્રીના પતિ અને અભિનેતા અંગદ બેદીએ અભિનેત્રીના પુત્રના જન્મ વિશે ચાહકો સાથે શેર કર્યું છે. નેહા ધૂપિયા અને અંગદ બેદી (Angad Bedi)એ રવિવારે તેમના બીજા બાળકનું સ્વાગત કર્યું છે. અંગદ અને નેહાને પહેલાથી જ એક પુત્રી છે.
જુલાઈ મહિનામાં નેહા અને અંગદે સોશિયલ મીડિયા પર ફોટો શેર કરીને ચાહકો સાથે ગર્ભાવસ્થાની માહિતી શેર કરી હતી. આ ફોટોમાં પતિ અંગદ બેદી (Angad Bedi) અને દીકરી મેહર (Mehr) નેહા સાથે જોવા મળ્યા હતા. હવે નેહા ફરી માતા બનવાના સમાચારથી બધા ખુશ છે.
આજે અંગદ બેદીએ નેહા ધૂપિયા સાથે એક તસ્વીર શેર કરીને ચાહકો સાથે ખુશખબર શેર કરી છે. અભિનેતાએ લખ્યું છે કે સર્વશક્તિમાને આજે અમને એક બાળકના આશીર્વાદ આપ્યા છે. નેહા અને બાળક બંને સારા છે. મેહર નવા સભ્યના આગમનને “બેબી”નું બિરુદ આપવા તૈયાર છે. અહીં બેબી બોય.વાહેગુરુ મહેર કરે, નેહા ધૂપિયા આ યાત્રા દ્વારા આવા યોદ્ધા બનવા બદલ આભાર.
તમને જણાવી દઈએ કે નેહા ધૂપિયા અને અંગદ બેદીએ મે 2018માં સાત ફેરા લીધા હતા અને ખાસ વાત એ છે કે તે જ વર્ષે 18 નવેમ્બરે બંને દીકરી મેહરના માતા-પિતા બન્યા હતા. લગ્ન પહેલા નેહા ગર્ભવતી હતી અને જ્યારે નેહાએ તેની ગર્ભાવસ્થાના સમાચાર આપ્યા ત્યારે તે ઘણી હેડલાઈન્સમાં આવી ગઈ હતી. આવી સ્થિતિમાં હવે નેહા ફરી માતા બનવાના સમાચારથી તેના ચાહકો ખૂબ ખુશ છે.
નેહા ધૂપિયાની પ્રોફેશનલ લાઈફની વાત કરીએ તો તે છેલ્લે ફિલ્મ ‘દેવી’માં જોવા મળી હતી, જે એક શોર્ટ ફિલ્મ હતી. હવે નેહાએ થર્સડે અને સનકમાં જોવા મળશે. વિદ્યુત જામવાલ ‘સનક’ (Sanak)માં મુખ્ય ભૂમિકામાં છે. અંગદ બેદીની વાત કરીએ તો તેઓ છેલ્લે ફિલ્મ’ ગુંજન સક્સેના’માં જોવા મળ્યા હતા. અંગદે ફિલ્મમાં જ્હાનવી કપૂરના ભાઈની ભૂમિકા ભજવી હતી. આ ફિલ્મ માટે અંગદની પણ ઘણી પ્રશંસા કરવામાં આવી હતી.
આ પણ વાંચો :- સ્ટાઈલ અને લૂક્સમાં Shah Rukh Khanને પણ ટક્કર આપે છે દિકરો આર્યન, જુઓ સ્ટારકિડની ખાસ Photos
આ પણ વાંચો :- Drugs Case: શાહરુખ ખાનના પુત્ર આર્યનની ધરપકડ, લઈ જવામાં આવ્યો મેડિકલ ટેસ્ટ માટે