KGF 2 Advance Booking: 3 દિવસના એડવાન્સ બુકિંગમાં 10 કરોડની કમાણી કરી, રિલીઝ પહેલા જેકપોટ લાગ્યો

KGF 2: સાઉથ સુપરસ્ટાર યશ (Rocking Star Yash)ની ફિલ્મ ‘KGF ચેપ્ટર 2’ને લઈને દેશભરના ચાહકોમાં જબરદસ્ત ક્રેઝ છે. તેના ચાહકો આ ફિલ્મ જોવા માટે આતુરતાથી રાહ જોઈ રહ્યા છે. આ ફિલ્મ 14 એપ્રિલે મોટા પડદા પર દસ્તક આપવા જઈ રહી છે, પરંતુ રિલીઝ થયા બાદ આ ફિલ્મે ધૂમ મચાવી છે. રિપોર્ટ્સ અનુસાર ફિલ્મે એડવાન્સ ટિકિટ બુકિંગ દ્વારા જ 10 કરોડથી વધુનો બિઝનેસ કર્યો છે. મુંબઈના પોશ વિસ્તારમાં થિયેટરોએ 1,500 રૂપિયામાં ટિકિટ રાખી છે, જ્યારે દિલ્હીમાં યશનું તોફાન જોવા માટે લોકો 2,000 રૂપિયા પણ ચૂકવી રહ્યા છે.

રિલીઝ પહેલાં જેકપોટ

KGF ભારતીય સિનેમાની એવી ફિલ્મ રહી છે જેણે ઘણા મોટા રેકોર્ડ પોતાના નામે કર્યા છે. આવી સ્થિતિમાં આ ફિલ્મના પાર્ટ 2ને લઈને લોકોમાં ભારે ઉત્સુકતા છે. આ ફિલ્મ જોવામાં કોઈ મોડું કરવા માંગતું નથી, તેથી દર્શકો આડેધડ તેના માટે એડવાન્સ બુકિંગ કરી રહ્યા છે. ‘KGF: ચેપ્ટર 2’ ના હિન્દી સંસ્કરણ માટે કેટલાક મર્યાદિત કેન્દ્રોમાં એડવાન્સ બુકિંગ શરૂ કરવામાં આવ્યું હતું.

જેમાં અત્યાર સુધીમાં 3.25 લાખ ટિકિટો વેચાઈ ચૂકી છે. કહેવામાં આવી રહ્યું છે કે એડવાન્સ બુકિંગથી જ ફિલ્મે 10 કરોડનો બિઝનેસ કર્યો છે. જે પોતાનામાં એક મોટો રેકોર્ડ છે. જોકે આ બુકિંગ માત્ર મર્યાદિત શો માટે જ છે. પરંતુ જે રીતે ફિલ્મે તેના ડેબ્યુ પહેલા જ દબદબો જમાવ્યો છે, તે જોવું રસપ્રદ રહેશે કે તેની રિલીઝ પછી ફિલ્મનો બિઝનેસ કેટલો થશે.

RRRને હાર આપી

SS રાજામૌલીની RRR આ વર્ષની સૌથી હિટ અને સૌથી વધુ કમાણી કરનારી ફિલ્મ બની છે. આવી સ્થિતિમાં આ ફિલ્મ સાથે KGF: Chapter 2ની સરખામણી કરવામાં આવશે. જો કે KGF: Chapter 2 બોક્સ ઓફિસ પર કેવું પ્રદર્શન કરશે, તે તો પછી ખબર પડશે, પરંતુ એડવાન્સ બુકિંગની બાબતમાં તેણે RRRને ઘણું પાછળ છોડી દીધું છે. ડેટા અનુસાર જ્યાં RRRએ આ સમયગાળામાં માત્ર એડવાન્સ બુકિંગ દ્વારા 5.08 કરોડ રૂપિયાની કમાણી કરી છે. બીજી તરફ KGF: Chapter 2 લગભગ 9.40 કરોડની કમાણી કરીને ઘણું આગળ નીકળી ગયું છે.

ફિલ્મના પહેલા ભાગની જેમ યશ અને શ્રીનિધિ શેટ્ટી પણ KGF: ચેપ્ટર 2માં મુખ્ય ભૂમિકામાં જોવા મળશે. આ સિવાય રવિના ટંડન અને સંજય દત્ત પણ મહત્વના રોલમાં જોવા મળવાના છે. ફિલ્મમાં સંજય અધીરાનો નેગેટિવ રોલ પ્લે કરશે. દર્શકોની ભીડ માત્ર દક્ષિણમાં જ નહીં પરંતુ ઉત્તરમાં પણ ફિલ્મ જોવા માટે લોકો તૈયાર છે.

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો

આ પણ વાંચો : Porbandar : રાષ્ટ્રપતિ રામનાથ કોવિંદના હસ્તે આજથી માધવપુરના મેળાનો થશે પ્રારંભ, મેળાને લઈ ચુસ્ત બંદોબસ્ત ગોઠવાયો