Kareena Kapoor Net Worth: કરોડોની સંપત્તિની માલિક છે કરીના કપૂર, જાણો એક મહિનામાં કેટલી કરે છે કમાણી

કરીના કપૂર (Kareena Kapoor) માત્ર બોલીવુડની પ્રતિભાશાળી અભિનેત્રીઓમાંની એક નથી, પરંતુ તે તેમના દેખાવ અને ક્લાસના કારણે ચાહકો દ્વારા પણ સારી રીતે પસંદ કરવામાં આવે છે. કરીનાએ દરેક જોનર કોમેડી, ડ્રામાથી લઈને ક્રાઈમ થ્રિલર્સ પ્રકારની ફિલ્મોમાં કામ કર્યું. રણધીર કપૂર (Randhir Kapoor) અને બબીતા (Babita)ની પુત્રી કરિશ્મા કપૂર (Karisma Kapoor)ની બહેન હોવા છતાં કરીનાએ પોતાની ખાસ ઓળખ બનાવી છે.

કરીનાએ ફિલ્મ રેફ્યુજી (Refugee) દ્વારા બોલિવૂડમાં પગ મૂક્યો હતો. પરંતુ અભિનેત્રીની કારકિર્દીનો ટર્નિંગ પોઈન્ટ ફિલ્મ કભી ખુશી કભી ગમ (Kabhi Khushi Kabhie Gham) જે વર્ષ 2001માં રિલીઝ થઈ હતી. કરીનાનું પૂ (Poo)નું પાત્ર ફિલ્મમાં ખૂબ જ લોકપ્રિય બન્યું હતું અને આજે પણ તેમનું તે પાત્ર ખૂબ પસંદ કરવામાં આવે છે. આ પછી કરીનાએ એક પછી એક હિટ ફિલ્મો આપી છે. એટલું જ નહીં કમાણીની બાબતમાં પણ તે કોઈથી ઓછી નથી. કરીના સૌથી વધુ કમાણી કરનારી અભિનેત્રીઓમાંની એક છે.

એક રિપોર્ટ અનુસાર કરીનાની નેટવર્થ 440 કરોડની આસપાસ છે. કરીનાની માસિક આવક 1 કરોડથી વધુ છે. તે જ સમયે વર્ષ માટે કરીનાની આવક 10-12 કરોડ છે. કરીનાની આવક ફિલ્મો, બ્રાન્ડ એન્ડોર્સમેન્ટ, સ્ટેજ શો, ટૂર્સ અને રેડિયો શો દ્વારા થાય છે.

એક ફિલ્મ માટે કેટલી ફી લે છે

અહેવાલો અનુસાર કરીના કપૂર એક ફિલ્મ માટે 7 કરોડ રૂપિયા લે છે. એવું પણ કહેવાય છે કે વીરે દી વેડિંગ પછી કરીના એક ફિલ્મ માટે 10 કરોડ ચાર્જ કરે છે. જોકે અમે આની પુષ્ટિ કરતા નથી.

ઘર

એક રિપોર્ટ અનુસાર કરીના પાસે 4 BHK એપાર્ટમેન્ટ છે, જ્યાં તે તેમના પતિ અને બાળકો સાથે રહે છે. આ એપાર્ટમેન્ટની કિંમત 48 કરોડ છે. કરીનાનું સ્વિત્ઝરલેન્ડમાં એક ઘર પણ છે, જેની કિંમત 33 કરોડ છે.

કાર

કરીના પાસે ઘણા વૈભવી વાહનો છે. તેમની પાસે મર્સિડીઝ બેન્ઝ એસ ક્લાસ છે, જેની કિંમત 1.40 કરોડ રૂપિયાની છે, ઓડી ક્યૂ 7ની કિંમત 97 લાખ રૂપિયા, રેન્જ રોવર સ્પોર્ટ એસયુવી અને 2.32 કરોડ રૂપિયાની લેક્સસ એલએક્સ 470 છે. બ્રાન્ડ એન્ડોર્સમેન્ટ માટે કરીના રિપોર્ટ્સ અનુસાર એક બ્રાન્ડને એન્ડોર્સ કરતી વખતે 6 કરોડ રૂપિયા લે છે. કરીના બ્રાન્ડ એન્ડોર્સમેન્ટ દ્વારા પણ સારી કમાણી કરે છે.

આગામી ફિલ્મો

કરીનાના પ્રોફેશનલ જીવનની વાત કરીએ તો તે છેલ્લે વર્ષ 2020માં ફિલ્મ અંગ્રેજી મીડિયમમાં જોવા મળી હતી, જેમાં ઈરફાન ખાન અને રાધિકા મદાન મુખ્ય ભૂમિકામાં હતા. હવે કરીના લાલ સિંહ ચઢ્ઢા ફિલ્મમાં જોવા મળશે. આ ફિલ્મમાં કરીના સાથે આમિર ખાન મુખ્ય ભૂમિકામાં છે.

આ પણ વાંચો :- Video: અમિતાભ બચ્ચનને દૌહિત્રી નવ્યા પર થયો ગર્વ, પિયાનો વગાડતા જોઈને થયા ખૂબ ખુશ

આ પણ વાંચો :- Hina Khanએ પોતાની કાતિલ અદાઓથી લૂંટ્યું ચાહકોનું દિલ, ઓરેન્જ આઉટફિટમાં મચાવ્યો કહેર