Farhan Akhtar and Shibani Dandekar Wedding : ફરહાન-શિબાનીના આજે લગ્ન, મહેંદી-સંગીત સાથેનો Video Viral

Farhan Akhtar and Shibani Dandekar Wedding : ફરહાન અખ્તર (Farhan Akhtar) અને શિબાની દાંડેકર (Shibani Dandekar) વિશે સમાચાર છે કે બંને આજે એટલે કે 19 ફેબ્રુઆરી 2022ના રોજ લગ્નના બંધનમાં બંધાવા જઈ રહ્યા છે. ફરહાન અને શિબાની બંને તેમના નજીકના મિત્રો અને પરિવાર વચ્ચે સાત ફેરા લેશે. બંને ખંડાલા (Khandala)માં લગ્ન કરશે. ફરહાન અને શિબાનીના લગ્નની વિધિ દરમિયાન ઘણી તસવીરો વાયરલ થઈ રહી છે.

આ દરમિયાન હલ્દી અને મહેંદી સેરેમનીની ઘણી તસવીરો સામે આવી છે, જે હવે ઈન્ટરનેટ પર ખૂબ વાયરલ થઈ રહી છે. વાયરલ થઈ રહેલા વીડિયોમાં શિબાનીની બહેન અનુષા દાંડેકર પણ જોવા મળી રહી છે.

શિબાનીની ખાસ મિત્ર રિયા ચક્રવર્તી પણ આ વીડિયોમાં જોવા મળી રહી છે. સંગીત સેરેમની દરમિયાન અનુષા અને રિયા બંને ડાન્સ કરતી જોવા મળે છે. શિબાનીના સંગીત સમારોહનો અન્ય એક વીડિયો સામે આવ્યો છે જેમાં ટેરેસ પર પાર્ટી યોજાઈ રહી છે અને અનુષા દાંડેકર શાહરૂખ ખાન અને કાજોલના સુપરહિટ ગીત ‘મહેંદી લગા કે રખના’ પર ડાન્સ કરતી જોવા મળી રહી છે.

તમને જણાવી દઈએ કે, ફરહાન અખ્તરની મમ્મી હની ઈરાનીએ જણાવ્યું હતું કે તે તેની ભાવિ વહુ શિબાની દાંડેકર સાથે તેના સંબંધ કેવા છે. ફરહાનની મમ્મીએ TOIને આપેલા ઈન્ટરવ્યુમાં જણાવ્યું હતું કે શિબાની અને તેઓ નજીકમાં જ રહે છે. આવી સ્થિતિમાં તેઓ મળતા રહે છે. આટલું જ નહીં, જ્યારે શિબાની અથવા હની ઘરથી દૂર હોય છે, ત્યારે તેઓ ફોન અથવા મેસેજ પર એકબીજા સાથે ચેટ કરે છે.

શિબાનીને ખાવાનો ખૂબ શોખ છે. આવી સ્થિતિમાં તે હનીના હાથનું ભોજન ખાવાનું પસંદ કરે છે. તેણે એમ પણ કહ્યું હતું કે શિબાનીને રસોઈ આવડતી નથી, જે જરૂરી પણ નથી. એ જમાનો ગયો જ્યારે પૂછવામાં આવતું કે છોકરી કેવી રસોઈ બનાવે છે.

આ પણ વાંચો : લો બોલો ! Telanganaમાં કોંગ્રેસના નેતા પર ગધેડાની ચોરીનો આરોપ, પોલીસે ધરપકડ કરી કેસ નોંધ્યો