Lock Upp 2 : છૂટાછેડાની જાહેરાત પછી, ગૌરવ ખન્ના આકાંક્ષાને મળવા લોકઅપ પહોંચ્યો, જુઓ Video
Netlflix Lock Upp 2: ટીવી અભિનેતા ગૌરવ ખન્નાએ પોતાની પત્ની આકાંક્ષા ચમોલાને મળવા માટે નેટફ્લિક્સના શો લોકઅપ 2માં એન્ટ્રી કરી છે. બંને સાથે જોડાયેલો એક ઈમોશનલ વીડિયો નેટફ્લિકસ દ્વારા શેર કરવામાં આવ્યો છે. છુટાછેડાની જાહેરાત બાદ શૌમાં ગૌરવ ખન્નાની એન્ટ્રી થઈ છે.
ઓટીટી પ્લેટફોર્મ નેટફ્લિક્સ પર ચાલી રહેલા રિયાલિટી શો લોકઅપ સીઝન 2માં હાલમાં ડ્રામા અને ઈમોશનનું કોકટેલ જોવા મળી રહ્યું છે. પરંતુ હવે શોમાં એક શાનદાર ટ્વિસ્ટ આવશે. ટીવી અભિનેતા ગૌરવ ખન્ના આ શોમાં સ્પેશિયલ ગેસ્ટ તરીકે એન્ટ્રી કરવા જઈ રહ્યો છે. 8 જુલાઈના એપિસોડના અંતે તેનો એક ઈમોશનલ પ્રોમો વીડિયો દેખાડવામાં આવ્યો છે. જેમણે સોશિયલ મીડિયા પર આવતા ધમાલ મચાવી હતી.
પ્રોમોમાં ગૌરવ ખન્ના પોતાની પત્ની આકાંક્ષા ચમોલા સાથે લોકઅપના ઘરની અંદર મળતા જોવા મળી રહ્યા છે. જેને જોયા બાદ અન્ય સ્પર્ધકોની સાથે ચાહકો પણ ભાવુક થયા હતા.
ઈમોશનલ પ્રોમો વીડિયો
પ્રોમોની શરુઆત ખુબ જ દુખદ ભરી થાય છે. ગૌરવ ઘરમાં આવતા પહેલા પોતાનું દુખ જાહેર કરી કેટલીક ભાવુક લાઈન બોલે છે. તે કહે છે એક ઉંમર છે. તે પસાર કરવાની છે તેના વગર. એક સમય છે જે પસાર થતો નથી. ત્યારબાદ તે જેલની અંદર આવે છે. ત્યાં રહેલા તમામ સ્પર્ધકો તેને જોઈ દંગ રહી જાય છે. ખાસ કરીને તેની પત્ની આકાંક્ષા ચમોલા તો ચોંકી ગઈ છે. તેમને અંદાજો ન હતો કે, ગૌરવ અચાનક તેની સામે આવશે.
બેન્ડ બજા દી યાર તુમને
જ્યારે ગૌરવ અને આકાંક્ષા એકબીજાની આમને-સામને આવે છે. તો માહૌલમાં તણાવ અને સન્નાટો છવાય જાય છે. ગૌરવ મજાકના અંદાજમાં કહે છે. બેન્ડ બજા દી યાર તુમને. ગૌરવની આ વાત સાંભળી ત્યા રહેલા લોકો સ્માઈલ કરે છે. પરંતુ ત્યારબાદ આકાંક્ષા રડવા લાગે છે.બંનેના રિયુનિયન જોઈ શોના અન્ય સ્પર્ધકોની આંખમાં આસું આવી જાય છે.
રસપ્રદ વાત એ છે કે, ગૌરવે પણ આકાંક્ષાના નિવેદનનો પ્રેમથી જવાબ આપ્યો. તેમણે કહ્યું કે તેમના તરફથી કંઈ બદલાયું નથી અને તે હંમેશા આકાંક્ષાની સાથે રહેશે. આજે પણ, ગૌરવ હજુ પણ આકાંક્ષાને તેની “પત્ની” તરીકે ઓળખે છે, જેના કારણે ચાહકો આશ્ચર્યચકિત થઈ ગયા છે કે શું તેમની વચ્ચે સમાધાનની કોઈ તક છે. એ જોવું રસપ્રદ રહેશે કે શું આ મુલાકાત તેમના સંબંધોને નવો વળાંક આપશે.
