28 વર્ષ પછી ફરી ઇતિહાસ રચશે ‘સની દેઓલ’? શું 90’s ના દાયકાની ઓલ ટાઇમ બ્લોકબસ્ટર ફિલ્મનો ‘ભાગ-2’ કન્ફર્મ?

બોલીવુડ સ્ટાર સની દેઓલ (Sunny Deol) ની ફિલ્મ ‘બંટવારા 1947’ તાજેતરમાં રિલીઝ થઈ છે. આ ફિલ્મને દર્શકો તરફથી ઠીક-ઠાક પ્રતિસાદ મળી રહ્યો છે. બીજું કે, બોક્સ ઓફિસ પર ‘બંટવારા 1947’ ને ઈમરાન હાશ્મીની ફિલ્મ ‘આવારાપન 2’ તરફથી કડક ટક્કર મળી રહી છે.

આ જ કારણે ‘બંટવારા 1947’ ની કમાણી મેકર્સની અપેક્ષા મુજબ થઈ રહી નથી. આ દરમિયાન સની દેઓલના ફેન્સ માટે એક મોટા સમાચાર સામે આવ્યા છે. એક્ટરની અપકમિંગ ફિલ્મ અંગે નવું અપડેટ આવ્યું છે, જેને જાણ્યા પછી ફેન્સની ઉત્સુકતા વધવાની શક્યતા છે.

સની દેઓલની અપકમિંગ ફિલ્મને લઈને આવ્યું અપડેટ

સની દેઓલ અને રાજકુમાર સંતોષીએ તાજેતરમાં ઘણા વર્ષો પછી ફિલ્મ ‘બંટવારા 1947’ માં સાથે કામ કર્યું. આ પહેલાં બંને વર્ષ 1996 માં રિલીઝ થયેલી ફિલ્મ ‘ઘાતક’ માં સાથે જોવા મળ્યા હતા. જો કે, ‘બંટવારા 1947’ બોક્સ ઓફિસ પર ખાસ કમાલ દર્શાવી શકી નથી.

EXCLUSIVE!! AFTER #Batwara1947, #SunnyDeol AND #RajkumarSantoshi ARE SET TO REUNITE AGAIN, POSSIBLY FOR #Ghatak2…

Presently in the development stage, the film will go on floors mid-next year! https://t.co/FnPQ5Qi2Qe

— Rahul Raut (@Rahulrautwrites) August 21, 2026

હવે અહેવાલ છે કે, સની દેઓલ અને રાજકુમાર સંતોષી ફરી એકવાર સાથે કામ કરવાની તૈયારી કરી રહ્યા છે. બોલીવુડ હંગામાના અહેવાલ મુજબ, ‘બંટવારા 1947’ ના મેકર્સ હવે ‘ઘાતક’ ના સિક્વલ પર કામ કરી રહ્યા છે. ફિલ્મનું શૂટિંગ આવતા વર્ષના મધ્ય સુધીમાં શરૂ થઈ શકે છે પરંતુ તે પૂરી રીતે સની દેઓલની ઉપલબ્ધતા પર નિર્ભર રહેશે.

‘ઘાયલ’ અને ‘ઘાતક’ જેવી ફિલ્મોમાં સાથે કામ કર્યું

સની દેઓલ અને રાજકુમાર સંતોષીની દોસ્તી ઘણી જૂની છે. બંનેએ પહેલાં ‘ઘાયલ’ અને ‘ઘાતક’ જેવી ફિલ્મોમાં સાથે કામ કર્યું છે. અહેવાલ મુજબ, ‘બંટવારા 1947’ દરમિયાન બંનેનું બોન્ડિંગ ફરી મજબૂત થયું અને તેમણે એક નવા પ્રોજેક્ટ પર ચર્ચા શરૂ કરી દીધી.

#SunnyDeol and #RajkumarSantoshi To Collaborate Again After #Batwara1947 For #Ghatak Sequel

As per the latest reports, Santoshi and Deol will be working on the sequel of 1996’s hit film, Ghatak’s sequel, which will be tentatively titled as #Ghatak2 . The official announcement… pic.twitter.com/D0XvVuScJQ

— Always Bollywood (@AlwaysBollywood) August 21, 2026

કહેવામાં આવી રહ્યું છે કે, સનીને ફિલ્મની પહેલી વાર્તા સંભળાવવામાં આવી ચૂકી છે. તાજેતરમાં રાજકુમાર સંતોષીએ પણ એક ઈન્ટરવ્યુમાં સની દેઓલ સાથે ફરી કામ કરવાની ઈચ્છા વ્યક્ત કરી હતી. જો ‘ઘાતક 2’ ના સમાચાર સાચા સાબિત થાય છે, તો સની દેઓલના ફેન્સ માટે આ બહુ મોટા ખુશખબર હશે.

કરીના કપૂર ખાન ફરી બનશે ‘માં’? ‘બેબી બમ્પ’ કવર કર્યો કે પછી…? જીમ બહારનો વીડિયો જોઈને ફેન્સ પણ ચોંકી ગયા