મજાકના બહાને સલમાન ખાને કહી દીધી ‘અસલી વાત’, દોસ્તના નવા કેફેને લઈને પોસ્ટ થઈ ‘Viral’

બોલીવુડના જાણીતા સ્ટાર સલમાન ખાન (Salman Khan) આજકાલ પોતાના શો ‘બિગ બોસ 20’ (Bigg Boss 20) ને લઈને ચર્ચામાં બન્યા છે. સલમાન ખાનના આ શોને લઈને એક પછી એક અપડેટ સામે આવી રહ્યા છે. આ શો સિવાય સલમાન ખાન પોતાની સોશિયલ મીડિયા પોસ્ટને લઈને પણ સમાચારમાં રહે છે.

સલમાન ખાન જ્યારે પણ કંઈક કહે છે, તેમાં તેમનો એક અલગ અંદાજ જોવા મળે છે. આ વખતે પણ કંઈક એવું જ થયું, જ્યારે તેમણે પોતાના મિત્રના નવા કેફેને લઈને સોશિયલ મીડિયા પર એક રમુજી મેસેજ શેર કર્યો. તેમની આ પોસ્ટ હવે લોકોનું ધ્યાન ખેંચી રહી છે.

સલમાન ખાને કરી રમુજી પોસ્ટ

સલમાને પોતાના મિત્રના બાંદ્રામાં ખુલેલા નવા કેફેને સોશિયલ મીડિયા સ્ટોરી દ્વારા સપોર્ટ કર્યો. તેમણે કેફે સાથે જોડાયેલો એક વીડીયો રીપોસ્ટ કર્યો અને સાથે એવો મેસેજ લખ્યો કે, જે વાંચીને લોકોના ચહેરા પર સ્મિત આવી ગયું. સલમાને મજાકીયા અંદાજમાં કેફેની ક્વોલિટી અને સાફ-સફાઈને લઈને ખાસ મેસેજ કર્યો હતો.

From “It’s done bro” to “It’s done sis”

First #SonamWangchuk, now #TukaramMundhe #SalmanKhan is using trending topics with his signature lines pic.twitter.com/yhrkHB8n8u

— $@M (@SAMTHEBESTEST_) September 4, 2026

સલમાને પોતાના મેસેજમાં કોફીનો ઉલ્લેખ કરતા મિત્રને કહ્યું કે, તેમના માટે કોફી રિફિલ કરતા રહેવું પરંતુ તેની કિંમત વધવી જોઈએ નહીં. સલમાન ખાને આગળ લખ્યું કે, ક્વોલિટી જાળવી રાખવી અને હાઈજીન (સ્વચ્છતા) નું ધ્યાન રાખવું, નહીંતર તે ‘તેમને’ મોકલી દેશે અને પછી ખેલ ખતમ સમજો. ખાસ વાત એ છે કે, સલમાને જે વ્યક્તિ તરફ ઈશારો કર્યો, તેમનું નામ સીધી રીતે ન લીધું પરંતુ પોસ્ટ સામે આવ્યા પછી લોકોને સમજાઈ ગયું કે, તેમનો ઈશારો કોના તરફ છે.

#SalmanKhan gives his friend’s Bandra café a hilarious “warning” over coffee, prices and hygiene! ☕️

The actor jokingly said he would “send HIM” if hygiene wasn’t maintained, seemingly referring to Maharashtra FDA chief Tukaram Mundhe. #MissMalini pic.twitter.com/MuxSaX8s6c

— MissMalini (@MissMalini) September 4, 2026

તુકારામ મુંઢેનો કેમ આવ્યો ઉલ્લેખ?

સલમાન ખાનની આ મજાક મહારાષ્ટ્રના ફૂડ એન્ડ ડ્રગ એડમિનિસ્ટ્રેશનના કમિશનર તુકારામ મુંઢે સાથે જોડાયેલી માનવામાં આવી રહી છે. આજકાલ તેઓ ખાણી-પીણીની દુકાનો, રેસ્ટોરન્ટ્સ અને બીજી ફૂડ જગ્યાઓ પર સાફ-સફાઈ અને ક્વોલિટીને લઈને કરવામાં આવી રહેલી કાર્યવાહીના કારણે ચર્ચામાં છે.

ગુજ્જુ ગર્લને 42 વર્ષની ઉંમરે મળ્યો ‘કાન્હા’ ના આશીર્વાદ, જન્માષ્ટમી પર બતાવી દીકરાની ‘પહેલી ઝલક’ અને જાહેર કર્યું ‘નામ’