OMG 3 વિવાદમાં ઘેરાઈ ! અક્ષય કુમારની ફિલ્મમાંથી ડિરેક્ટરે પાછા ખેંચ્યા હાથ, રાણી મુખર્જીની એન્ટ્રી પર પણ ‘સસ્પેન્સ’
બોલિવૂડની સુપરહિટ ફ્રેન્ચાઇઝી 'ઓહ માય ગૉડ' (OMG) ના ત્રીજા ભાગ 'OMG 3' ને લઈને એક અત્યંત ચોંકાવનારા સમાચાર સામે આવ્યા છે. અક્ષય કુમારની આ ફિલ્મ હાલમાં મુશ્કેલીઓમાં ઘેરાઈ ગઈ છે.
બોલિવૂડની ચર્ચિત ફિલ્મ ફ્રેન્ચાઇઝી ‘ઓહ માય ગૉડ’ (OMG) ના અગાઉના બંને પાર્ટ્સની સફળતા બાદ દર્શકો ત્રીજા પાર્ટ માટે ઉત્સુક નજરે પડી રહ્યા હતા. એવામાં આ મૂવીને લઈને એક મોટા સમાચાર સામે આવ્યા છે, જેણે બધાને ચોંકાવી દીધા છે.
અક્ષય કુમારની આ લોકપ્રિય ફ્રેન્ચાઇઝીની આગામી ફિલ્મ ‘OMG 3: ઓહ માય ગૉડ’ આ દિવસો મુશ્કેલીઓમાં ઘેરાતી નજરે પડી રહી છે. મીડિયા રિપોર્ટ્સ મુજબ, ફિલ્મના દિગ્દર્શક અમિત રાયે આ પ્રોજેક્ટથી પોતાના હાથ પાછળ ખેંચી લીધા છે.
એવું જણાવવામાં આવી રહ્યું છે કે, ફિલ્મની વાર્તા, કાસ્ટિંગ અને રિલીઝ પ્લાનને લઈને દિગ્દર્શક તેમજ નિર્માતાઓ વચ્ચે લાંબા સમયથી મતભેદ ચાલી રહ્યા હતા.
અમિત રાયે ફિલ્મ કેમ છોડી?
એક રિપોર્ટ મુજબ અમિત રાય અને ફિલ્મના નિર્માતાઓના વિચારો મળતા ન દેખાયા. શરૂઆતમાં મામલો માત્ર ફિલ્મની સ્ક્રિપ્ટ સુધી મર્યાદિત જણાવવામાં આવી રહ્યો હતો પરંતુ ધીમે-ધીમે કાસ્ટિંગ અને ફિલ્મની રિલીઝને લઈને ચાલી રહેલી પ્લાનિંગ પણ આ વિવાદનો હિસ્સો બની ગઈ.
કહેવામાં આવી રહ્યું છે કે, બંને પક્ષોએ ઘણી વખત આ બાબતને ઉકેલવાનો પ્રયાસ કર્યો પણ કોઈ મેળ ના આવ્યો. અમિત રાયના બહાર થયા પછી હવે મેકર્સે ડિરેક્ટર વગર જ ફિલ્મને આગળ વધારવાનો નિર્ણય લીધો છે. જો કે, દિગ્દર્શકના ફિલ્મ છોડવાને લઈને હજી સુધી સત્તાવાર પુષ્ટિ કરવામાં આવી નથી.
રાણી મુખર્જીની એન્ટ્રી પણ છે ‘ચર્ચામાં’
હવે સૌથી મોટો સવાલ એ છે કે, અમિત રાયના બહાર થયા પછી આ મૂવીમાં રાણી મુખર્જી મહત્વની ભૂમિકામાં નજરે આવશે કે નહીં? આ મૂવીમાં તેમની કાસ્ટિંગે ફેન્સ વચ્ચે ઉત્સાહ વધારી દીધો હતો. હવે એવા સમાચાર સામે આવ્યા છે કે, રાણી મુખર્જીએ કથિત રીતે ફિલ્મથી દૂરી બનાવી લીધી છે. રિપોર્ટ્સ મુજબ, એક્ટ્રેસ અને દિગ્દર્શક અમિત રાય વચ્ચે ફિલ્મના ક્રિએટિવ ઇશ્યૂઝ હતા. જો કે, રાણી મુખર્જીના ફિલ્મ છોડવાના સમાચાર પર પણ સત્તાવાર નિવેદન સામે આવ્યું નથી.
