ગુસ્સો, પીડા અને એક તોફાન… Rashmika Mandanna ની મોસ્ટ અવેટેડ ફિલ્મ ‘Mysaa’ પર આવ્યું ‘મોટું અપડેટ’
રશ્મિકા મંધાનાના ફેન્સ માટે એક મોટી અપડેટ સામે આવી છે. રશ્મિકાની મોસ્ટ અવેટેડ ફિલ્મ ‘માયસા’ (Mysaa) ની રિલીઝ ડેટનું એલાન કરી દેવામાં આવ્યું છે. આ ફિલ્મમાં રશ્મિકા એકદમ અલગ અને ગોંડ મહિલાના રોલમાં જોવા મળશે, જેના માટે તેણે ખાસ અંડરવોટર એક્શનની ટ્રેનિંગ પણ લીધી છે.
સાઉથથી લઈને બોલિવૂડ ઇન્ડસ્ટ્રી સુધી ધમાલ મચાવનારી એક્ટ્રેસ રશ્મિકા મંધાના (Rashmika Mandanna) ની ફિલ્મ ‘માયસા’ (Mysaa) નો સારો એવો બઝ બનેલો છે. આ ફિલ્મને જોવા માટે લોકો આતુર છે. ફિલ્મ ‘માયસા’ પર સૌની નજરો ટકેલી છે. આ દરમિયાન રશ્મિકા મંધાનાની મુવી ‘માયસા’ ને લઈને મોટું અપડેટ સામે આવ્યું છે.
રશ્મિકા મંધાનાની ફિલ્મ ‘માયસા’ ની રિલીઝ ડેટ સામે આવી ગઈ છે. ફિલ્મનું નિર્દેશન ડેબ્યુટન્ટ રવિન્દ્ર પુલે કરી રહ્યા છે. આમાં રશ્મિકા એક ગોંડ મહિલાના રોલમાં જોવા મળશે. આ તેના કરિયરનો એક અલગ અને ખૂબ જ પડકારજનક રોલ જણાવવામાં આવી રહ્યો છે. ફિલ્મના મેકર્સે મંગળવારે રિલીઝ ડેટની જાહેરાત કરી. ‘માયસા’ 27 નવેમ્બર 2026 ના રોજ વિશ્વભરના સિનેમાઘરોમાં રિલીઝ થશે.
ફિલ્મના પ્રોડક્શન બેનર અનફોર્મ્યુલા ફિલ્મ્સે રશ્મિકાના પાત્રને મજબૂત ગણાવ્યું છે. રશ્મિકાએ પણ સોશિયલ મીડિયા પર ફિલ્મને લઈને પોતાની એક્સાઇટમેન્ટ વ્યક્ત કરી. તેણે લખ્યું કે, ‘માયસા’ ગુસ્સો, પીડા, દુઃખ, હિંમત, તાકાત અને એક એવા તોફાનની કહાની છે કે, જેની કોઈએ અપેક્ષા નહીં કરી હોય.
એશિયન અભિનેત્રી એ કર્યો પહેલો અંડરવોટર સીન
‘Mysaa’ માટે રશ્મિકાએ ઘણી તૈયારી કરી છે. ફિલ્મમાં એક અંડરવોટર એક્શન સીક્વન્સ પણ છે, જેના માટે તેણે ખાસ ટ્રેનિંગ લીધી. મેકર્સનો દાવો છે કે, આ કોઈ એશિયન અભિનેત્રી દ્વારા કરવામાં આવેલો પહેલો અંડરવોટર એક્શન સીન છે. ફિલ્મના શૂટિંગ દરમિયાન રશ્મિકાને હિપ ઇંજરી પણ થઈ હતી.
આ પછી તેણે સોશિયલ મીડિયા પર પોતાની હેલ્થને લઈને ફેન્સને અપડેટ આપી હતી. હવે તે ધીમે ધીમે રિકવરી કરી રહી છે અને ટૂંક સમયમાં કામ પર પરત ફરવાની છે. ‘માયસા’ માં રશ્મિકા ઉપરાંત રાહુલ રવિન્દ્રન અને ઈશ્વરી રાવ પણ મહત્વની ભૂમિકામાં જોવા મળશે. ખાસ વાત એ છે કે, રાહુલ રવિન્દ્રન આ પહેલા રશ્મિકા સાથે ફિલ્મ ‘ધ ગર્લફ્રેન્ડ’ માં કામ કરી ચૂક્યા છે.
