ગુજ્જુ ગર્લને 42 વર્ષની ઉંમરે મળ્યા ‘કાન્હા’ ના આશીર્વાદ, જન્માષ્ટમી પર બતાવી દીકરાની ‘પહેલી ઝલક’ અને જાહેર કર્યું ‘નામ’

ટીવી અને બોલીવુડ એક્ટ્રેસ કરિશ્મા તન્ના આજકાલ પોતાની જિંદગીના સૌથી સુંદર તબક્કામાંથી પસાર થઈ રહી છે. કરિશ્મા અને તેના પતિ વરુણ બંગેરા હાલમાં જ માતા-પિતા બન્યા છે. એક્ટ્રેસે ગુરુ પૂર્ણિમાના પવિત્ર અવસર પર પોતાના પહેલા બાળકના જન્મની ખુશખબરી આપી હતી. પુત્રના જન્મ પછીથી જ ફેન્સ તેના નામ અને પહેલી ઝલકની રાહ જોઈ રહ્યા હતા.

હવે જન્માષ્ટમીના ખાસ અવસર પર કરિશ્મા તન્નાએ પોતાના દીકરાના નામનો ખુલાસો કરી દીધો છે. આ સાથે જ તેણે પોતાના પતિ અને દીકરા સાથે પહેલી ફેમિલી ફોટો પણ શેર કરી છે. જો કે, આ તસવીરમાં બાળકના ચહેરાની જગ્યાએ માત્ર તેના નાનકડા હાથ નજરે પડી રહ્યા છે.

કરિશ્મા તન્નાએ દીકરાનું શું નામ રાખ્યું?

કરિશ્મા તન્ના અને વરુણ બંગેરાએ પોતાના દીકરાનું નામ ‘વેદ તન્ના બંગેરા’ રાખ્યું છે. જન્માષ્ટમીના શુભ અવસર પર એક્ટ્રેસે સોશિયલ મીડિયા પર દીકરાના નામની જાહેરાત કરી. તેણે પોતાના દીકરાના નાનકડા હાથોની એક તસવીર શેર કરી, જેમાં બાળકના હાથ કરિશ્મા અને વરુણના હાથો વચ્ચે જોવા મળી રહ્યા છે. આ તસવીર દ્વારા કપલે પહેલીવાર પોતાના દીકરાની ઝલક ફેન્સ સાથે શેર કરી.

કરિશ્માએ દીકરાનું નામ જણાવતા લખ્યું કે, કાન્હાના આશીર્વાદથી તેઓ પોતાના નાના એવા ચમત્કારનો પ્રેમથી પરિચય કરાવી રહ્યા છે. તેણે પોતાના દીકરાનું નામ ‘વેદ તન્ના બંગેરા’ બતાવવાની સાથે તેના અર્થનો પણ ઉલ્લેખ કર્યો. એક્ટ્રેસના જણાવ્યા અનુસાર, ‘વેદ’ નામ પવિત્ર જ્ઞાન, બુદ્ધિમત્તા અને પ્રકાશનું પ્રતીક છે. કરિશ્મા અને વરુણે પોતાના દીકરા માટે આ નામ ખૂબ જ ખાસ અને અર્થપૂર્ણ રીતે પસંદ કર્યું છે.

ગુરુ પૂર્ણિમા પર થયો હતો દીકરાનો જન્મ

કરિશ્મા તન્નાએ આ જ વર્ષે જુલાઈમાં પોતાના પહેલા બાળકને જન્મ આપ્યો હતો. એક્ટ્રેસે એપ્રિલમાં પોતાની પ્રેગ્નન્સીના સમાચાર ફેન્સ સાથે શેર કર્યા હતા. ત્યારપછી તે સતત પોતાની પ્રેગ્નન્સી જર્નીની ઝલક સોશિયલ મીડિયા પર પોસ્ટ કરતી રહી હતી. પ્રેગ્નન્સીના છેલ્લા મહિનાઓમાં કરિશ્માએ કેટલાય ફોટોશૂટની તસવીરો પણ શેર કરી હતી.

આ સિવાય તેને અવારનવાર પેપરાઝીએ પણ સ્પોટ કરી હતી, જ્યાં તેના મેટરનિટી લુક્સની ખૂબ ચર્ચા થઈ હતી. 30 જુલાઈના રોજ કરિશ્મા અને વરુણે પોતાના બાળકના જન્મના ખુશખબર સોશિયલ મીડિયા પર શેર કર્યા હતા.

તેમણે એક તસવીર પોસ્ટ કરી હતી, જેમાં બાળકના નાનકડા પગ જોવા મળી રહ્યા હતા. કપલે બતાવ્યું હતું કે, તેમના દીકરાનો જન્મ ગુરુ પૂર્ણિમાના પવિત્ર દિવસે થયો છે. તેમણે પોતાના બાળકને પોતાની જિંદગીનો સૌથી મોટો આશીર્વાદ ગણાવતા તેનું દુનિયામાં સ્વાગત કર્યું હતું.

19 વર્ષ પછી મોટું એલાન ! 2 દાયકા બાદ પાછી ફરી બોલીવુડની સુપરહિટ કોમેડી ફિલ્મ, સાજીદ નડિયાદવાલાએ આપ્યા Good News