અક્ષય કુમારને પોતાને જ નથી ખબર કે તેના પિતા કોણ હતા? અલગ અલગ ઇન્ટરવ્યુના વીડિયો થયા વાયરલ

શું તમને ખબર છે કે બોલિવૂડના ખિલાડી અક્ષય કુમારને લઈને એક અજીબ ચર્ચા ફરીથી વાયરલ થઈ રહી છે? ચર્ચા એવી કે અક્ષય કુમારને ખુદને જ સ્પષ્ટ નથી કે તેમના પિતા શું કરતા હતા! સોશિયલ મીડિયા પર તેમના અલગ-અલગ ઇન્ટરવ્યુના વીડિયો વાયરલ થઈ રહ્યા છે, જેમાં અક્ષય કુમાર પોતાના પિતાના વ્યવસાય વિશે અલગ-અલગ વાતો કહેતા નજરે પડે છે.

કેટલાક ઇન્ટરવ્યુમાં અક્ષય કુમાર કહે છે કે તેમના પિતા રેસલર એટલે કે પહેલવાન હતા. તો અન્ય કેટલાક વીડિયો ક્લિપ્સમાં તેઓ કહે છે કે તેમના પિતા આર્મીમાં હતા. આ બંને દાવાઓને કારણે લોકોમાં લાંબા સમયથી એવી માન્યતા બની ગઈ હતી કે અક્ષયના પિતા કોઈ ફાઇટર બેકગ્રાઉન્ડમાંથી હતા.

પરંતુ આ બધાની વચ્ચે એક અન્ય ઇન્ટરવ્યુ સામે આવ્યું, જેમાં અક્ષય કુમાર ખુદ કહે છે કે તેમના પિતા ન તો રેસલર હતા અને ન તો તેઓ આર્મીમાં હતા. તેમણે સ્પષ્ટ કહ્યું હતું કે “My father was an accountant.” આ નિવેદન પછી લોકો આશ્ચર્યમાં પડી ગયા અને પ્રશ્ન ઉઠવા લાગ્યા.

હવે સવાલ એ ઊભો થાય છે કે શું અક્ષય કુમાર પોતે જ પોતાના પિતાના વ્યવસાયને લઈને કન્ફ્યૂઝ છે? કે પછી અલગ-અલગ સમય પર આપવામાં આવેલા નિવેદનોને ખોટી રીતે કટ કરીને વાયરલ કરવામાં આવી રહ્યા છે? સોશિયલ મીડિયા પર લોકો આ મુદ્દે અલગ-અલગ અભિપ્રાય આપી રહ્યા છે.

કેટલાક લોકો કહે છે કે અક્ષય કુમારે વાતને સરળ બનાવવા માટે જુદા જુદા સંદર્ભોમાં જુદી વાત કરી હશે, જ્યારે કેટલાક લોકો માને છે કે આ વીડિયો ક્લિપ્સને સેન્સેશન બનાવવા માટે વાંકડા અર્થમાં રજૂ કરવામાં આવ્યા છે. હકીકત જે પણ હોય, પરંતુ આ વાયરલ વીડિયોએ ફરી એકવાર અક્ષય કુમારના પરિવારને લઈને ચર્ચા ગરમાવી દીધી છે.

નોંધ : અહીં આપવામાં આવેલો વીડિયો સોશિયલ મીડિયામાં વાયરલ થયેલ છે. Tv9 ગુજરાતી આ વીડિયોની પુષ્ટિ કરતું નથી.