હસવાની ગેરંટી! 22 વર્ષ ‘જૂનો ક્રેઝ’ પાછો આવ્યો, અક્ષય અને પ્રિયદર્શનની 9મી ફિલ્મનું નામ સાંભળ્યું કે નહીં?
બોલિવૂડના સુપરસ્ટાર અક્ષય કુમાર અને દિગ્ગજ ડાયરેક્ટર પ્રિયદર્શનની સુપરહિટ જોડી ફરી એકવાર મોટા પડદે ધમાલ મચાવવા માટે તૈયાર છે. આ લોકપ્રિય જોડીની આગામી ફિલ્મની જાહેરાત થતાં જ ફેન્સમાં ભારે ઉત્સાહ જોવા મળી રહ્યો છે, જેમાં અક્ષય કુમાર એક તદ્દન નવા અને મનોરંજક અવતારમાં જોવા મળશે.
બોલિવૂડ એક્ટર અક્ષય કુમારે (Akshay Kumar) ફિલ્મ ‘Welcome To The Jungle’ થી ધમાલ મચાવી દીધી છે. ફિલ્મ ‘Welcome To The Jungle’ને ઘણી પસંદ કરવામાં આવી રહી છે.
ફિલ્મ ‘Welcome To The Jungle’ અત્યાર સુધીમાં 100 કરોડ રૂપિયાથી વધુની કમાણી કરી ચૂકી છે. આ દરમિયાન અક્ષય કુમાર અને પ્રિયદર્શનની (Priyadarshan) ફિલ્મને લઈને નવું અપડેટ સામે આવ્યું છે. વાત એમ છે કે, ફિલ્મના નામ પરથી પડદો હટી ગયો છે.
અક્ષય કુમારની ફિલ્મના ટાઈટલ પરથી હટ્યો ‘પડદો’
અક્ષય કુમાર અને પ્રિયદર્શનની જોડીએ બોલિવૂડને ઘણી યાદગાર ફિલ્મો આપી છે. આવી સ્થિતિમાં જ્યારે બંને ફરી એકવાર સાથે કામ કરવા જઈ રહ્યા છે, ત્યારે ફેન્સની એક્સાઈટમેન્ટ વધવી નક્કી છે. હવે આ નવા પ્રોજેક્ટને લઈને એક મહત્વનું અપડેટ સામે આવ્યું છે.
MEGA EXCLUSIVE: #AkshayKumar–#Priyadarshan’s next gets an exciting title – Wicked Sunny@akshaykumar @priyadarshandir https://t.co/RG8moqPzV6
— BollyHungama (@Bollyhungama) July 4, 2026
બોલિવૂડ હંગામાના એક અહેવાલ મુજબ, આ ફિલ્મનું નામ ‘વિકેડ સની’ (Wicked Sunny) રાખવામાં આવ્યું છે. મેકર્સને લાગે છે કે, આ નામ ફિલ્મના મિજાજ અને અક્ષય કુમારના પાત્ર બંને પર એકદમ ફિટ બેસે છે. સૌથી રસપ્રદ વાત એ છે કે, ‘મુજસે શાદી કરોગી’ (2004) માં અક્ષય કુમારની એન્ટ્રી વખતે જે થીમ મ્યુઝિક વાગતું હતું, તેનું નામ પણ ‘વિકેડ સની’ હતું. ફિલ્મને રિલીઝ થયાને 22 વર્ષ થઈ ગયા છે પરંતુ તે થીમ આજે પણ લોકોમાં એટલી જ ફેમસ છે.
Role કંઈક હટકે હશે
અહેવાલમાં આગળ જણાવાયું છે કે, ‘વિકેડ સની’માં અક્ષય કુમારનો કોમિક અંદાજ પહેલા કરતાં બિલકુલ અલગ હશે. ‘Bhooth Bangla’ અને ‘Welcome To The Jungle’ જેવી ફિલ્મોમાં તેમણે જે રોલ કર્યા છે, તેનાથી આ પાત્ર ઘણું અલગ છે. આ ફિલ્મમાં અક્ષયનો ફુલ-ઓન મસ્તીભર્યો અવતાર જોવા મળશે. એટલું જ નહીં, ફિલ્મનું ટાઈટલ પણ તેને લઈને લોકોની એક્સાઈટમેન્ટ વધુ વધારી દેશે.
અક્ષય-પ્રિયદર્શનની જોડી 9મી વખત મચાવશે ‘ધૂમ’
‘વિકેડ સની’ સાથે પ્રિયદર્શન અને અક્ષય કુમાર નવમી વખત સાથે કામ કરી રહ્યા છે. આ પહેલા બંને ‘હેરા ફેરી’, ‘ગરમ મસાલા’, ‘ભાગમ ભાગ’, ‘ભૂલ ભુલૈયા’, ‘દે દના દન’, ‘ખટ્ટા મીઠા’, ‘ભૂત બંગલા’ અને ‘હૈવાન’ જેવી ફિલ્મોમાં સાથે જોવા મળી ચૂક્યા છે. આમાંથી ‘હૈવાન’ 11 સપ્ટેમ્બર 2026ના રોજ સિનેમાઘરોમાં રિલીઝ થશે.
