ઉદ્યોગપતિ મુકેશ અંબાણી અને નીતા અંબાણીના નાના પુત્ર અનંત અંબાણીના લગ્નને હવે માત્ર એક સપ્તાહ બાકી છે. ટૂંક સમયમાં રાધિકા મર્ચન્ટ અને અનંત અંબાણી એકબીજાના બની જશે. લગ્ન પહેલા જરૂરી વિધિઓ શરૂ થઈ ગઈ છે. તેઓ અંબાણીના નિવાસસ્થાન એન્ટિલિયા ખાતે જ આયોજિત કરવામાં આવી રહ્યા છે. પરિવારના સભ્યો, સંબંધીઓ અને ખાસ મિત્રો આ કાર્યક્રમમાં હાજરી આપી રહ્યા છે. આગલા દિવસે મામેરુ ફંક્શન બાદ જ ગરબા નાઈટનું આયોજન કરવામાં આવ્યું છે. આ મેગા ઈવેન્ટનું આયોજન અનંત અંબાણીના દાદી કોકિલાબેન એ કર્યુ હતું. તેની ઝલક હવે સામે આવી છે. આ સાથે ગરબા નાઈના ઈનસાઈડ વીડિયો પણ સામે આવી રહ્યા છે.
સામે આવેલા વીડિયોમાં તમે વીર પહાડિયાને સ્ટેજ પર પરફોર્મ કરતા જોઈ શકો છો. એટલું જ નહીં, ઘણા મહેમાનો સ્ટેજની સામે જ ડાન્સ કરતા જોવા મળે છે. આ વીડિયોમાં કોકિલાબેન અંબાણી ઉભેલા દેખાઈ રહ્યા છે. આ ગરબા નાઈટને ખુદ કોકિલાબેન એ હોસ્ટ કરી હતી. ગરબાના બીટ પર લોકોને મંત્રમુગ્ધ કરનાર સિંગર પૃથ્વી ગોહિલ પણ મસ્તી કરતા જોવા મળે છે. પૃથ્વી ગોહિલે ભૂતકાળમાં અંબાણી પરિવારના અનેક કાર્યક્રમોમાં પરફોર્મ કર્યું છે .
જે વીડિયો સામે આવ્યો છે, તેમાં તમે અંદરના ફ્લોરલ ડેકોરેશનની ઝલક જોઈ શકો છો. આખો હોલ રાધા-કૃષ્ણની મૂર્તિઓથી શણગારવામાં આવ્યો છે. ગુજરાતી વાઇબ સાથેના આ શણગારને ગુલાબી અને સફેદ રંગના કોમ્બિનેશનથી સજાવવામાં આવ્યું છે. વીડિયોમાં દેખાતી સુંદર સજાવટ તમારું દિલ જીતી લેશે. આટલું જ નહીં અન્ય એક વીડિયો પણ સામે આવ્યો છે જેમાં ગરબા પરફોર્મન્સ જોવા મળી રહ્યો છે.
સમૂહ લગ્ન સમારોહ પૂર્ણ થયા બાદ અંબાણી પરિવારમાં લગ્નની વિધિઓ શરૂ થઈ ગઈ છે. બુધવારે ‘મામેરુ’ સેરેમનીનું આયોજન કરવામાં આવ્યું હતું અને બીજા દિવસે ગુરુવારે ગરબા નાઇટનું આયોજન કરવામાં આવ્યું હતું. આ દરમિયાન દરેક વ્યક્તિ થીમ પ્રમાણે પોશાક પહેરેલા જોવા મળ્યા હતા. બધાએ ગુજરાતી સ્ટાઈલના ઘાગરા-ચોલી અને કુર્તા-પાયજામા પહેર્યા હતા. હવે આ ફંક્શનની એકથી વધુ વિચિત્ર તસવીરો વાયરલ થઈ રહી છે. બસ, હવે અનંત અંબાણી અને રાધિકા મર્ચન્ટના લગ્ન બહુ દૂર નથી, 12 જુલાઈના રોજ બંને સાત ફેરા લેશે અને લગ્ન કર્યા બાદ તેઓ પતિ-પત્ની કહેવાશે.