kareena kapoor બાદ પિતા સૈફ અલી ખાન સાથે નજરે આવ્યો નાનો પુત્ર, સબાએ શેર કરી તસ્વીર

બૉલીવુડની બેબો એટલ કે કરીના કપૂર ખાન અને એક્ટર સૈફ અલી ખાનના ઘરે 21 ફેબ્રુઆરીના રોજ બીજી વાર કિલકારી ગુંજી ઉઠી હતી. કરીનાએ બીજા પુત્રને જન્મ આપ્યો હતો. 21 માર્ચના રોજ કરીનાનો પુત્ર એક મહિનાનો થઇ ગયો છે. ત્યારે સબા પટૌડીએ ઇન્સ્ટાગ્રામ પર તેની એક તસ્વીર ફેન્સ સાથે શેર કરી છે.

સબા પટૌડીએ તાજેતરમાં ઇન્સ્ટાગ્રામ સ્ટોરી પર એક GIF વિડિઓ શેર કરી છે. વીડિયોમાં કહેવામાં આવ્યું છે કે તૈમૂર અલી ખાનનો નાનો ભાઈ એક મહિનાનો થઈ ગયો છે. આ સાથે ફોટોમાં કરીના અને સૈફ સાથે નાના મહેમાનો પણ જોવા મળી રહ્યા છે. જો કે, વિડિઓમાં નાના મહેમાનનો ચહેરો દેખાતો નથી.

ફેન્સ આ વીડિયોને ખુબ પસંદ કરી રહ્યા છે અને આ વીડિયો સોશિયલ મીડિયા પર વાયરલ થવા માંડ્યો છે. જોકે હજી સુધી સૈફ અલી ખાન કે કરીના કપૂર ખાને પુત્રના નામનો ખુલાસો કર્યો નથી. તો ફેન્સ પણ કરીના અને સૈફનાં નાના પુત્રની ઝલક જોવા માટે ઘણા ઉત્સુક છે. પરંતુ આ કપલે હજુસુધી કોઈ જાણકારી આપી નથી.

કરીના અને સૈફ અલી ખાનના વર્કફ્રન્ટની વાત કરવામાં આવે તો તે જલ્દી જ આમિર ખાન સાથેની ફિલ્મ લાલસિંહ ચઢ્ઢામાં નજરે આવશે. આ ફિલ્મમાં કરીનાની સાથે આમિર ખાન લીડરોલમાં રહેશે. તો બીજી તરફ સૈફ અલી ખાન, ઓમ રાઉતની આદિપુરુષ સિવાય ફિલ્મ ભૂત પોલીસમાં પણ નજરે આવશે.