UP Election: વડાપ્રધાન મોદીનો બલિયામાં પરિવારવાદ પર પ્રહાર, કહ્યું- તેમણે જનતાને નકારીને પોતાની તિજોરી ભરી

ઉત્તર પ્રદેશ વિધાનસભા (Uttar Pradesh Assembly Election 2022) ચૂંટણીની વચ્ચે વડાપ્રધાન નરેન્દ્ર મોદી (Narendra Modi) સોમવારે પૂર્વાંચલના બલિયા જિલ્લાના હેબતપુર ગામમાં જાહેર સભાને સંબોધિત કરવા પહોંચ્યા હતા. અહીં વડાપ્રધાને વિપક્ષ પર જોરદાર નિશાન સાધ્યું, તો ત્યાં તેમણે બલિયા પ્રત્યેનો લગાવ પણ વ્યક્ત કર્યો. પીએમ મોદીએ કહ્યું કે બલિયા સાથે મારું ભાવનાત્મક જોડાણ છે, કારણ કે મફત ગેસ સિલિન્ડર યોજના ઉજ્જવલા અહીંથી શરૂ કરવામાં આવી હતી. યુપીનો વિકાસ મારી જવાબદારી અને પ્રાથમિકતા છે. યોગી સરકારમાં હવે બલિયાના એક પણ બિઝનેસમેનને પોતાના પૈસા ચોરાઈ જવાનો ડર નથી. PMએ ફરી ભાજપ સરકાર બનાવવાની અપીલ કરી. પીએમ મોદીને સાંભળવા માટે જાહેર સભા સ્થળે ભીડ ઉમટી હતી.

તમને જણાવી દઈએ કે, યુપી ચૂંટણી તેના છઠ્ઠા તબક્કા તરફ આગળ વધી ગઈ છે. 3 માર્ચે મતદાન થવાનું છે. આ અર્થમાં, બલિયા જિલ્લામાં રાજકીય ઉથલપાથલ પૂર્વાંચલના અન્ય જિલ્લાઓ કરતાં વધુ છે. ઈશારામાં સપા પર નિશાન સાધતા પીએમ મોદીએ કહ્યું કે આ પરિવારવાદી પોતે જ ઉત્તર પ્રદેશનો વિકાસ રોકવા માંગે છે. આવા લોકોથી આપણે સાવધાન રહેવું જોઈએ. આ લોકોએ માત્ર પોતાની તિજોરી ભરી છે.

રાજ્યમાં ગરીબોને 34 લાખથી વધુ પાકાં મકાનો અપાયા

પીએમ મોદીએ કહ્યું કે ગરીબો પાસે પણ પાકું ઘર હોવું જોઈએ, આ માટે પણ અમારી સરકારે પ્રધાનમંત્રી આવાસ યોજના શરૂ કરી છે. આ યોજના હેઠળ, ઉત્તર પ્રદેશમાં અહીં ગરીબોને 34 લાખથી વધુ પાકાં મકાનો આપવામાં આવ્યા છે. અહીં બલિયામાં પણ હજારો ગરીબોને પાકાં મકાનો આપવામાં આવ્યા છે. જ્યારે બાળક માતાના ગર્ભમાં હોય છે ત્યારે સગર્ભા માતાઓ કુપોષણનો શિકાર ન બને તે માટે અમારી સરકાર માતૃ વંદના યોજના ચલાવી રહી છે. 10 હજાર કરોડથી વધુ રૂપિયા ગર્ભવતી માતાઓના ખાતામાં સીધા ટ્રાન્સફર કરવામાં આવ્યા છે.

પીએમએ ડબલ એન્જિન સરકારનું મહત્વ જણાવ્યું

60 વર્ષની ઉંમર પછી, કામદારો, ખેડૂતો, નાના દુકાનદારો બધાને 3,000 રૂપિયા માસિક પેન્શન મળે છે. આ માટે ભાજપ સરકારે અનેક યોજનાઓ શરૂ કરી છે. હું આ યોજનાઓને અમલમાં મૂકવા સક્ષમ છું કારણ કે અહીં યોગીજીની ડબલ એન્જિન સરકાર છે. હું દિલ્હીથી જે મોકલું છું તેનાથી કોઈ અવરોધ ઊભો થતો નથી અને તે યોજનાઓનો લાભ સીધો લાભાર્થીઓ સુધી પહોંચે છે.

આ પણ વાંચો : Delhi Riots: દિલ્હી હાઈકોર્ટે રમખાણ કેસમાં સોનિયા-રાહુલ-પ્રિયંકા ગાંધી અને અનુરાગ ઠાકુરને મોકલી

નોટિસ, પૂછ્યું- કેસ કેમ નોંધવામાં ન આવે

આ પણ વાંચો : Russia-Ukraine Crisis: સ્વાસ્થ્ય મંત્રાલયે આંતરરાષ્ટ્રીય પ્રવાસ માર્ગદર્શિકામાં કર્યો ફેરફાર, યુક્રેનથી આવતા ભારતીયોને છૂટ