Vadgam Election Result 2022 LIVE Updates: વડગામ વિધાનસભા બેઠક પર કોગ્રેંસના જીગ્નેશ મેવાણીની 4 હજારથી વધુ મતથી જીત

ગુજરાતની વડગામ બેઠકનું પરિણામ 2022 LIVE Updates: Gujarat Election વડગામ વિધાનસભા બેઠક પર કોગ્રેંસના જીગ્નેશ મેવાણીની જીત થઈ છે, જ્યારે ભાજપના મણિભાઈ વાઘેલાની હાર થઈ છે. આ વખતની ટર્મમાં કોંગ્રેસે જિજ્ઞેશકુમાર નટવરલાલ મેવાણી ને ટિકિટ આપી વડગામ થી ચૂંટણીના મેદાનમાં ઉતાર્યા છે. તેમની પાસે રૂપિયા 15480643ની જંગમ મિલકત છે. તેમને PGD/LLB સુધીનો અભ્યાસ કર્યો છે. ત્યારે ભાજપે મણિભાઈ જેઠાભાઈ વાઘેલા ને ટિકિટ આપી છે. તેમની પાસે રૂપિયા 27122430 ની જંગમ મિલકત છે. અભ્યાસની વાત કરીએ તો તેમને ધોરણ -10 પાસ સુધીનું શિક્ષણ મેળવ્યું છે. ત્યારે આમ આદમી પાર્ટીએ ભાજપ અને કોંગ્રેસના ઉમેદવાર સામે દલપતભાઈ ડાહ્યાભાઈ ભાટિયાને ઉમેદવાર તરીકે ચૂંટણીના મેદાનમાં ઉતાર્યા છે. તેમની પાસે રૂપિયા 100125 ની જંગમ મિલકત છે. અભ્યાસની વાત કરીએ તો ધોરણ -10 પાસ કર્યુ છે.

વડગામ વિધાનસભા ચૂંટણીમાં આ વખતે ચતુષ્કોણીય જંગ જામ્યો હતો. ભાજપ, કોંગ્રેસ, આપ અને AIMIM મેદાનમાં હતા. બેઠકના તમામ સમીકરણોને જોતા અગાઉથી આ બેઠક માટે અનુમાન લગાવવા મુશ્કેલ બન્યા હતા. વડગામ વિધાનસભામાં મુસ્લિમ મતદારો અને દલિત મતદારોનું પ્રભુત્વ છે. બેઠકમાં 78 થી 80 હજાર જેટલા મુસ્લિમ મતદારો છે તો દલિત અને ચૌધરીઓના 40 – 40 હજાર મત છે. આ બેઠકને કબજે કરવા તો ચોક્કસ ઉમેદવારોના મત તોડવા રાજકીય પક્ષ દ્વારા ખુબ જોર લગાવાયું હતું. વર્ષ 2017માં જીગ્નેશ મેવાણી અપક્ષ લડ્યા ત્યારે તેમને ક્ષત્રિય ઠાકોર સેનાનો સાથ હતો પરંતુ અલ્પેશ ઠાકોર ભાજપમાં જોડાઈ જવાથી હાલની ચૂંટણીમાં સમીકરણો બદલાય હતા.

મેવાણીએ કોંગ્રેસનો હાથ ઝાલ્યો તે મતદારોને પસંદ ન પડ્યું

વર્ષ 2017 ની ચૂંટણીની સરખામણીએ વડગામ બેઠકના સમીકરણો વર્ષ 2022 માં તદ્દન અલગ સર્જાયા હતા. 2.94 લાખ કુલ મતદારો સામે 50 ટકાથી વધુ મતદાર મુસ્લિમ , SC અને ચૌધરી સમાજના છે. આ મતદારોને રીઝવવા ચૂંટણી જીતવામાટે જરૂરી છે. સત્તાપક્ષથી સામા પવને ચાલી રહેલા મેવાણી મતક્ષેત્રને વિકાસની કેડી ઉપર હરણફાળ ભરાવી શક્ય ન હોવાના આક્ષેપો થયા હતા.

આ પણ વાંચો:

ગુજરાત વિધાનસભા ચૂંટણી લાઈવ અપડેટ

ગુજરાત ચૂંટણી પરિણામ 2022 એલાયન્સ પાર્ટી વાઈઝ ટેલી લાઈવ