ગુજરાતની લુણાવાડા બેઠકનું પરિણામ 2022 LIVE Updates: Gujarat Election લુણાવાડા વિધાનસભા બેઠક પર કોગ્રેંસના ગુલાબસિંહની જીત થઈ છે, જ્યારે ભાજપના જિજ્ઞેશકુમાર સેવકની હાર થઈ છે. ગુજરાતની મહિસાગર જિલ્લાની લુણાવાડા બેઠક પર ભાજપે જિજ્ઞેશ અંબાલાલ સેવકને ટિકિટ આપી છે. તેમણે BSC અને LLB સુધીનો અભ્યાસ કર્યો છે. તેમની જંગમ મિલકત 60,27,750.54 છે. જ્યારે કોંગ્રેસે ગુલાબસિંહ સોમસિંહ ચૌહાણને ટિકિટ આપી છે. તેમણે B.com સુધીનો અભ્યાસ કર્યો છે. તેમની પાસે 13,39,157.01 જંગમ મિલકત છે. જ્યારે આમ આદમી પાર્ટીએ નટવરસિંહ સોલંકીને ટિકિટ આપી છે. તેઓ નોન મેટ્રિક એટલે કે ધોરણ 10 નાપાસ છે. તેમની પાસે 4,65,523 જંગમ મિલકત છે.
આ બેઠક પર 2019માં પેટાચૂંટણી યોજાઈ હતી. જેમા ભાજપના જિજ્ઞેશ સેવક 67,391 મતોથી જીત્યા હતા. તેમણે કોંગ્રેસના ગુલાબસિંહ ચૌહાણને 11,952 મતોથી માત આપી હતી. એનસીપીના ભરતકુમાર પટેલને 12,309 મત મળ્યા હતા. 2017ની ચૂંટણીમાં આ બેઠક પરથી જીતેલા અપક્ષ ઉમેદવાર રતનસિંહ રાઠોડ 2019ની લોકસભા ચૂંટણીમાં સાંસદ તરીકે ચૂંટાતા આ બેઠક ખાલી પડી હતી અને પેટાચૂંટણી યોજાઈ હતી જેમા ભાજપના જિજ્ઞેશ સેવકની જીત થઈ હતી.
લુણાવાડા બેઠક પર 2017માં અપક્ષ ઉમેદવાર રતનસિંહ રાઠોડે બાઝી મારી હતી. રતનસિંહ રાઠોડ 55,098 મતોથી જીત્યા હતા. જ્યારે ભાજપના મનોજકુમાર પટેલને 51,898 મતથી સંતોષ માનવો પડ્યો હતો. જ્યારે કોંગ્રેસના પરાંજયદિત્યસિંહજીને 47093 મત મળ્યા હતા અને અન્ય અપક્ષ ઉમેદવાર ભૂપેન્દ્રસિંહ સોલંકીને 8660 મત મળ્યા હતા.
આ બેઠક 2012માં કોંગ્રેસના હિરાભાઈ પટેલ જીત્યા હતા જ્યારે ભાજપના માલીવાડ કાળુભાઈ પટેલને હારનો સામનો કરવો પડ્યો હતો. 2007માં પણ કોંગ્રેસના હિરાભાઈ હરીભાઈ પટેલ જીત્યા હતા જ્યારે ભાજપના માલીવાડ કાળુભાઈની હાર થઈ હતી. છેલ્લે 2002માં આ બેઠક પર ભાજપના માલીવાડ કાળુભાઈ હિરાભાઈ જીત્યા હતા.
લુણાવાડા વિધાનસભા બેઠક પર જ્ઞાતિ સમીકરણની વાત કરીએ તો 260498 મતદારો છે, જેમાં 34 ટકા OBC અને 20 ટકા પાટીદાર મતદારો છે. અહીં ઓબીસી મતદારો સૌથી વધુ હોવા છતા OBC સમાજના આગેવાન કાળુભાઈ માલીવાડ 2002માં જીત્યા હતા. જેઓ 2002માં ભાજપના ધારાસભ્ય હતા, તેઓ 2007માં 84 મતોથી અને 2012માં 370 મતોથી ચૂંટણી હારી ગયા હતા.
લુણાવાડા બેઠક પર પુરુષ મતદારો 133573 છે, મહિલા મતદારો 126924 છે અન્ય મતદાર 1 છે. કુલ મતદારો મળીને 2 લાખ 60 હજાર 498 છે.
આ પણ વાંચો:
ગુજરાત વિધાનસભા ચૂંટણી લાઈવ અપડેટ
ગુજરાત ચૂંટણી પરિણામ 2022 એલાયન્સ પાર્ટી વાઈઝ ટેલી લાઈવ