cVIGIL App : કઇ રીતે ચૂંટણીમાં ગેરરીતિ અટકાવશે સી-વિજિલ એપ ? જાણો તમામ માહિતી

દેશના પાંચ રાજ્યોમાં આ વર્ષે યોજાનારી વિધાનસભા ચૂંટણીની (Assembly elections) તારીખોની જાહેરાત કરવામાં આવી છે. અગાઉ, ચૂંટણી પંચે સ્પષ્ટ કર્યું છે કે લોકોએ ચૂંટણી દરમિયાન cVIGIL એપનો ઉપયોગ કરવો જોઈએ. જો ચૂંટણીમાં ધાંધલ ધમાલ થતી હોય તો લોકોએ આના દ્વારા ફરિયાદ કરવી જોઈએ અને અમે કાર્યવાહી કરીશું. આ એપ કમિશન દ્વારા 3 વર્ષ પહેલા 2019માં લોન્ચ કરવામાં આવી હતી. આવો જાણીએ આ એપ વિશે.

ચૂંટણી પંચે ચૂંટણીમાં ગેરરીતિ અટકાવવા માટે સી-વિજિલ એપ તૈયાર કરી છે. આ એપની મદદથી મતદાતા ચૂંટણી આચાર સંહિતાના ઉલ્લંઘનની જાણ કરી શકે છે. આ એપ તમામ એન્ડ્રોઈડ અને આઈઓએસ યુઝર્સ માટે તૈયાર કરવામાં આવી છે. એપ પર ફરિયાદ કરવા માટે, યુઝર પાસે સ્માર્ટફોનના કેમેરા અને જીપીએસની ઍક્સેસ હોવી જરૂરી છે. ચૂંટણી પંચ છેલ્લા 3 વર્ષથી તમામ પ્રકારની ચૂંટણીઓમાં આ એપનો ઉપયોગ કરી રહ્યું છે.

1. જે રાજ્યમાં ચૂંટણી માટે આદર્શ આચારસંહિતા અમલમાં આવે છે. ત્યાંના લોકો આ એપનો ઉપયોગ કરી શકે છે.
2. ચૂંટણી પંચના જણાવ્યા અનુસાર, ચૂંટણીની તારીખોની જાહેરાતથી લઈને મતદાનના અંત સુધી કોઈપણ વ્યક્તિ સી-વિજિલ એપ દ્વારા ચૂંટણી પંચને પોતાની ફરિયાદ મોકલી શકે છે.
3. આચારસંહિતા દરમિયાન, કોઈપણ પ્રકારના દસ્તાવેજોના ગેરકાયદેસર વિતરણ, ભ્રષ્ટાચાર અને વિવાદિત નિવેદનોની ફરિયાદ આ એપ દ્વારા નેતાઓ વતી કરી શકાય છે.
4. ફરિયાદી દ્વારા સી-વિજીલ એપ પર અપલોડ કરવામાં આવેલ કોઈપણ વીડિયો અથવા ફોટો સ્થાનિક ચૂંટણી અધિકારીને 5 મિનિટની અંદર મોકલવામાં આવશે.
5. જો ફરિયાદ સાચી હશે તો તે સમસ્યા 100 મિનિટમાં ઉકેલાઈ જશે.
6. 2019 માં કર્ણાટક વિધાનસભા ચૂંટણી દરમિયાન આ એપનો પ્રથમ વખત ઉપયોગ કરવામાં આવ્યો હતો. ત્યારથી ચૂંટણીમાં એપનો સતત ઉપયોગ થઈ રહ્યો છે.

કઇ રીતે ફરિયાદ કરવી ?

• જે લોકો સી-વિજિલ એપ દ્વારા કોઈની પણ ફરિયાદ કરવા માગે છે, તેમણે આ એપ ઇન્સ્ટોલ કરવાની રહેશે.
• એપ ઈન્સ્ટોલ થયા પછી તમારે રજીસ્ટ્રેશન કરાવવું પડશે. આ માટે ફરિયાદીએ નામ, સરનામું, રાજ્ય, જિલ્લા, વિધાનસભા અને પિનકોડની વિગતો આપવાની રહેશે.
• ઓટીપીની મદદથી તેની ચકાસણી કરવામાં આવશે.
• હવે ફરિયાદ કરવા માટે ફોટો અથવા કેમેરા પસંદ કરો.
• ફરિયાદી એપ પર 2 મિનિટ સુધીનો વીડિયો અપલોડ કરી શકે છે.
• ફોટા અને વીડિયો સંબંધિત વિગતો માટે એક બોક્સ પણ ઉપલબ્ધ છે, જ્યાં તેના વિશે લખી શકાય છે.

ચૂંટણી પંચના મતે જે ફોટો કે વીડિયો અપલોડ થાય છે, તે જગ્યાનું લોકેશન પણ જાણી શકાય છે. ફોટો કે વીડિયો અપલોડ થયા બાદ યુઝરને યુનિક આઈડી મળશે. આના દ્વારા તેઓ મોબાઈલ પર જ ફોલોઅપને ટ્રેક કરી શકે છે. ફરિયાદીની ઓળખ ગુપ્ત રાખવામાં આવે છે. જો કે, તમે એપ પર પ્રી-રેકોર્ડ કરેલા વીડિયો કે ફોટા અપલોડ કરી શકતા નથી. એટલું જ નહીં, એપમાંથી રેકોર્ડ કરાયેલા વીડિયો કે ફોટો ફોનની ગેલેરીમાં સેવ નહીં થાય.

આ પણ વાંચો –

આ પણ વાંચો –

Instagram એ શરૂ કર્યું ક્રોનોલોજિકલ ફીડનું પરીક્ષણ, યુઝર ફીડમાં દેખાશે આ ફેરફારો