આવતીકાલે ‘પરીક્ષા પે ચર્ચા 2024’નું આયોજન, વડાપ્રધાન મોદી વિદ્યાર્થીઓને આપશે સ્ટ્રેસ દુર કરવાનો મંત્ર, અહીં જોઈ શકશો લાઈવ
વિદ્યાર્થીઓ સાથે વાતચીતમાં વડાપ્રધાન મોદી પરીક્ષાની તૈયારીઓના પડકારો સામે લડવા માટે ટિપ્સ આપે છે. બે કરોડથી વધારે વિદ્યાર્થી, વાલી અને શિક્ષકોએ MyGov પોર્ટલના માધ્યમ કાર્યક્રમ માટે રજીસ્ટ્રેશન કરાવ્યુ છે.
‘પરીક્ષા પે ચર્ચા 2024’નું આયોજન આવતીકાલે 29 જાન્યુઆરી 2024એ ભારત મંડપમ, પ્રગતિ મેદાન નવી દિલ્હીમાં કરવામાં આવશે. કાર્યક્રમ સવારે 11 વાગ્યે શરૂ થશે. આ દરમિયાન વડાપ્રધાન મોદી વિદ્યાર્થી સાથે બોર્ડ પરીક્ષા પર વાતચીત કરશે અને તેમને તણાવ મુક્ત થવાનો મંત્ર પણ આપશે. આ વખતે કાર્યક્રમમાં 2 કરોડથી વધુ વિદ્યાર્થી, વાલી અને શિક્ષકોએ રજીસ્ટ્રેશન કરાવ્યુ છે. ‘પરીક્ષા પે ચર્ચાના’ સાતમી સિઝનનું આયોજન કરવામાં આવી રહ્યું છે. ત્યારે જાણો કાર્યક્રમ ક્યા અને કેવી રીતે લાઈવ જોઈ શકો છે.
વિદ્યાર્થીઓ સાથે વાતચીતમાં વડાપ્રધાન મોદી પરીક્ષાની તૈયારીઓના પડકારો સામે લડવા માટે ટિપ્સ આપે છે. બે કરોડથી વધારે વિદ્યાર્થી, વાલી અને શિક્ષકોએ MyGov પોર્ટલના માધ્યમ કાર્યક્રમ માટે રજીસ્ટ્રેશન કરાવ્યુ છે. સત્તાવાર જાહેરાત મુજબ આ વર્ષની ‘પરીક્ષા પે ચર્ચા’ માટે 2,26,31,698 વિદ્યાર્થીઓએ રજીસ્ટ્રેશન કરાવ્યુ છે. ત્યારે 14 લાખથી વધારે શિક્ષકો અને 5 લાખ વાલીઓએ પણ રજીસ્ટ્રેશન કરાવ્યુ છે.
કયા અને કેવી રીતે કાર્યક્રમ જોશો લાઈવ?
વડાપ્રધાન મોદીના પરીક્ષા પે ચર્ચા કાર્યક્રમનું લાઈવ પ્રસારણ દુરદર્શનના ડીડી નેશનલ, ડીડી ન્યૂઝ ચેનલ પર જોઈ શકાય છે. સાથે જ MyGov પોર્ટલ, શિક્ષણ મંત્રાલયના સત્તાવાર એક્સ એકાઉન્ટ અને વડાપ્રધાન મોદીના સત્તાવાર એક્સ એકાઉન્ટ પર પણ લાઈવ જોઈ શકો છો. તે સિવાય કાર્યક્રમને ઓલ ઈન્ડિયા રેડિયો ચેનલ પર પણ સાંભળી શકાશે.
જણાવી દઈએ કે કાર્યક્રમ દરમિયાન લગભગ 4000 લોકો વડાપ્રધાનની સાથે વાતચીત કરશે. ત્યારે એકલવ્ય મોડલ આવાસીય વિદ્યાલયોના 100 વિદ્યાર્થી પ્રથમ વખત કાર્યક્રમમાં સામેલ થશે. ગયા વર્ષે કુલ 38.80 લાખ વિદ્યાર્થીએ કાર્યક્રમમાં સામેલ થવા માટે રજીસ્ટ્રેશન કરાવ્યુ હતું. કાર્યક્રમનું આયોજન શિક્ષણ મંત્રાલયના સ્કુલ અને સાક્ષરતા વિભાગ તરફથી કરવામાં આવે છે.
Latest News Updates
