NEET PGનું પરિણામ જાહેર કરવામાં આવ્યું છે. મેડિકલ સાયન્સમાં નેશનલ બોર્ડ ઓફ એક્ઝામિનેશન (NBEMS) એ NEET PG 2024 પરિણામ કટ ઓફ માર્ક્સ જાહેર કર્યા છે. નેશનલ એલિજિબિલિટી કમ એન્ટ્રન્સ ટેસ્ટ પોસ્ટ ગ્રેજ્યુએટ (NEET PG) પરીક્ષા 2024માં ઉપસ્થિત ઉમેદવારો NBEMS ની અધિકૃત વેબસાઈટ natboard.edu.in પરથી રેન્ક લિસ્ટ તપાસી અને ડાઉનલોડ કરી શકે છે. NEET PG ઉમેદવારોના સ્કોરકાર્ડ પછીથી બહાર પાડવામાં આવશે.
સત્તાવાર વેબસાઇટ અનુસાર, જનરલ અને EWS કેટેગરી માટે ક્વોલિફાઇંગ કટઓફ પર્સેન્ટાઇલ 50મું છે, જ્યારે SC/ST/OBC (SC/ST/OBCના PWD સહિત) માટે ક્વોલિફાઇંગ પર્સન્ટાઇલ 40મું છે અને UR PWD માટે ક્વોલિફાઇંગ પર્સન્ટાઇલ 45મું છે.
NEET PG Result 2024 Direct Link
સત્તાવાર સૂચનામાં કહેવામાં આવ્યું છે કે અખિલ ભારતીય 50 ટકા ક્વોટા બેઠકો માટે મેરિટ સ્થિતિ અલગથી જાહેર કરવામાં આવશે અને રાજ્ય ક્વોટાની બેઠકો માટે અંતિમ મેરિટ લિસ્ટ/કેટેગરી મુજબની મેરિટ યાદી રાજ્યો/કેન્દ્રશાસિત પ્રદેશો દ્વારા તેમના મેરિટ/પાત્રતા માપદંડના આધારે જાહેર કરવામાં આવશે. લાગુ માર્ગદર્શિકા / નિયમો અને આરક્ષણ નીતિ અનુસાર તૈયાર કરવામાં આવશે. આ પરીક્ષા દ્વારા, ડૉક્ટર ઑફ મેડિસિન (MD) માટે 26168 બેઠકો, માસ્ટર ઑફ સર્જરી માટે 13649, પીજી ડિપ્લોમા માટે 992 અને DNB CET માટે 1338 બેઠકો પર પ્રવેશ આપવામાં આવશે.
NEET-PG 2024 2024-25 પ્રવેશ સત્ર માટે MD/MS/DNB/ડિપ્લોમા અભ્યાસક્રમોમાં પ્રવેશ માટે દેશના 185 શહેરોમાં 11 ઓગસ્ટ 2024 ના રોજ બે શિફ્ટમાં હાથ ધરવામાં આવ્યું હતું, જેના પરિણામો હવે જાહેર કરવામાં આવ્યા છે. આ પરીક્ષામાં 2 લાખથી વધુ વિદ્યાર્થીઓ નોંધાયા હતા. જો કે, NEET PG 2024 નું સ્કોરકાર્ડ 30 ઓગસ્ટ, 2024 ના રોજ અથવા તે પછી પ્રકાશિત કરવામાં આવશે.
જો NEET PG 2024 પરિણામમાં કોઈ સમસ્યા હોય, તો ઉમેદવારો 011-45593000 પર સંપર્ક કરી શકે છે.
Published On - 6:23 am, Sat, 24 August 24