મેડિકલ એજ્યુકેશનના અભ્યાસ માટે તમે અત્યાર સુધી અંગ્રેજીમાં ભણાવવામાં આવતા MBBS કે BDS જેવા કોર્સ જોયા જ હશે. પરંતુ હવે તેમાં ફેરફાર થવા જઈ રહ્યો છે. વાસ્તવમાં, મધ્ય પ્રદેશ સરકારે જાહેરાત કરી છે કે, વિદ્યાર્થીઓને હવે અંગ્રેજી માધ્યમની સાથે હિન્દીમાં મેડિકલ કોર્સનો અભ્યાસ કરાવવામાં આવશે. Medical Education in Hindi કરનારા મધ્યપ્રદેશ દેશનું પ્રથમ રાજ્ય બન્યું છે. કેન્દ્રીય ગૃહ પ્રધાન અમિત શાહે રવિવારે હિન્દીમાં MBBS કોર્સના પુસ્તકોનું વિમોચન કર્યું હતું. તેમણે તેને ઐતિહાસિક દિવસ પણ ગણાવ્યો હતો.
હિન્દીમાં એમબીબીએસ મેળવવા અંગે મુખ્ય પ્રધાન શિવરાજ સિંહ ચૌહાણ (Shivraj Singh Chauhan) માને છે કે, તેનો હેતુ ગુલામીના માધ્યમ તરીકે અંગ્રેજી ભાષાના ઉપયોગને સમાપ્ત કરવાનો છે. આ હિન્દીની સ્થાપનામાં મદદ કરશે અને વિદ્યાર્થીઓમાં આત્મવિશ્વાસ જગાડશે. વર્તમાન શૈક્ષણિક સત્ર (2022-23)થી, ગાંધી મેડિકલ કોલેજ (GMC), ભોપાલ ખાતે હિન્દીમાં તબીબી શિક્ષણ પાયલોટ પ્રોજેક્ટ તરીકે ઓફર કરવામાં આવશે. આ પછી તેને મધ્યપ્રદેશની અન્ય 12 મેડિકલ કોલેજોમાં વિસ્તરણ કરવામાં આવશે.
मध्यप्रदेश सरकार #MBBS का पाठ्यक्रम मातृभाषा में शुरू करने जा रही है। इस सराहनीय पहल से विद्यार्थियों को अब समस्याओं का सामना नहीं करना पड़ेगा।: श्री @Indersinghsjp, स्कूल शिक्षा (स्वतंत्र प्रभार) राज्य मंत्री मध्यप्रदेश #MP_में_हिंदी_में_MBBS pic.twitter.com/dVRKzbknP3
— School Education Department, MP (@schooledump) October 14, 2022
સોશિયલ મીડિયા પ્લેટફોર્મ ટ્વિટર પર પોસ્ટ કરાયેલા એક વીડિયોમાં રાજ્યના શાળા શિક્ષણ મંત્રી ઈન્દર સિંહ પરમારને હિન્દીમાં મેડિકલ કોર્સ શરૂ કરવાના નિર્ણય વિશે વાત કરતા જોઈ શકાય છે. પરમારે જણાવ્યું હતું કે, આ પગલું એ સુનિશ્ચિત કરશે કે હિન્દી માધ્યમની પૃષ્ઠભૂમિના વિદ્યાર્થીઓને તબીબી અભ્યાસક્રમોને અનુસરતી વખતે અંગ્રેજી ભાષાના અવરોધનો સામનો કરવો ન પડે.
ઉત્તર પ્રદેશ, મધ્યપ્રદેશ, બિહાર, રાજસ્થાન અને ગુજરાત જેવા હિન્દી ભાષી પ્રદેશોમાં ઉચ્ચ શિક્ષણ માટે હિન્દીને શિક્ષણની ભાષા તરીકે ગણવામાં આવે તેવો પ્રસ્તાવ અમિત શાહની આગેવાની હેઠળની સાંસદોની સમિતિએ રજૂ કર્યા બાદ આ પગલું લેવામાં આવ્યું છે.
સમિતિએ બિન-હિન્દી ભાષી રાજ્યો માટે વિવિધ રાજ્યોની માતૃભાષામાં પુસ્તકો પ્રકાશિત કરવાની ભલામણ પણ કરી હતી. કેન્દ્ર દ્વારા રજૂ કરવામાં આવેલી નવી રાષ્ટ્રીય શિક્ષણ નીતિ 2020માં માતૃભાષાને શિક્ષણની ભાષા તરીકે પ્રોત્સાહન આપવા પર પણ ભાર મૂકવામાં આવ્યો છે.