કેન્દ્રીય કૃષિ મંત્રી નરેન્દ્ર સિંહ તોમરે જણાવ્યું કે કેવી રીતે FPO દ્વારા ખેડૂતોની આવક બમણી-ત્રણ ગણી થઈ
નરેન્દ્ર સિંહ તોમરે કહ્યું કે FPO બનાવીને ખેડૂતોની આવક 50,000 રૂપિયાથી વધીને 3-4 લાખ રૂપિયા થઈ છે. સમગ્ર દેશમાં આ વિસ્તારના પાઈનેપલ, હળદર, આદુની માગ છે, જેનો લાભ ખેડૂતોને આપવામાં આવી રહ્યો છે.
કેન્દ્રીય કૃષિ અને ખેડૂત કલ્યાણ મંત્રી નરેન્દ્ર સિંહ તોમર, ઉત્તર-પૂર્વ રાજ્યોમાં તેમના પ્રવાસના પ્રથમ દિવસે કેન્દ્રીય કૃષિ યુનિવર્સિટી-ઉમિયમ (મેઘાલય) ખાતે ખેડૂતો, કૃષિ નિકાસકારો અને ખેડૂત ઉત્પાદક સંસ્થાઓ અને પૂર્વોત્તર રાજ્યોના ઉદ્યોગ સાહસિકો સાથે વાતચીત કરી.
આ દરમિયાન ખેડૂતોએ (Farmers) જણાવ્યું કે ભારતીય કૃષિ સંશોધન પરિષદ, કૃષિ વિજ્ઞાન કેન્દ્રો અને અન્ય સરકારી સંસ્થાઓ અને યોજનાઓની મદદથી તેમની આવકમાં અનેક ગણો વધારો થયો છે. તોમરે રિભોઇ ખાતે કોલેજના નવા ઓડિટોરિયમનું ઉદ્ઘાટન પણ કર્યું હતું. અહીં તેમણે કહ્યું કે દેશના પૂર્વોત્તર રાજ્યોમાં, જ્યાં પહેલા કોઈ પ્રધાનમંત્રી મુલાકાત લેતા ન હતા, વડાપ્રધાન બન્યા બાદ નરેન્દ્ર મોદી 30 વખત આ પ્રદેશની મુલાકાત લઈ ચૂક્યા છે.
તોમરે વિશ્વાસ વ્યક્ત કર્યો કે કેન્દ્ર અને રાજ્યની વિવિધ કલ્યાણકારી યોજનાઓ અને કાર્યક્રમો દ્વારા પૂર્વોત્તર રાજ્યોના તસવીર અને તકદીર બદલવામાં સરકાર સફળ થશે. તોમરે જણાવ્યું હતું કે, મેઘાલયની દૂરસ્થ કૃષિ કોલેજમાં 19 રાજ્યોના વિદ્યાર્થીઓનું શિક્ષણ એ યુવાનોની કૃષિ સાથેની જોડાણનું અનોખું ઉદાહરણ છે.
ખેડૂતોની આવકમાં વધારો
નરેન્દ્ર સિંહ તોમરે કહ્યું કે FPO બનાવીને ખેડૂતોની આવક 50,000 રૂપિયાથી વધીને 3-4 લાખ રૂપિયા થઈ છે. સમગ્ર દેશમાં આ વિસ્તારના પાઈનેપલ, હળદર, આદુની માગ છે, જેનો લાભ ખેડૂતોને આપવામાં આવી રહ્યો છે અને તેમને વધુ મળશે.
મુખ્ય અતિથિ, કેન્દ્રીય મંત્રી તોમરે જણાવ્યું હતું કે પૂર્વોત્તર પ્રદેશ ભારતના સોનાના પક્ષી તરીકે ઓળખાય છે. અહીં જે સંપત્તિ છે તે અન્ય ક્ષેત્રોમાં નથી. આ વિસ્તાર દુર્ગમ છે, ત્યાં ટેકરીઓ છે, સંસાધનોનો અભાવ છે, છતાં તેની સમૃદ્ધિ માટે પ્રશંસાનું પ્રમાણ ઓછું છે. વર્ષ 2014 માં, જ્યારે મોદીજીએ પીએમ તરીકે શપથ લીધા હતા, ત્યારે તેમનો સતત પ્રયાસ હતો કે સમગ્ર પૂર્વોત્તર વિસ્તાર મુખ્ય પ્રવાહમાં કેવી રીતે આવવો જોઈએ, તે તેમની સકારાત્મક પહેલ રહી છે.
વડાપ્રધાને નાણાંની વ્યવસ્થા કરી છે અને આ વિસ્તાર રેલ અને હવાઈ સેવાઓ સાથે જોડાયેલો છે, જ્યારે તમામ યોજનાઓ સાકાર થશે, ત્યારે સમગ્ર દેશ સાથે આ વિસ્તાર મુખ્ય પ્રવાહમાં આવશે. અહીંની અર્થવ્યવસ્થાને મજબૂત કરવાની દિશામાં પીએમની સૂચનાઓ પર સતત પ્રયાસો કરવામાં આવી રહ્યા છે.
તેમણે કહ્યું કે ઉત્તર પૂર્વ ક્ષેત્ર કૃષિમાં અભૂતપૂર્વ યોગદાન આપી શકે છે. ઇમ્ફાલ કૃષિ યુનિ.માં 19 રાજ્યોના વિદ્યાર્થીઓ અભ્યાસ કરી રહ્યા છે, તેના પરથી અંદાજ લગાવી શકાય છે કે સરકાર દ્વારા કૃષિ ક્ષેત્ર પર કેટલું ધ્યાન આપવામાં આવી રહ્યું છે. કટોકટીના આ યુગમાં, લોકડાઉન હોવા છતાં, ખેડૂતોએ ખેતી ચાલુ રાખી અને પહેલા કરતા વધુ બમ્પર ઉત્પાદન કર્યું.
આપણું કૃષિ અર્થતંત્ર કોઈ પણ પ્રતિકૂળતાને દૂર કરવા અને તેમાંથી બહાર આવવા માટે એક બળ તરીકે કામ કરશે. કૃષિના અર્થતંત્રને મજબૂત બનાવવું એ આપણા દેશની કરોડરજ્જુને મજબૂત કરવા જેવું છે, તેથી સંપૂર્ણ સમર્પણ સાથે સરકારી યોજનાઓનો લાભ લઈને, સાથે મળીને સિસ્ટમને મજબૂત કરો. તોમરે આશ્વાસન આપ્યું કે કેન્દ્ર સરકાર અહીંના ખેડૂતોની સુધારણા માટે ખભેથી ખભો મિલાવીને ઉભો રહેશે.
આ પણ વાંચો : RAJKOT : ધોરાજીમાં અતિવૃષ્ટિથી ખેતરોમાં ઉભા પાકને ભારે નુકસાન, સર્વેની કામગીરીને લઇને ખેડૂતોના સવાલો
આ પણ વાંચો : ગુજરાતમાં પ્રથમ વાર ભાવનગરમાં ડ્રોનથી ખેતરમાં યુરિયાનો છંટકાવ કરાયો