કૃષિ સલાહ: ખેડૂતોએ જુદા-જુદા પાકમાં આ બાબતોનું રાખવું જોઈએ ધ્યાન, પાક ઉત્પાદનમાં થશે વધારો

ખેડૂતોએ ખરીફ ડાંગરની પરાળીને બાળવી જોઈએ નહીં, કારણ કે તેનાથી પ્રદૂષણમાં વધારો થાય છે. આ ઉપરાંત તેના કારણે સૂર્યપ્રકાશ ઓછો આવવાથી પાક સુધી પહોંચતો નથી. તેના કારણે પાકમાં પ્રકાશ સંશ્લેષણની પ્રક્રિયા પ્રભાવિત થતી હોય છે. તેની સીધી અસર પાકની ઉત્પાદકતા અને પાકની ગુણવત્તા પર થાય છે. ખેડૂતોએ ડાંગરના બાકી રહેતા અવશેષોને જમીનમાં ભેળવવાની સલાહ આપવામાં આવે છે. તેનાથી જમીનની ફળદ્રુપતા વધે છે અને જમીનમાંથી ભેજનું પ્રમાણ જળવાઈ રહે છે.

પાકની લણણી બાદ તેને ખેતરમાં સૂકવો

વાતાવરણને ધ્યાનમાં રાખીને જો ડાંગરનો પાક લણણી યોગ્ય બની ગયો હોય તો તેની કાપણી શરૂ કરી શકો છો. પાકની લણણી બાદ તેને 2-3 દિવસ સુધી ખેતરમાં સૂકવો અને પછી તેને થ્રેશ કરો. ત્યારબાદ તેને તડકામાં સારી રીતે સૂકવો. સંગ્રહ કરતા પહેલા અનાજમાં ભેજ 12 ટકા કરતા ઓછો હોવો જરૂરી છે.

વાવણી માટે જમીનની તૈયારી કરો

ખેડૂતોએ ઘઉંની વાવણી માટે જમીનની તૈયારી કરો. આ સાથે જ સુધારેલા બિયારણ અને ખાતરની વ્યવસ્થા પણ કરી લો. ઘઉંની સુધારેલી જાતો – HD 3226, HD 2967, HD 3086, HDCSW 18, DBW 370, DBW 371, DBW 372, DBW 327. બીજ 100 કિ.ગ્રા. પ્રતિ હેક્ટર જો ઉધઈનો ઉપદ્રવ હોય તેવા ખેતરોમાં ક્લોરપાયરીફોસિન 20 EC 5 લિટર પ્રતિ હેક્ટર નાખો. નાઈટ્રોજન, ફોસ્ફરસ અને પોટાશનો જથ્થો 120, 50 અને 40 કિ.ગ્રા. પ્રતિ હેક્ટર આપવો જોઈએ.

વાવેતર પહેલા જમીનમાં ભેજની ચકાસણી કરો

ખેડૂતો આ સમયે લસણનું વાવેતર કરી શકે છે. વાવેતર કરતા પહેલા જમીનમાં યોગ્ય ભેજની ચકાસણી કરો. લસણની સુધારેલી જાતો – G-1, G-41, G-50 અને G-282. ખેતરમાં દેશી છાણીયું ખાતર અને ફોસ્ફરસ નાખો.

આ પણ વાંચો : 75 હેક્ટર જમીનમાં 100 ખેડૂતો કરશે બિયારણનું ઉત્પાદન, 2300 ક્વિન્ટલ બિયારણ થશે તૈયાર

બ્રોકોલી, કોબીજ અને ફ્લાવરના તૈયાર રોપાની વાવણી કરવા માટે આ યોગ્ય સમય છે. હવામાનને ધ્યાનમાં રાખીને, રોપાની વાવણી ઊંચા બેડ પર કરો. આ ઉપરાંત મરચા અને ટામેટામાં વાયરસ રોગથી પ્રભાવિત છોડને જડમૂળથી ઉખાડીને જમીનમાં દાટી દો. જો ઉપદ્રવ વધારે હોય તો ઇમિડાક્લોપ્રિડ 0.3 મિલી. પ્રતિ લીટરના દરે છંટકાવ કરવો જોઈએ.

કૃષિના તમામ સમાચાર વાંચવા માટે અહીં ક્લિક કરો