OMG: ચા બાદ હવે ભારતમાંથી થતા કોફીના નિકાસમાં ઘટાડો, જાણો શું હોઈ શકે છે કારણ
વૈશ્વિક વેપાર ફાઇનાન્સ કંપની ડ્રિપ કેપિટલના એક અહેવાલ મુજબ, ભારતે 2020-21માં લગભગ 720 મિલિયન ડોલરની કોફીની નિકાસ કરી હતી. જેમાંથી 42 ટકા મુખ્યત્વે રોબસ્તા કોફી બીન્સ છે.
વૈશ્વિક સ્થરે કોફી (COFFEE) પર થતો ખર્ચ અને કોફીની વધતી માંગ વચ્ચે ભારતમાંથી (India) કોફીની નિકાસ (Export) પાછલા દાયકામાં ઘટી છે. ગ્લોબલ ટ્રેડ ફાઇનાન્સ કંપની ડ્રિપ કેપિટલના (Drip Capital) એક અહેવાલ મુજબ, ભારતે 2020-21માં લગભગ 720 મિલિયન ડોલરની કોફીની નિકાસ કરી હતી, જેમાંથી 42 ટકા મુખ્યત્વે રોબસ્તા કોફી બીન્સ છે.
DGFTના અહેવાલ મુજબ, ભારતની કોફીની નિકાસમાં વર્ષ 2011-12 અને 2020-21 વચ્ચે વાર્ષિક 3 ટકાનો ઘટાડો થયો છે. નાણાકીય વર્ષ 2012 માં, ભારતની કોફીનો નિકાસ, વોલ્યુમના હિસાબે આઠમા ક્રમના સૌથી મોટા ઉત્પાદક અને કોફીના નિકાસકાર તરીકે 953 મિલિયન યુ.એસ ડોલર હતા. અહેવાલમાં જણાવાયું છે કે આ ઘટાડા માટે આશંકિત કોવિડ -19 ને જવાબદાર ગણાવી શકાય, જ્યાં નાણાકીય વર્ષ 2019 – 20 માં ભારતની એકંદર કોફીનો નિકાસ ડોલરના મૂલ્યના સંદર્ભમાં નવ વર્ષના સૌથી નીચા સ્તરે પહોંચ્યો અને એપ્રિલ 2020 માં 44 ટકા ઘટી ગયો હતો.
આ ઉપરાંત, માર્ચ 2020 માં ગ્રીન કોફી બીન્સના શિપમેન્ટમાં પણ નોંધપાત્ર અસર થઈ, જે રોબસ્ટા કોફીના લણણી અને નિકાસ માટેનો મહત્વપૂર્ણ સમય છે. “રોગચાળા પહેલા પણ, કોફી પ્રોસેસિંગના અનેક તબક્કે મૂલ્યવર્ધનની વધતી જરૂરિયાતને કારણે ભારતીય કોફી ઉદ્યોગ થોડા સમય માટે ધીમો પડી ગયો હતો. તાજેતરમાં, મોનસૂન માલાબાર જેવી વિશેષતાની કોફી એટલી લોકપ્રિયતા મેળવી રહી છે કે હાલમાં કેટલાક માઇક્રો કોફી શોપ્સ અને રોસ્ટર્સ આ નવી તકનો ઉપયોગ નાના, પ્રાયોગિક ધોરણે કરવાનો પ્રયાસ કરી રહ્યા છે.
“આ ઉપરાંત, કોરોના સંકટને લીધે વપરાશની પેટર્નમાં પરિવર્તન અને માંગમાં ઉત્પાદનના મિશ્રણમાં ફેરફાર થયો હતો.” આવું ડ્રિપ કેપિટલના સહ-સ્થાપક અને સીઇઓ પુષ્કર મુકેવરે જણાવ્યું હતું. તેમણે કહ્યું કે વૈશ્વિક સ્તરે, કોફી મશીનોનું વેચાણ વધ્યું કારણ કે કોફી રસિયાઓ બહાર જવાની જગ્યાએ ઘરે જ કોફી બનાવવા લાગ્યા.
રિપોર્ટ અનુસાર, ઇટલી એ ભારતનું સૌથી મોટું બજાર છે, જ્યાં કોફીની નિકાસમાં 20 ટકાથી વધુનો હિસ્સો છે. જ્યારે મધ્ય પૂર્વની નિકાસમાં અરેબીકા કોફી શામેલ છે, યુરોપિયન ભારતીય રોબસ્ટા મિશ્રણ પણ તેઓ પસંદ કરે છે. આ ઉપરાંત, નાણાકીય વર્ષ 2019 – 20 માં રશિયા, પોલેન્ડ, યુનાઇટેડ સ્ટેટ્સ, તુર્કી અને મલેશિયાએ ભારતમાં ઉત્પન્ન થતી કોફી 50 ટકાથી વધુની આયાત કરી હતી, જેની કિંમત લગભગ 141 મિલિયન ડોલર છે.
કોફી તૈયારીઓના સંદર્ભમાં હાલમાં ભારત પોલેન્ડનો ત્રીજો સૌથી મોટો નિકાસકાર દેશ છે, ભારતીય નિકાસકારોએ ઇન્સ્ટન્ટ કોફી માટે પોલેન્ડ અને યુનાઇટેડ સ્ટેટ્સમાં નોંધપાત્ર બજાર હિસ્સો બનાવવા પર ધ્યાન આપવાનું ચાલુ રાખવું જોઈએ. “ભારતીય કોફી વેપારીઓને પણ રશિયન બજાર પર પોતાની પકડ મજબૂત બનાવવાની અને બ્રાઝિલ અને જર્મની સાથે સ્પર્ધા કરવાની જરૂર છે.”
આ પણ વાંચો: આ બાબતે જીતેન્દ્ર હતા અમિતાભથી પણ શ્રેષ્ઠ: રીના રોયે Indian Idol 12 માં કર્યો ચોંકાવનારો ખુલાશો