ફૂડ પ્રોસેસિંગ સેક્ટરના વિકાસ માટે આ રાજ્યમાં ખુલશે 3 ઇન્ક્યુબેશન સેન્ટર, કેન્દ્રીય કૃષિ મંત્રીએ કહ્યું- ખેડૂતોને મળશે તેનો લાભ
કેન્દ્રીય મંત્રી તોમરે કહ્યું કે વડાપ્રધાન મોદીજીએ 2014થી ખેડૂતોની આવક વધારવા માટે નક્કર પગલાં લીધાં છે. આ સાથે ગ્રામ્ય વિસ્તારના યુવાનોને ખેતી દ્વારા રોજગારીની નવી તકો પૂરી પાડવામાં આવી રહી છે.
કેન્દ્રીય કૃષિ અને ખેડૂત કલ્યાણ પ્રધાન નરેન્દ્ર સિંહ તોમરે (Narendra Singh Tomar) રવિવારે રાજમાતા વિજયરાજે સિંધિયા કૃષિ યુનિવર્સિટી, ગ્વાલિયર ખાતે ‘પ્રધાનમંત્રી સૂક્ષ્મ ખાદ્ય ઉદ્યોગ અપગ્રેડેશન યોજના’ હેઠળ સિહોર અને કૃષિ વિજ્ઞાન કેન્દ્ર, મુરેના સહિત કૃષિ કોલેજ ગ્વાલિયર માટેના ‘ઇન્ક્યુબેશન સેન્ટર’ની (Incubation Center) મુલાકાત લીધી હતી. મુખ્ય મહેમાન મુખ્યમંત્રી શિવરાજ સિંહ ચૌહાણ કાર્યક્રમમાં વર્ચ્યુઅલ રીતે જોડાયેલા હતા. આ પ્રસંગે ચૌહાણે કહ્યું કે મધ્યપ્રદેશે છેલ્લા 15 વર્ષમાં કૃષિ ક્ષેત્રે અભૂતપૂર્વ પ્રગતિ કરી છે. વડાપ્રધાન નરેન્દ્ર મોદીના સંકલ્પ અને સ્વપ્નને સાકાર કરતા મધ્યપ્રદેશ કૃષિ ક્ષેત્રમાં નવા રેકોર્ડ બનાવી રહ્યું છે. તોમરે કહ્યું કે કેન્દ્ર સરકારે ફૂડ પ્રોસેસિંગને પ્રોત્સાહન આપવા માટે 4,000 કરોડ રૂપિયાની જોગવાઈ કરી છે.
આ સાથે મધ્ય પ્રદેશમાં આ 3 ઇન્ક્યુબેશન સેન્ટર શરૂ કરીને નાના ઉદ્યોગ સાહસિકોને સશક્ત કરવામાં આવશે, સાથે જ તેનાથી ગરીબો, મજૂરો અને ખેડૂતોના જીવનમાં વધુ સારું પરિવર્તન આવશે. કાર્યક્રમમાં મુખ્યમંત્રી ચૌહાણે જણાવ્યું હતું કે ખેડૂતોને આર્થિક રીતે સશક્ત બનાવનાર વડાપ્રધાન મોદીએ અમને કૃષિ વૈવિધ્યકરણ અને કૃષિ વનીકરણ માટે પ્રેરણા આપી છે.
ખેડૂતો અને ગ્રામીણ યુવાનોને ફૂડ પ્રોસેસિંગની ટેકનિક શીખવીને, તેમને પ્રોસેસિંગ યુનિટ સ્થાપવા માટે સરળ લોન આપીને અને ઉત્પાદનોના માર્કેટિંગમાં મદદ કરીને, ગામડાઓમાં ફૂડ પ્રોસેસિંગથી ખેડૂતોની આવકમાં વધારો થશે એટલું જ નહીં.
ખેડૂતોની આવક વધારવા માટે નક્કર પગલાં લેવામાં આવ્યા
કેન્દ્રીય મંત્રી તોમરે કહ્યું કે વડાપ્રધાન મોદીજીએ 2014થી ખેડૂતોની આવક વધારવા માટે નક્કર પગલાં લીધાં છે. આ સાથે ગ્રામ્ય વિસ્તારના યુવાનોને ખેતી દ્વારા રોજગારીની નવી તકો પૂરી પાડવામાં આવી રહી છે. આ માટે કેન્દ્ર સરકારે ઘણી યોજનાઓ શરૂ કરી છે અને તેના પર ઝડપથી કામ ચાલી રહ્યું છે. મુખ્યમંત્રી ચૌહાણના નેતૃત્વમાં મધ્યપ્રદેશમાં યોજનાઓ વધુ સારી રીતે લાગુ કરવામાં આવી રહી છે. તેના પરિણામે મધ્યપ્રદેશ દેશમાં કૃષિ ક્ષેત્રે અગ્રેસર રાજ્ય બન્યું છે.
તોમરે કોરોના સંકટ દરમિયાન અર્થવ્યવસ્થાને મજબૂત કરવા માટે વડાપ્રધાન દ્વારા આપવામાં આવેલા ફંડ ઉલ્લેખ કરતા તેમણે કહ્યું કે તેના પરિણામો સકારાત્મક રહ્યા છે. કોરોના દરમિયાન સરકારે લીધેલા પગલાંને કારણે કૃષિ ક્ષેત્ર પ્રભાવિત થઈ શક્યું નહીં, પરંતુ તેણે વૃદ્ધિ હાંસલ કરી. કોરોના દરમિયાન દેશભરના ખેડૂતોને સરળ લોન આપવાની સાથે સરકારે સમય મર્યાદા નક્કી કરીને ઘણી રાહત અને સુવિધાઓ પણ આપી છે.
આ પણ વાંચો : અનાજ, ફળ અને શાકભાજી જ નહીં, મસાલા પાકોની પણ કુદરતી ખેતી કરો, ખેડૂતોને મળશે સારી ઉપજ અને ભાવ
આ પણ વાંચો : Medicinal Plants: આ ઔષધીય છોડની ખેતીથી ખેડૂતો કરી શકે છે સારી કમાણી, જાણો ઔષધીય છોડ વિશે
Published On - 8:45 pm, Sun, 23 January 22
