બોલો ! ઓર્ડર મોડો આપવા બાબતે ઝઘડો થતા Swiggyના ડીલેવરી બૉયે રેસ્ટોરન્ટ માલિકને ગોળી ધરબી દીધી
આજકાલ ઓનલાઈન ફૂડ ડીલેવરી વધી ગઈ છે. તો ઘણીવાર ઓનલાઇન ફૂડ ડિલિવરીને લઇને અમુક મામલા સામે આવતા હોય છે. આવો જ એક મામલો હાલમાં સામે આવ્યો છે.
સ્વિગીના(Swiggy) ડિલિવરી બોયે ગ્રેટર નોઈડામાં (Greater Noida) રેસ્ટોરન્ટના માલિકની ગોળી મારીને હત્યા કરી હતી. હત્યા બાદ આરોપી ડિલિવરી બોય પણ ફરાર થઈ ગયો હતો. એવું કહેવામાં આવી રહ્યું છે કે ડિલિવરી બોય રેસ્ટોરન્ટની બહાર ઓર્ડરની રાહ જોતો હતો, પરંતુ જ્યારે ઓર્ડર મોડો થયો ત્યારે તેણે ગુસ્સે થઈને રેસ્ટોરન્ટના માલિકને ગોળી મારી દીધી હતી.
આ ઘટના ગ્રેટર નોઈડાની છે. આ ઘટના ગ્રેટર નોઈડાના બીટા -2 પોલીસ સ્ટેશન વિસ્તારની મિત્ર સોસાયટીની છે. જ્યાં 45 વર્ષીય સુનીલ ‘ઝમઝમ’ નામની રેસ્ટોરન્ટ ચલાવતો હતો. આ રેસ્ટોરન્ટ ઓનલાઇન ફૂડ ડિલિવરી માટે કામ કરતી હતી. મંગળવારે રાત્રે 12:15 વાગ્યે આ રેસ્ટોરન્ટમાં કામ કરતા નારાયણ અને સ્વિગીના ડિલિવરી બોય વચ્ચે વિવાદ થયો હતો.
સ્થળ પર હાજર લોકોએ જણાવ્યું કે મંગળવારે રાત્રે સ્વિગીનો ડિલિવરી બોય ચિકન બિરયાની અને પુરી ભાજીનો ઓર્ડર લેવા આવ્યો હતો. આમાં તેને ચિકન બિરયાનીનો ઓર્ડર આપવામાં આવ્યો હતો, જ્યારે પુરી ભાજીનો ઓર્ડર વધુ થોડો સમય લેશે તેમ કહેવામાં આવ્યું હતું.
આરોપ છે કે એક નશામાં ડિલિવરી બોયએ ઓર્ડરમાં વિલંબને કારણે નારાયણ સાથે દુર્વ્યવહાર કરવાનું શરૂ કર્યું. આ અંગે રેસ્ટોરન્ટના સંચાલક સુનીલ સ્થળ પર આવ્યા અને વિવાદનો અંત લાવવાનો પ્રયાસ શરૂ કર્યો.
આરોપ છે કે તેના એક સાથીની મદદથી ડિલિવરી બોયે સુનીલને માથામાં ગોળી મારી હતી જેના કારણે તે સ્થળ પર પડી ગયો હતો. નારાયણ તેના અન્ય સાથીઓની મદદથી ઘાયલ હાલતમાં સુનીલને હોસ્પિટલમાં લઈ ગયા હતા જ્યાં ડોક્ટરોએ તેને મૃત જાહેર કર્યો હતો. પોલીસના જણાવ્યા અનુસાર, પ્રત્યક્ષદર્શીઓએ જણાવ્યું કે આરોપી દારૂના નશામાં હતો. તેની સાથે અન્ય એક વ્યક્તિ હતી જેણે રેસ્ટોરન્ટના માલિકની હત્યામાં મદદ કરી હતી.
તે જ સમયે આરોપી ડિલિવરી બોય ઘટના બાદથી ફરાર છે. નજીકમાં લાગેલા સીસીટીવી ફૂટેજની મદદથી પોલીસ આરોપીની શોધ કરી રહી છે. પોલીસનો દાવો છે કે ટૂંક સમયમાં આરોપીની ધરપકડ કરવામાં આવશે.
આ પણ વાંચો :Instagram નો ઉપયોગ કરવા માટે હવે આપવી પડશે આ જાણકારી, નહીં તો તમારી એપ થઇ જશે બંધ
