RAJKOT: જેતપુરના બાપુની વાડી વિસ્તારમાં પોલીસની રેડમાં 500 પેટી વિદેશી દારૂ મળી આવ્યો

RAJKOT: જેતપુર (Jetpur) શહેરમાં શહેરમાં દેશી વિદેશી દારૂની નદીઓ વહેતી હોય તેટલો દારૂ પકડાય છે, અને વેચાય પણ છે. શહેરમાં બાપુની વાડી વિસ્તારમાં બાતમીને આધારે રેડ કરતા પોલીસને મોટા જથ્થામાં વિદેશી બનાવટનો દારૂ મળી આવ્યો છે.રહેણાંક મકાન દારુ છુપાવવા માટે કબાટની અંદર રૂમનો દરવાજો બનાવવામાં આવ્યો હતો. પોલીસને સ્થળ પરથી વિદેશી બનાવટના દારૂની 500 પેટી મળી આવી હતી. જેતપુર પોલીસે કુલ 22, 47,800 નો મુદ્દામાલ કબ્જે કર્યો છે અને એક આરોપી કિશોર ઉર્ફે ટીનો બારૈયા નામના શખ્સની ધરપકડ કરી છે અને અન્ય 5 શખ્સોને પકડવા ચક્રો ગતિમાન કર્યા છે.

જેતપુર (Jetpur) શહેરમાં આગાઉ એપ્રિલ મહિનામાં  પોલીસે બે જુદી જુદી જગ્યાએ રેડ કરી 1437 નંગ વિદેશી દારૂની બોટલો જપ્ત કરી હતી, જેમાં જેમાં પાંચપીપળા રોડ પરથી 825 નંગ બોટલ કિંમત રૂ.3,15,000 સાથે બે મહિલા અને એક શખ્સને ઝડપી પાડ્યા હતા. બીજી ઘટનામાં શહેરના સામાં કાંઠેથી વિદેશી દારૂની 612 નંગ બોટલો કિંમત રૂ.2,30,400 સાથે ત્રણ શખ્સો સામે પોલીસે કોઈ પણ જાતની પાસ કે પરમીટ વગર દારૂ વેચવાનો ગુન્હો નોંધ્યો હતો.