Rajkot: થોડા દિવસ પહેલાં જ રાજકોટ જિલ્લાના ધોરાજી માંથી એક બાઈક ચોરીની ફરિયાદ પોલીસ ચોપડે ચડી હતી. ત્યારે આ ચોરી થયેલ બાઈક અંગે ધોરાજી પોલીસ દ્વારા શોધખોળ અને તપાસ શરૂ કરવામાં આવી હતી. આ દરમિયાન એક બાઈક ચોર ધોરાજી પોલીસના હાથમાં આવી ચડ્યો હતો અને પોલીસે આ વ્યક્તિ પાસેથી ગોંડલ, ધોરાજી, જેતપુર, જુનાગઢથી અલગ અલગ ચોરીની કુલ નવ જેટલી ચોરાઉ બાઈકનો કબ્જો મેળવ્યો હતો.
આ વ્યક્તિ છેલ્લા ઘણા સમયથી બાઇકની ઉઠાંતરી કરતો હોવાનું જાણવા મળી રહ્યું છે જેમાં વ્યક્તિએ અલગ અલગ જગ્યાઓ પરથી બાઇકની ચોરી કરી છે ત્યારે હાલ આ બાઈક ચોર ધોરાજી પોલીસના સકંજામાં આવી ચૂક્યો છે અને ધોરાજી પોલીસે તેમની પાસેથી એક કે બે નહીં પરંતુ નવ જેટલી ચોરાઉ બાઇક હાલ કબજે કરી છે.
પોલીસ સકંજામાં આવેલ ભુપત નાથા મુડીયાસિયા નામનો આ વ્યક્તિ મૂળ વંથલી તાલુકાના ધંધુસર ગામનો રહેવાસી છે અને હાલ જૂનાગઢ કલેકટર ઓફિસ સામે આવેલ શુભલક્ષ્મી એપાર્ટમેન્ટના બ્લોક નંબર ૩૦૫ માં રહે છે.
જાણવા મળ્યું છે કે આ વ્યક્તિ ગુનાહિત ઇતિહાસ ધરાવે છે જેમાં આ ઝડપાયેલ વ્યક્તિ વિરૂદ્ધ જૂનાગઢ A ડિવિઝનમાં બે, માણાવદર પોલીસ સ્ટેશનમાં એક અને જૂનાગઢ રેલ્વે પોલીસ સ્ટેશનમાં એક ગુન્હો નોંધાયેલ છે ત્યારે ધોરાજી પોલીસે ઝડપાયેલ વ્યક્તિ પાસેથી મુદ્દામાલ કબ્જે કરી વધુ પૂછતાછ અને કાર્યવાહી હાથ ધરી છે.
આ પણ વાંચો: Death Anniversary: લક્ષ્મીકાંત-પ્યારેલાલે SP બાલાસુબ્રમણ્યમને રિજેક્ટ કર્યા હતા, જાણો પછી શું થયું?
Published On - 1:02 pm, Sat, 25 September 21