જામનગર : લગ્નવાંચ્છુક યુવક સાથે ખેલાયો હનીટ્રેપનો ખેલ, જાણો કેવી રીતે ફસાયો યુવક ?

જામનગર: એક 34 વર્ષીય વ્યક્તિ – જે લગ્ન કરવા માટે તલપાપડ હતો, તેના માટે કન્યા શોધવાનું વચન આપીને તેને ફસાવનારા બ્લેકમેલર્સ દ્વારા કથિત રીતે 1.5 લાખ રૂપિયા પડાવવામાં આવ્યા હતા.પીડિત પરિતોષ (નામ બદલવામાં આવ્યું છે) ગુજરાતના જામનગરના જોડિયા તાલુકાનો રહેવાસી છે. કુવાડવા રોડ પોલીસ સ્ટેશનમાં પરિતોષે ફરિયાદમાં જણાવ્યું છે કે એક મહિલાનો તેણે વીડિયો કોલ આવ્યો જેણે તેનું નામ ઝીનત ઉર્ફે બેબુ મકવાણા હોવાનો દાવો કર્યો હતો. ઝીનતે તેને જાણ કરી કે તેણીએ તેને અજાણતામાં બોલાવ્યો, અને બાદમાં ઝીનતે માફી પણ માગી.

જોકે આ ઝીનત નામની મહિલાએ જોડીયાના રહેવાસી યુવકને લાલચ આપવાનું ચાલુ રાખ્યું હતું. મીડિયામાં પ્રકાશિત એક અહેવાલ અનુસાર, યુવકે ઝીનતને કહ્યું કે તે લગ્ન કરવા માંગે છે તે પછી, ઝીનતે તેને ખાતરી આપી કે તેણી લગ્ન માટે યોગ્ય સ્ત્રી શોધી આપશે.

કેવી રીતે ફસાયો યુવક ?

ઝીનતે પરિતોષને 15 નવેમ્બરના રોજ નવાગામ આનંદપર વિસ્તારના એક એપાર્ટમેન્ટમાં ભાવિ કન્યાને મળવા આવવા કહ્યું હતું. જ્યારે તે ત્યાં પહોંચ્યો, ત્યારે ઝીનતે તેની સાથે વાત કરવાનું શરૂ કર્યું અને, બાદમાં ઝીનતે છેતરપિંડીનો ખેલ શરૂ કર્યો. અચાનક બીજા બે લોકો ત્યાં આવી પહોંચ્યા. આ બે લોકો વિહા કટારિયા અને હંસા અઘોલા હોવાનું યુવકે જણાવ્યું છે. યુવકે દાવો કર્યો કે આ બંને ઝીનતના કાકા અને કાકી હતા.

બાદમાં યુવકને માર મારવામાં આવ્યો હતો, અને, યુવકના નગ્ન ફોટોગ્રાફ્સ ક્લિક કરવામાં આવ્યા હતા અને તેના પર ઝીનત પર દુષ્કર્મ કરવાનો પ્રયાસ કરવાનો આરોપ મૂકવામાં આવ્યો હતો. ત્રણેય આરોપીઓએ અન્ય એક વ્યક્તિ સાથે મળીને પરિતોષ સામે દુષ્કર્મનો કેસ દાખલ કરવાની ધમકી આપીને તેની પાસેથી 4 લાખ રૂપિયાની માંગણી કરી હતી. બાદમાં તેઓ 1.5 લાખની ચુકવણી પર મામલો થાળે પાડવા સંમત થયા હતા. પરિતોષને કુરિયર દ્વારા રકમની વ્યવસ્થા કરવામાં આવી હતી.

પરિતોષે પૈસા ચૂકવ્યા બાદ તેને જવા દેવામાં આવ્યો હતો. ત્યારપછી તેણે પોલીસને મામલાની જાણ કરી. તેને આવા ગુનાઓમાં સંડોવાયેલા કેટલાક લોકોની તસવીરો બતાવવામાં આવી હતી. ત્રણેય આરોપીઓને તેણે ઓળખી કાઢ્યા હતા, જેના પગલે પોલીસે તેમની સામે કેસ નોંધ્યો હતો. બાદમાં યુવતીને પૂછપરછ માટે લેવામાં આવી હતી.