સુરતના (Surat)પાસોદરામાં ગ્રીષ્માની જાહેરમાં(Grishma Vekariya case) ગળું કાપી નિર્મમ હત્યા કરનારા આરોપી ફેનિલે(Fenil) તેને થયેલી ફાંસીની સજાને હાઈકોર્ટમાં પડકારી છે.તેણે ટ્રાયલ કોર્ટનો હુકમ ભૂલ ભરેલો હોવાની હાઈકોર્ટમાં રજૂઆત કરી છે.મહત્વનું છે કે, અગાઉ ફાંસીની સજાના કન્ફર્મેશન માટે પણ હાઇકોર્ટમાં(Gujarat Highcourt) અરજી થઈ ચૂકી છે.બીજી તરફ રાજ્ય સરકારે(Gujarat govt) સજા યથાવત રાખવાની માગ સાથે હાઇકોર્ટમાં અરજી કરી હતી.તમને જણાવી દઈએ કે, સુરતની સેશન્સ કોર્ટે (Surat Sessions court) હત્યા કેસને રેરેસ્ટ ઓફ રેર કેસ ગણીને હત્યારા ફેનિલને ફાંસીની સજા ફટકારી હતી.
મહત્વનું છે કે 13 ફેબ્રુઆરીએ ગ્રીષ્મા વેકરિયાની(Grishma case) ફેનિલ નામના આરોપીએ હત્યા કરી હતી. ફેનિલે જાહેરમાં જ ગ્રીષ્માનું(Grishma) ગળુ કાપી નાખ્યું હતું, ત્યારબાદ તેણે આપઘાતનો પણ પ્રયાસ કર્યો હતો. બનાવની જાણ થતાં તાત્કાલિક ફેનિલને ઝડપી લેવાયો હતો અને હોસ્પિટલ લઈ જવાયો હતો. 15 ફેબ્રુઆરીએ સારવાર બાદ આરોપી ફેનિલને હોસ્પિટલમાંથી રજા અપાઈ હતી. હોસ્પિટલમાંથી રજા મળતાં જ પોલીસે ફેનિલની ધરપકડ કરી હતી. 16 ફેબ્રુઆરીએ SITની રચના કરવામાં આવી હતી. 17 ફેબ્રુઆરીએ આરોપી ફેનિલને સાથે રાખીને ઘટનાનું રિકન્સ્ટ્રક્શન કરાયું હતું. 19 ફેબ્રુઆરીએ રિમાન્ડ પૂર્ણ થતાં ફેનિલને લાજપોર જેલમાં ધકેલાયો હતો. તપાસ દરમિયાન ખુલાસો થયો હતો કે, ફેનિલે ગ્રીષ્માની હત્યા કરવા એકે-47 ખરીદવાનો પણ પ્રયાસ કર્યો હતો.
Published On - 9:16 am, Wed, 29 June 22