SURAT : પાડોશમાં રહેતી યુવતીએ અઢી વર્ષની બાળકીનું અપહરણ કર્યુ, જાણો અપહરણનું કારણ
બાળકી ગુમ થયાની જાણ ખટોદરા પોલિસને કરવામાં આવતા પોલીસ દોડતી થઈ હતી અને બાળકીને શોધવા માટે કામે લાગી હતી. અઢી વર્ષની નાની બાળકી ગુમ થવાનો આ એક સંવેદનશીલ મુદ્દો હતો.
SURAT : સુરતના ભટાર વિસ્તારમાં અપહરણની એક એવી ઘટના સામે આવી છે કે જેનાથી નાના બાળકોને સાવચેત થવાની જરૂર છે. ખટોદરા વિસ્તારમાં આવેલ ઇન્દીરાનગરમાં ઉત્તરપ્રદેશનો એક પરિવાર રહે છે, આ પરિવારમાં અઢી વર્ષની એક બાળકી પણ છે. ગઈકાલે 2 સપ્ટેમ્બરના રોજ બપોરના સમયે બાળકી પોતાના ઘર નજીક રમી રહી હતી તે સમયે અચાનક જ બાળકી ગુમ થતા પરિવાર ચિંતામાં મુકાઇ ગયો હતો અને ભાગદોડ થઈ હતી.
આજુબાજુ બાળકીની શોધખોળ કરી પણ મળી ન આવતા આખરે બાળકી ગુમ થયાની જાણ ખટોદરા પોલિસને કરવામાં આવતા પોલીસ દોડતી થઈ હતી અને બાળકીને શોધવા માટે કામે લાગી હતી. અઢી વર્ષની નાની બાળકી ગુમ થવાનો આ એક સંવેદનશીલ મુદ્દો હતો.
ખટોદરા પોલીસે માત્ર 12 કલાકમાં અઢી વર્ષના બાળકીને સહીસલામત રીતે શોધી પરિવારને સોંપતા પરિવારના આંખમાંથી આંસુ આવી ગયા હતા. આ આખી ઘટનામાં વાત કરીએ તો આ બાળકી જ્યાં રહેતી હતી ત્યાં નજીકમાં એક 36 વર્ષની મહિલા રહેતી હતી છેલ્લે બાળકી સાથે રમી રહી હતી. પોલીસે આજુબાજુના લોકોના કહેવા પ્રમાણે તાપસ કરતા મહિલાની અટક કરી પૂછપરછ કરતા અઢી વર્ષની બાળકીના અપહરણનો આખો મામલો સામે આવ્યો.
અપહરણ કરનાર મહિલા પાડોશમાં જ રહે છે અને મહિલાનું નામ સંગીતાદેવી ભૈયાલાલા ગુપ્તા છે, જેણે બાળકીનું અપહરણ કરી પોતાના પ્રેમી પાંડેસરમાં રહે તેને ત્યાં મૂકી આવી હતી. મહિલાને અપહરણ કરવાનું કારણ પૂછતાં મહિલાએ કહ્યું કે તેને લગ્નને ઘણા વર્ષો થયા છતાં બાળક ન થતા આ બાળકી સાથે લાગણી બંધાઈ હતી. જેથી બાળકીનું અપહરણ કરવાનું નક્કી કર્યું હતું. એક વર્ષ પહેલા પણ આ મહિલાએ આ બાળકીનું અપહરણ કરવા માટે તૈયારી કરી હતી.
જ્યારે ખટોદરા પોલીસને જાણ થતાં પોલીસ અલગ અલગ 5 ટિમો બનવવીને ઉલટ તપાસ શરૂ કરતાં માત્ર 12 કલાકમાં આ બાળકીને અપહરણ એટલે કે મહિલાના પાસેથી છોડાવી ને પોલીસે મહિલા અને તેના પ્રેમીની ધરપકડ કરી તપાસ શરૂ કરી છે. પોતાના બાળકો પડોશમાં રમતા હોય કે પછી મૂકીને બહાર જતા હોય એવા માતાપિતા તે પહેલાં ચેતી જજો, કારણ કે આવા કિસ્સા લાલબત્તી સમાન છે.
આ ફોટો તમે જોશો તો તમને પણ ખ્યાલ આવશે કે બાળકી મળી આવતા માતાપિતા તો ખુશ હોય છે, પણ જ્યારે પોલીસે ઉમદા કામ કરી બાળકીને શોધી તો ખટોદરા પોલીસ સ્ટાફના ચહેરા પર પણ એક અલગ ખુશી જોવા મળી રહી હતી, કેમ કે પોતાની મહેનત રંગ લાવી. અમુક કિસ્સામ પોલીસ છેલ્લા સુધી પહોંચે તે પહેલાં કાંઈક અજિબ ઘટના પણ બન્યાના દાખલાઓ છે.