વૃદ્ધ મહિલા પર બળાત્કાર અને હત્યાના ગુનામાં 24 વર્ષના યુવકને આજીવન કેદની સજા, સગીર યુવતી સાથે પણ આચર્યું હતું દુષ્કર્મ
અદાલતે 80 વર્ષીય મહિલા પર બળાત્કાર અને હત્યા કરવા બદલ 24 વર્ષીય સીરિયલ કિલરને આજીવન કેદની સજા ફટકારી છે.
મધ્યપ્રદેશના સાગર જિલ્લાની એક સ્થાનિક અદાલતે 80 વર્ષીય મહિલા પર બળાત્કાર અને હત્યા કરવા બદલ 24 વર્ષીય સીરિયલ કિલરને આજીવન કેદની (Life Imprisonment) સજા ફટકારી છે. આ જ આરોપીને ત્રણ મહિના પહેલા 13 વર્ષની સગીર પર બળાત્કાર અને હત્યાના કેસમાં પણ કોર્ટે ફાંસીની સજા ફટકારી હતી.
પ્રોસિક્યુશનના ડેપ્યુટી ડાયરેક્ટર અનિલ કટારેએ શુક્રવારે જણાવ્યું હતું કે, બંને કેસમાં નીચલી અદાલતોએ ડીએનએ રિપોર્ટના આધારે આરોપી વીરેન્દ્ર આદિવાસી (24)ને દોષિત ઠેરવ્યો છે. એડિશનલ સેશન્સ જજ દીપાલી શર્માએ બુધવારે 80 વર્ષની પીડિતા પર બળાત્કાર અને ગળું દબાવી હત્યા કરનાર વિરેન્દ્રને આજીવન કેદ અને 11,000ના દંડની સજા સંભળાવી હતી.
વૃદ્ધ મહિલા પર બળાત્કાર કરીને સગીરાની કરી હતી હત્યા
કટારેએ જણાવ્યું હતું કે, વૃદ્ધ મહિલાની હત્યાના ત્રણ મહિના પછી વીરેન્દ્રએ સગીર બાળકી પર બળાત્કાર કરીને તેની હત્યા કરી હતી. એક પછી એક સતત બે બળાત્કાર અને હત્યાના કિસ્સાઓને કારણે ખળભળાટ મચી ગયો હતો. જે બાદ બાળકીની હત્યાના છ દિવસ બાદ આરોપીની ધરપકડ કરવામાં આવી હતી. ફરિયાદ પક્ષ અનુસાર, વૃદ્ધ મહિલા 11 જાન્યુઆરી 2019ના રોજ ઝૂંપડામાં મૃત હાલતમાં મળી આવી હતી અને તેના પુત્ર દ્વારા નોંધાવવામાં આવેલી ફરિયાદ પર કેસ નોંધવામાં આવ્યો હતો.
એફએસએલ રિપોર્ટમાં વૃદ્ધ મહિલા પર બળાત્કાર કરીને તેની હત્યા કરવામાં આવી હોવાનું બહાર આવ્યું હતું. પોલીસે જણાવ્યું કે, તેમણે પહેલા અજાણ્યા વ્યક્તિ વિરુદ્ધ કેસ નોંધ્યો અને બાદમાં શંકાના આધારે સાગર જેલમાં સગીર વયની હત્યાના કેસમાં કેદી વીરેન્દ્રને ઝડપી લેવામાં આવ્યો. પોલીસ પૂછપરછ દરમિયાન વીરેન્દ્રએ વૃદ્ધ મહિલા પર બળાત્કાર કર્યા બાદ તેની હત્યા કર્યાની કબૂલાત કરી હતી.
આ પણ વાંચો: CAT Admit Card 2021: CAT પરીક્ષાનું એડમિટ કાર્ડ થયું જાહેર, અહીં ડાયરેક્ટ લિંક પરથી કરો ડાઉનલોડ