ભારતીય રેલવેમાં સરકારી નોકરી કરવાની મળશે તક, 10મું પાસ અરજી કરી શકે છે

જો તમે ભારતીય રેલવેમાં કામ કરવા માંગો છો, તો તમારા માટે આ એક સારી તક છે. નોર્થ ઈસ્ટર્ન રેલવેએ વિવિધ એપ્રેન્ટિસશીપ પોસ્ટ્સ પર ભરતી માટે અરજીઓ આમંત્રિત કરી છે જેના દ્વારા 1,104 જગ્યાઓ ભરવામાં આવશે.

જે ઉમેદવારો નોર્થ ઈસ્ટર્ન રેલ્વેનો હિસ્સો બનવામાં રસ ધરાવતા હોય તેમને સલાહ આપવામાં આવે છે કે તેઓ પહેલા ભરતી સંબંધિત માહિતી વાંચે અને પછી જ આગળની પ્રક્રિયા શરૂ કરે તે જરૂરી છે.

શૈક્ષણિક લાયકાત

ફક્ત તે જ ઉમેદવારો એપ્રેન્ટિસશિપ પોસ્ટ્સ માટે અરજી કરી શકે છે જેમણે ITI પ્રમાણપત્ર સાથે કોઈપણ માન્ય સંસ્થામાંથી ઓછામાં ઓછા 50 ટકા માર્ક્સ સાથે 10મું ધોરણ પાસ કર્યું છે.

વય મર્યાદા શું છે?

આ પોસ્ટ માટે ઉમેદવારોની ઉંમર 12મી જૂનના રોજ 15 થી 24 વર્ષની વચ્ચે હોવી જોઈએ. જો કે, SC/ST ઉમેદવારો માટે ઉપલી વય મર્યાદામાં 5 વર્ષનો વધારો કરવામાં આવ્યો છે તો  OBC ઉમેદવારો માટે તેમાં 3 વર્ષનો વધારો કરવામાં આવ્યો છે. બીજી તરફ  વિકલાંગ ઉમેદવારોને ઉંમરમાં 10 વર્ષની છૂટછાટ આપવામાં આવશે.

અરજીની છેલ્લી તારીખ કઈ છે?

નોર્થ ઈસ્ટર્ન રેલવેએ 12 જૂનથી વિવિધ એપ્રેન્ટિસશિપ પોસ્ટ્સ પર ભરતી માટે રજિસ્ટ્રેશન શરૂ કર્યું હતું. ફોર્મ ભરવાની છેલ્લી તારીખ 11 જુલાઈ નક્કી કરવામાં આવી છે. ઉમેદવારોને છેલ્લી તારીખ પહેલા અરજી ફોર્મ ભરવાની સલાહ આપવામાં આવે છે.

પરીક્ષા કેવી રીતે લેવામાં આવશે?

ઉમેદવારોની પસંદગી મેટ્રિકમાં તેમના સરેરાશ પાસ ટકાવારી ગુણ અને ITI પરીક્ષામાં મેળવેલા ગુણને ધ્યાનમાં લઈને મેરિટના આધારે કરવામાં આવશે. ઉમેદવારોની ચકાસણી ગોરખપુરમાં કરવામાં આવશે. અંતિમ પસંદગી પહેલા ઉમેદવારોએ તબીબી તપાસ પણ કરાવવી પડશે.

 કેવી રીતે અરજી કરવી?

અરજી કરવા માટે, ઉમેદવારોએ નોર્થ ઈસ્ટર્ન રેલવે નેરની સત્તાવાર વેબસાઈટની મુલાકાત લેવી જોઈએ. તમારે Indianrailways.gov.in પર જઈને ઓનલાઈન અરજી કરવાની રહેશે. મહેરબાની કરીને નોંધ કરો કે અરજીઓ માત્ર ઓનલાઈન જ સ્વીકારવામાં આવશે.

આ ફેરફાર ધ્યાને લેવા જરૂરી

યુનિયન પબ્લિક સર્વિસ કમિશન (UPSC) આજે એટલે કે 16મી જૂને સિવિલ સર્વિસીસ (પ્રિલિમ) પરીક્ષા 2024 લેવા માટે તૈયાર છે. સામાન્ય અભ્યાસનું પેપર સવારના સત્ર માટે સવારે 9:30 થી 11:30 દરમિયાન લેવામાં આવશે જ્યારે બપોરના સત્ર માટે CSATનું પેપર બપોરે 2:30 થી 4:30 દરમિયાન લેવામાં આવશે. આ વર્ષે પ્રિલિમ પરીક્ષા માટે 44,000 થી વધુ ઉમેદવારો હાજર રહેવાની અપેક્ષા છે. ઉમેદવારોએ તેમનું એડમિટ કાર્ડ ડાઉનલોડ કરવું પડશે અને માન્ય ફોટો ઓળખ કાર્ડ સાથે પરીક્ષા કેન્દ્રની મુલાકાત લેવી પડશે.

દિલ્હી મેટ્રો રેલ કોર્પોરેશન (DMRC) ઉમેદવારોની સુવિધા માટે UPSC પરીક્ષાના દિવસે સવારે 8 વાગ્યાને બદલે સવારે 6 વાગ્યાથી નોઈડા-ગ્રેટર નોઈડા મેટ્રો શરૂ કરશે.