NTA UGC NET 2021: 20 અને 21 નવેમ્બરે યોજાનારી UGC NET પરીક્ષા માટે એડમિટ કાર્ડ જાહેર, આ રીતે કરો ડાઉનલોડ

NTA UGC NET 2021: યુનિવર્સિટી ગ્રાન્ટ કમિશન દ્વારા નેશનલ એલિજિબિલિટી ટેસ્ટ યુજીસી નેટ એડમિટ કાર્ડ જાહેર કરવામાં આવ્યું છે. જે ઉમેદવારોએ પરીક્ષા માટે નોંધણી કરાવી છે તે સત્તાવાર વેબસાઇટ ugcnet.nta.nic પર એડમિટ કાર્ડ પર વધુ અપડેટ્સ જોઈ શકે છે. 20 અને 21 નવેમ્બરે યોજાનારી પરીક્ષાઓ માટે એડમિટ કાર્ડ જાહેર કરવામાં આવ્યા છે. જો કોઈ ઉમેદવારને એડમિટ કાર્ડ ડાઉનલોડ કરવામાં કોઈ સમસ્યા આવી રહી હોય, તો તેઓ નીચે આપેલા સ્ટેપ્સ દ્વારા એડમિટ કાર્ડ ડાઉનલોડ કરી શકે છે.

આ રીતે કરો ડાઉનલોડ

1. સૌ પ્રથમ ઉમેદવારો NTA અથવા NTA UGC NETની સત્તાવાર વેબસાઇટ ugcnetnta.nic.in પર જાઓ.
2. હોમ પેજ પર, ‘NTA UGC NET Admit Card Download’ લિંક ફ્લેશ થશે તેના પર ક્લિક કરો.
3. અહીં અરજી નંબર અને જન્મ તારીખ સાથે સુરક્ષા કોડ દાખલ કરો.
4. સ્ક્રીન પર એડમિટ કાર્ડ દેખાશે.
5. તેને ડાઉનલોડ કરો અને આગળના સંદર્ભ માટે પ્રિન્ટ આઉટ લો.

ઉમેદવારોને સલાહ આપવામાં આવે છે કે તેઓ પરીક્ષાના દિવસ પહેલા UGC NET એડમિટ કાર્ડ 2021 માં આપવામાં આવેલી સૂચનાઓને કાળજીપૂર્વક વાંચે અને પરીક્ષા દરમિયાન તેનું પાલન કરે. જો ઉમેદવાર વેબસાઇટ ugcnet.nta.nic.in પરથી એડમિટ કાર્ડ ડાઉનલોડ કરી શકતા નથી, તો તેઓ સવારે 09:30 થી સાંજના 5:30 વાગ્યાની વચ્ચે NTAની હેલ્પ લાઇનનો સંપર્ક કરી શકે છે.

અથવા NTAને અહીં મેઈલ લખીને મોકલી શકે છે: ugcnet@nta.ac.in.NTA એવા ઉમેદવારોને એડમિટ કાર્ડ જારી કરશે નહીં કે જેમની અરજીઓ કોઈપણ કારણોસર અધૂરી છે અથવા જેઓ પરીક્ષા માટે યોગ્યતાના માપદંડને પૂર્ણ કરતા નથી. ઉમેદવારોએ નોંધ લેવી જોઈએ કે ફોટો ઓળખ પરનું નામ UGC NET એડમિટ કાર્ડ 2021માં દર્શાવેલ નામ સાથે મેળ ખાતું હોવું જોઈએ.

આ પણ વાંચો: ARS Mains Exam Admit Card 2021: મુખ્ય પરીક્ષા માટે એડમિટ કાર્ડ થયું જાહેર, આ રીતે કરો ડાઉનલોડ

આ પણ વાંચો: Oil India Vacancy 2021: જો તમે એન્જિનિયરિંગ કર્યું છે તો ઓઈલ ઈન્ડિયામાં મેળવો નોકરી, 1.45 લાખ સુધીનો મળશે પગાર