NEET PG રાઉન્ડ 1 સીટ એલોટમેન્ટનું પરિણામ થયું જાહેર, mcc.nic.in પર તપાસો યાદી

NEET PG કાઉન્સેલિંગ 2022 રાઉન્ડ 1 સીટ એલોટમેન્ટનું સુધારેલું પરિણામ બહાર પાડવામાં આવ્યું છે. NEET PG રાઉન્ડ 1 પરિણામ 2022 ની લિંક મેડિકલ કાઉન્સેલિંગ કમિટીની સત્તાવાર વેબસાઇટ, mcc.nic.in પર સક્રિય કરવામાં આવી છે. MCC એ NEET PG કાઉન્સેલિંગનું પરિણામ આજે, 30 સપ્ટેમ્બરે સાંજે 4.30 વાગ્યે જાહેર કર્યું છે. જે ઉમેદવારોએ NEET PG કાઉન્સિલિંગમાં હાજરી આપી હતી તેઓ હવે તેમની સીટ એલોટમેન્ટ લિસ્ટ ડાઉનલોડ કરી શકે છે. સમાચારમાં સીધી લિંક આપવામાં આવી છે.

જો તમારા NEET PG સીટ એલોટમેન્ટ પરિણામ 2022 રાઉન્ડ 1 માં કોઈ વિસંગતતા હોય, તો તમે તરત જ MCCને ફરિયાદ કરી શકો છો. આ માટે તમને માત્ર એક કલાકનો સમય આપવામાં આવ્યો છે. 30 સપ્ટેમ્બર સુધીમાં, સાંજે 5.30 વાગ્યા સુધીમાં, તમારે પરિણામની ભૂલ અંગે mccresultquery@gmail.com પર ઇમેઇલ મોકલવો જોઈએ.

NEET PG Allotment Result કેવી રીતે ડાઉનલોડ કરવું?

• MCCની સત્તાવાર વેબસાઇટ mcc.nic.in ની મુલાકાત લો.
• હોમ પેજ પર તમને NEET PG સીટ એલોટમેન્ટ રાઉન્ડ 1 પરિણામ 2022 લિંકની સૂચના મળશે.
• તે પછી હોમ પેજ પર ઉમેદવારની લૉગિન લિંક અથવા રાઉન્ડ 1 નોંધણી માટે આપેલ લિંક પર ક્લિક કરો.
• તમારો NEET PG રોલ નંબર, પાસવર્ડ અને સિક્યુરિટી પિન દાખલ કરીને સાઇન ઇન કરો.
• લૉગિન થતાં જ તમારું પરિણામ સ્ક્રીન પર દેખાશે. તેને ખોલવા માટે તેના પર ક્લિક કરો.
• પરિણામમાં આપેલી દરેક માહિતીને સારી રીતે તપાસો અને કોપી ડાઉનલોડ કરો. તેની પ્રિન્ટ આઉટ લો.

મેડિકલ કાઉન્સેલિંગ કમિટીએ કહ્યું છે કે, આ એક કામચલાઉ પરિણામ છે. આ અંગેના વાંધાઓના સમાધાન બાદ અંતિમ પરિણામ જાહેર કરવામાં આવશે. ઉમેદવારોને NEET PG સીટ એલોટમેન્ટ રાઉન્ડ 1નું અંતિમ પરિણામ જાહેર થયા પછી જ ફાળવેલ કોલેજને જાણ કરવાની સલાહ આપવામાં આવે છે.

NEET PG Round 1 Allotment Result સીધી લિંક પરથી ડાઉનલોડ કરવા માટે ક્લિક કરો.