CIL Recruitment 2021: મેનેજમેન્ટ ટ્રેનીની પોસ્ટ પર નોકરી મેળવવાની તક, જાણો કેવી રીતે કરવી અરજી
સરકારી નોકરી શોધી રહેલા યુવાનો માટે સારી તક સામે આવી છે. સાર્વજનિક ક્ષેત્રની કંપની કોલ ઇન્ડિયા લિમિટેડમાં મેનેજમેન્ટ ટ્રેનીની પોસ્ટ માટે બમ્પર ભરતી બહાર પાડવામાં આવી છે.
CIL Recruitment 2021: સરકારી નોકરી શોધી રહેલા યુવાનો માટે સારી તક સામે આવી છે. સાર્વજનિક ક્ષેત્રની કંપની કોલ ઇન્ડિયા લિમિટેડમાં મેનેજમેન્ટ ટ્રેનીની પોસ્ટ માટે બમ્પર ભરતી બહાર પાડવામાં આવી છે. બહાર પાડવામાં આવેલી ભરતી અનુસાર, કુલ 588 પોસ્ટ્સ પર ભરતી કરવામાં આવશે. આમાં અરજી કરવા માટે, ઉમેદવારોએ CILની સત્તાવાર વેબસાઇટ Coalindia.in ની મુલાકાત લેવી પડશે. જ્યાં ઉમેદવારો આ ભરતી માટે અરજી કરી શકશે.
મેનેજમેન્ટ ટ્રેનીની આ જગ્યાઓ માટે ઓનલાઈન અરજીઓ 10 ઓગસ્ટ 2021થી શરૂ થઈ હતી. અરજી કરવાની છેલ્લી તારીખ 9 સપ્ટેમ્બર 2021 જાહેર કરવામાં આવી છે. અરજી ફી જમા કરવાની છેલ્લી તારીખ પણ 9 સપ્ટેમ્બર નક્કી કરવામાં આવી છે. જોકે, હાલમાં પરીક્ષાની તારીખ અને એડમિટ કાર્ડ જારી કરવાની તારીખ જાહેર કરવામાં આવી નથી. આ ભરતીમાં અરજી કરતા પહેલા, સત્તાવાર વેબસાઈટ coalindia.in પર ઉપલબ્ધ સૂચના ચોક્કસપણે તપાસીને ઉમેદવારોએ અરજી કરવી જોઈએ.
આ રીતે કરો અરજી
- આરજી કરવાં માટે સૌથી પહેલા સતાવાર સતાવાર વેબસાઈટ coalindia.in પર જાઓ
- ત્યારબાદ Career with CIL આ ઓપ્શન પર ક્લિક કરો.
- હવે Jobs at Coal India લીંક પર ક્લિક કરો
- આમાં Recruitment of Management Trainee પેજ પર ક્લિક કરો
- હવે માંગેલી વિગતો ભરીને રજિસ્ટ્રેશન કરી લો.
- તમે રજિસ્ટ્રેશન કર્યા બાદ એપ્લીકેશન ફોર્મ ભરી શકો છો
ખાલી જગ્યાની વિગતો
કોલ ઇન્ડિયાની નોટિસ અનુસાર, માઇનિંગ એન્જિનિયરિંગમાં 253, ઇલેક્ટ્રિકલ એન્જિનિયરિંગમાં 117, મિકેનિકલ એન્જિનિયરિંગમાં 134, સિવિલ એન્જિનિયરિંગમાં 57, ઇન્ડસ્ટ્રી એન્જિનિયરિંગમાં 15 અને ભૂસ્તરશાસ્ત્રમાં 15 જગ્યાઓ ખાલી છે. મેનેજમેન્ટ ટ્રેની પોસ્ટ્સની કુલ સંખ્યા 588 છે.
લાયકાત
બહાર પાડવામાં આવેલી સૂચના અનુસાર અરજી કરનાર ઉમેદવારોએ કોઈપણ માન્ય યુનિવર્સિટીમાંથી BE, B Tech અને BSc એન્જિનિયરિંગ જેવી એન્જિનિયરિંગની ડિગ્રી મેળવી હોવી જોઈએ. જે ઉમેદવારોએ ગ્રેજ્યુએશનમાં 60% ગુણ મેળવ્યા હોય તેઓ જ અરજી કરવા પાત્ર રહેશે. ભૂસ્તરશાસ્ત્ર વિભાગમાં અરજી કરનાર ઉમેદવારોએ સંબંધિત વિષય સાથે એમએસસી અથવા એમટેક કરવું ફરજિયાત છે.
વય મર્યાદા
બહાર પાડવામાં આવેલી સૂચના અનુસાર, આ પોસ્ટ્સ માટે અરજી કરનારા ઉમેદવારોની મહત્તમ ઉંમર 30 વર્ષ હોવી જોઈએ. લઘુત્તમ ઉંમર નક્કી કરવામાં આવી નથી. ઉપરાંત, અમે તમને જણાવી દઈએ કે, જે ઉમેદવારો આરક્ષણના દાયરામાં આવે છે તેમને નિયમો અનુસાર ઉપલી વય મર્યાદામાં વિશેષ છૂટ આપવામાં આવશે. આ પોસ્ટ્સ માટે અરજી કરવા માટે, ઉમેદવારોએ સત્તાવાર વેબસાઇટ coalindia.inની મુલાકાત લેવી પડશે.
અરજી ફી
જનરલ અને ઓબીસી કેટેગરીના અરજદારો માટે અરજી ફી 1180 રૂપિયા છે. SC, ST અને દિવ્યાંગ માટે અરજીઓ મફત છે. અરજી ફી ઓનલાઈન અથવા ઓફલાઈન બંને રીતે જમા કરી શકાય છે.