CAT Admit Card 2021: આજથી CAT એડમિટ કાર્ડ ડાઉનલોડ કરો, IIM અમદાવાદ આ સમયે લિંક એક્ટિવેટ કરશે

CAT Admit Card 2021: જો તમે મેનેજમેન્ટ એન્ટ્રન્સ પરીક્ષા CAT 2021 ની તૈયારી કરી રહ્યા છો તો આ મહત્વપૂર્ણ અપડેટ તમારા માટે છે. IIM અમદાવાદ દ્વારા લેવામાં આવનાર કોમન એડમિશન ટેસ્ટ 2021 એટલે કે CAT 2021 પરીક્ષામાં બેસવા માટેના ઉમેદવારોના એડમિટ કાર્ડ આજે, 27 ઓક્ટોબર 2021ના રોજ જાહેર કરવામાં આવશે. CAT પરીક્ષા પોર્ટલ, iimcat.ac.in પર પ્રકાશિત થયેલ અપડેટ મુજબ, CAT એડમિટ 2021 ડાઉનલોડ લિંક IIM અમદાવાદ દ્વારા આજે સાંજે 5 વાગ્યે ઓનલાઈન કરવામાં આવશે. અત્રે ઉલ્લેખનીય છે કે CAT 2021ના શેડ્યૂલ મુજબ પરીક્ષા 28 નવેમ્બર 2021ના રોજ યોજાવાની છે. આ પરીક્ષા ત્રણ શિફ્ટમાં અને ઓનલાઈન (કોમ્પ્યુટર આધારિત ટેસ્ટ) મોડમાં દેશભરના 158 શહેરોમાં નિર્ધારિત કરેલા વિવિધ પરીક્ષા કેન્દ્રો પર લેવામાં આવશે.

CAT એડમિટ કાર્ડ 2021 કેવી રીતે ડાઉનલોડ કરવું
જે ઉમેદવારોએ પરીક્ષા માટે અરજી કરી છે તેઓ સત્તાવાર વેબસાઇટ ડાઉનલોડ લિંક સક્રિય થયા પછી તેમનું CAT એડમિટ કાર્ડ 2021 ડાઉનલોડ કરી શકશે. ઉમેદવારોની વેબસાઇટ ખોલ્યા પછી, તેઓએ હોમ પેજ પર સક્રિય થવા માટેની લિંક પર ક્લિક કરવાનું રહેશે અને ત્યાર પછી ડાઉનલોડ પૃષ્ઠ પર તેમની વિગતો (નોંધણી નંબર, વગેરે) સબમિટ કરવુ પડશે. તે પછી ઉમેદવારો સ્ક્રીન પર તેમનું CAT 2021 એડમિટ કાર્ડ જોઈ શકશે. તેની પ્રિન્ટ આઉટ લીધા પછી, સોફ્ટ કોપી પણ ઉમેદવારોએ સાચવવી જોઈએ.

CAT એડમિટ કાર્ડ 2021 ડાઉનલોડ લિંક અહીં ઉપલબ્ધ હશે
ઉમેદવારોએ નોંધ લેવી જોઈએ કે CAT 2021 માટે જતી વખતે, ઑનલાઇન ડાઉનલોડ કરેલ CAT એડમિટ કાર્ડ 2021 સાથે માન્ય ફોટો આઈડી પ્રૂફ (આધાર કાર્ડ, મતદાર આઈડી કાર્ડ વગેરે) સાથે રાખવાનું ભૂલશો નહીં. બીજી તરફ, ઉમેદવારોએ તેમની સાથે ઈલેક્ટ્રોનિક ગેજેટ્સ, મોબાઈલ, સ્ટેશનરી અને ગોગલ્સ લઈ ના જવા કારણ કે તેમને પરીક્ષા કેન્દ્રમાં આવા સાધનો સાથે પ્રવેશ આપવામાં આવશે નહીં.

આ પણ વાંચોઃ

Sameer Wankhede Case: નવાબ મલિક દ્વારા લગાવવામાં આવેલા આરોપોની તપાસ કરશે મુંબઈ પોલીસ, 6માંથી 4 ફરિયાદમાં NCB અધિકારીઓ સામે આરોપ

આ પણ વાંચોઃ

Lakhimpur kheri violence: સુપ્રીમ કોર્ટે સાક્ષીઓની સુરક્ષા માટે આપ્યો નિર્દેશ, સરકારને પૂછ્યું હજારો ખેડૂતોની રેલીમાં માત્ર 23 સાક્ષીઓ જ કેમ?