CA May Exam 2021 Date Sheet: CA ફાઉન્ડેશન પરીક્ષાની તારીખ શીટ થઈ જાહેર, જાણો માહિતી

ઈન્સ્ટિટ્યૂટ ઓફ ચાર્ટર્ડ એકાઉન્ટન્ટ્સ ઓફ ઈન્ડિયા (ICAI)એ મે ફાઉન્ડેશન પરીક્ષાની ડેટશીટ (CA May Exam 2021 Date Sheet) જાહેર કરી છે. આ પરીક્ષાઓ 24, 26, 28 અને 30 જૂને લેવામાં આવશે. આ પરીક્ષામાં જે પણ ઉમેદવારો પરીક્ષા આપવાના છે, તેઓ પરીક્ષાની સંપૂર્ણ સમયપત્રક ICAIની સત્તાવાર વેબસાઈટ  icai.org પર જોઈ શકશે.

આઈસીએઆઈ દ્વારા આયોજિત સીએ ફાઉન્ડેશન પરીક્ષા માટેની અરજી પ્રક્રિયા 20 એપ્રિલથી શરૂ થશે. ઉમેદવારોને અરજી કરવા માટે 4 મે, 2021 સુધીનો સમય આપવામાં આવશે. આ સ્થિતિમાં કોઈપણ ઉમેદવાર કે જેઓ આ પરીક્ષા માટે અરજી કરવા માંગે છે તે ઓનલાઈન સત્તાવાર વેબસાઈટની મુલાકાત લઈને અરજી કરી શકે છે. સાથે તમે ક્રેડિટ અથવા ડેબિટ કાર્ડ દ્વારા પરીક્ષા ફી ચૂકવી શકો છો.

પરીક્ષાનું ટાઈમ ટેબલ

આ વર્ષે આઈસીએઆઈ દ્વારા જાહેર કરાયેલા ઓફિશિયલ શેડ્યૂલ મુજબ પેપર 1 અને 2 માટેની પરીક્ષાઓ બપોરે 2થી સાંજના 5 દરમિયાન લેવામાં આવશે. તે જ સમયે પેપર 3 અને 4ની પરીક્ષા બપોરે 2થી 4 દરમિયાન રહેશે. જણાવી દઈએ કે પેપર 3 અને 4માં પેપર વાંચવા માટે કોઈ વધારાનો સમય આપવામાં આવશે નહીં. જો કે અન્ય તમામ પેપરમાં 15 મિનિટનો સમય 1:45થી બપોરે 2 વાગ્યા સુધી આપવામાં આવશે. તેની સૂચનાઓ વેબસાઈટ પર જાહેર કરવામાં આવી છે.

ઈન્ટરમિડિયેટ અને ફાઈનલની ડેટશીટ

ICAIએ પહેલાથી જ ઈન્ટરમિડિએટ અને અંતિમ વર્ષના અભ્યાસક્રમ (CA IPC & Final Date Sheet) માટેની ડેટશીટ રજૂ કરી છે. અમે જણાવી દઈએ કે ઈન્ટરમિડિયેટ અને અંતિમ વર્ષની પરીક્ષાઓ 21 મેથી શરૂ થશે અને 6 જૂન, 2021ના ​​રોજ સમાપ્ત થશે. આમાં એક શિફ્ટમાં બપોરે 3થી સાંજના 6 વાગ્યા સુધી યોજાશે. અંતિમ વર્ષના અભ્યાસક્રમનો ફક્ત પેપર 6 સાંજે 3થી 7 વાગ્યે લેવામાં આવશે.

આ પણ વાંચો: Earthquake in New Zealand: 8.1ની તીવ્રતાના ભૂકંપ બાદ સુનામીનું જોખમ, લોકોનું સ્થળાંતર શરૂ