Wipro Q4 Results: કંપનીનો ચોખ્ખો નફો 27.7 ટકા વધીને રૂ. 2,972 કરોડ થયો

Wipro Q4 Results: આઈટી ક્ષેત્રની કંપની વિપ્રોનો 31 માર્ચ, 2021 ના ​​રોજ પૂરા થયેલા ચોથા ક્વાર્ટરમાં ચોખ્ખો નફો 27.7 ટકા વધીને રૂ. 2,972 કરોડ થયો છે. આ અગાઉના નાણાકીય વર્ષના સમાન ત્રિમાસિક ગાળામાં કંપનીને 2,326.1 કરોડ રૂપિયાનો ચોખ્ખો નફો મળ્યો હતો.

સ્ટોક એક્સચેન્જોને અપાયેલી માહિતીમાં કંપનીએ જણાવ્યું હતું કે ત્રિમાસિક ગાળા દરમિયાન તેની આવક અગાઉના નાણાકીય વર્ષના સમાન ત્રિમાસિક ગાળાની રૂ 15,711 કરોડની સરખામણીએ 3.4 ટકા વધીને રૂ 16,245.4 કરોડ થઈ છે.

કંપનીનો કન્સોલિડેટેડ ચોખ્ખો નફો સમગ્ર નાણાકીય વર્ષમાં એટલે કે 2020-21 દરમિયાન 11 ટકા વધીને 10,796.4 કરોડ રૂપિયા થયો છે જે અગાઉના નાણાકીય વર્ષ (2019-20) માં રૂ. 9722.3 કરોડ હતો.નાણાકીય વર્ષ દરમિયાન કંપનીની આવક 1.5 ટકા વધીને રૂ. 61,943 કરોડ થઈ છે, જે 2019-20માં 61,023.2 કરોડ રૂપિયા હતી.