બજારની અસ્થિર ચાલ વચ્ચે આજે શેરબજારમાં સેન્સેક્સ નજીવી નરમાશ અને નિફટી હળવી વૃદ્ધિ નોંધાવી બંધ થયા હતા. આજે સવારથીજ બજારમાં સતત ઉતાર – ચઢાવ નજરે પડતી હતી. આજનો કારોબાર પૂર્ણ કરતા સેન્સેક્સમાં 37.40 અંકની નરમાશ નોંધાઈ હતી જયારે નિફટી 4.70 અંકની નજીવી વૃદ્ધિ સાથે સપાટ બંધ થયું હતું.
ભારતીય શેરબજારની છેલ્લી સ્થિતિ
બજાર | સૂચકઆંક | સ્થિતિ |
સેન્સેક્સ | 44,618.04 | −37.40 |
નિફટી | 13,113.75 | +4.70 |
આજે સવારથી બજારની અસ્થિર ચાલ રહી હતી. સેન્સેક્સ 44,729 ઉપર ખુલ્યો અને દિવસ દરમ્યાન આ સ્તરથી ઉપર વધી શક્યો નહિ. બપોર સુધીમાં સૂચકઆંક વધુ ગગડ્યો અને 44,169.97 નું નીચલું સ્તર નોંધાવ્યું જોકે બાદમાં થોડો રિકવર થયો હતો. નિફટીમાં પણ આજ સ્થિતિ જોવા મળી હતી 13,121.40 ઉપર ખુલ્યા બાદ 12,983 અંક સુધી લપસ્યો પરંતુ રિકવરીના અંતે 13,128 સુધી ઉપલું સ્તર નોંધાવી 4.70 અંકની વૃદ્ધિ સાથે 13113 ઉપર બંધ રહ્યો હતો.
જોકે આજે મિડકેપ અને સ્મૉલકેપ શેરોમાં મજબૂતી જોવાને મળી છે. બીએસઈના મિડકેપ ઈન્ડેક્સ 0.55 ટકા સુધી ઉછળીને બંધ થયા છે જ્યારે નિફ્ટીના મિડકેપ 100 ઈન્ડેક્સમાં 0.49 ટકાનો વધારો દર્જ કરવામાં આવ્યો છે. બીએસઈના સ્મૉલકેપ ઈન્ડેક્સ 0.68 ટકા વધીને બંધ થયા છે. નિફ્ટી બેન્ક ઇન્ડેક્સ 354 પોઇન્ટ નીચે બંધ રહ્યો છે.નિફ્ટી ઓટો ઈન્ડેક્સ આજે 1.19% ઉપર બંધ રહ્યો છે. આ સિવાય મેટલ ઇન્ડેક્સ પણ 2.56% વૃદ્ધિ નોંધાવી છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો