ઉતાર-ચઢાવ બાદ શેરબજાર(Share Market) નીચા સ્તરેથી સુધર્યા બાદ બુધવારે કારોબારના અંતે બંધ થયું હતું. ટ્રેડિંગના અંતે સેન્સેક્સ 178.87 પોઈન્ટ વધારા સાથે 61,940.20 પર બંધ રહ્યો હતો. નિફ્ટી 45.00 પોઈન્ટ એટલે કે 0.25 ટકાના વધારા સાથે 18,310.95 ના સ્તર પર બંધ થયો હતો.
અગાઉના ટ્રેડિંગ સેશનમાં, 30 શેરો ધરાવતો BSE સેન્સેક્સ અસ્થિરતા વચ્ચે 2.92 પોઈન્ટના નજીવા ઘટાડા સાથે 61,761.33 પોઈન્ટ પર બંધ થયો હતો. નેશનલ સ્ટોક એક્સચેન્જનો નિફ્ટી 1.55 પોઈન્ટ એટલે કે 0.01 ટકાના મામૂલી વધારા સાથે 18,265.95 પોઈન્ટ પર બંધ થયો હતો.ઓટો અને રિયલ્ટી સેક્ટરે બજારની વૃદ્ધિમાં સૌથી વધુ ફાળો આપ્યો હતો. નિફ્ટીમાં ઇન્ડસઇન્ડ બેન્ક 2.8%ના વધારા સાથે ટોપ ગેઇનર હતી. તે જ સમયે, યુપીએલના શેર 2% ની નબળાઈ સાથે ટોપ લૂઝર હતા.
આ પણ વાંચો :Share Market Today : પોઝિટિવ શરૂઆત બાદ કારોબાર લાલ નિશાન નીચે સરક્યો, Sensex 61572 ના નીચલા સ્તરે સરક્યો
JSW ગ્રૂપની કંપની JSW ઈન્ફ્રાસ્ટ્રક્ચરે IPO માટે શેરબજાર નિયમનકાર સેબીને ડ્રાફ્ટ પેપર (DRHP) સબમિટ કર્યા છે. કંપની IPO દ્વારા રૂ. 2,800 કરોડ સુધી એકત્ર કરવાની યોજના ધરાવે છે. સૂત્રોના જણાવ્યા અનુસાર, “JSW ઈન્ફ્રાસ્ટ્રક્ચરે IPO દ્વારા રૂ. 2,800 કરોડ એકત્ર કરવા માટે પ્રોસ્પેક્ટસ સબમિટ કર્યું છે. JSW ના પોર્ટ બિઝનેસ સાથે સંબંધિત કંપનીએ IPO માટે 9 મે, 2023 ના રોજ સેબીને ડ્રાફ્ટ પેપર સબમિટ કર્યું હતું.
વીમા કંપનીઓએ બાકી લોન ચૂકવવા માટે ક્રેડિટ કાર્ડના ઉપયોગ પર પ્રતિબંધ મૂકવાના વીમા નિયમનકાર IRDAના નિર્દેશને આવકારતા કહ્યું છે કે તે પોલિસીધારકોને દેવાની જાળમાં ફસાતા અટકાવશે. તાજેતરના આદેશમાં, ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા (IRDAI) એ તમામ જીવન વીમા કંપનીઓને વીમા પૉલિસીની પ્રતિજ્ઞા સામે લીધેલી લોનની ચુકવણી માટે ક્રેડિટ કાર્ડનો ઉપયોગ તાત્કાલિક બંધ કરવા જણાવ્યું છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
બિઝનેસના તમામ જિલ્લાના સમાચાર વાંચવા માટે જોડાયેલા રહો…