શેરબજારમાં જબરદસ્ત ઉછાળો, સેન્સેક્સ 38,697 અને નિફટી 11,416ની સપાટીએ પહોંચ્યા

ભારતીય શેરબજારોમાં તેજીનો દોર આજે યથાવત રહ્યો હતો. સવારથી જ બજારની દિશા સતત ઉપર તરફ રહી હતી અને દિવસના અંતે સેન્સેક્સ ૬૨૯ અને નિફટી ૧૬૯ અંક ઉપર રહ્યો હતો. સ્મૉલકેપ અને મિડકેપ શેરોમાં ખરીદારીનું વલણ જોવા મળ્યુ હતું. સેન્સેક્સમાં ૧.૬૫ ટકાનો ઉછાળો આવતા બજાર મજબૂત સ્થિતિમાં બંધ થયું હતું.

શેર બજારની સ્થિતિ

 
સ્મૉલકેપ અને મિડકેપ શેરોમાં ખરીદારીનું વલણ જોવા મળ્યુ હતું. આજે બેન્કિંગ, ફાઈનાન્શિયલ સર્વિસ, આટી, ફાર્મા, ઑટો, એફએમસીજી, મેટલ, રિયલ્ટી, પીએસયુ બેન્ક અને પ્રાઈવેટ બેન્કના શેરોમાં ખરીદારી જોવા મળી છે. દિગ્ગજ શેરોમાં ઈન્ડસઈન્ડ બેન્ક, બજાજ ફાઈનાન્સ, એક્સિસ બેન્ક, બજાજ ઑટો, આઈસીઆઈસીઆઈ બેન્ક, ટેક મહિન્દ્રા, અદાણી પોર્ટ્સ, બજાજ ફિનસર્વ અને કોટક મહિન્દ્રા બેન્ક વધ્યા છે.આજ સેગમેન્ટમાં ડૉ.રેડ્ડીઝ, ઓએનજીસી, આઈટીસી, એનટીપીસી અને ટાઈટન નુકશાન સાથે બંધ થયા હતા.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો