દર મહિને ફક્ત ₹6,000 ની બચત અને મેળવો ₹4.28 લાખ, આ સરકારી યોજનાનું ‘આખું ગણિત’ જાણી લો
જો તમે શેરબજારનું જોખમ લીધા વગર દર મહિને માત્ર ₹6,000 ની નાની બચતથી ₹4.28 લાખ સુધીનું મોટું ફંડ બનાવવા માંગતા હોવ, તો આ સરકારી યોજના તમારા માટે બેસ્ટ છે. આમાં તમને વાર્ષિક 6.7% ચક્રવૃદ્ધિ વ્યાજ અને સાથે જ લોન જેવી ખાસ સુવિધાઓ મળશે.
જો તમે દર મહિને તમારી સેલેરી અથવા કમાણીમાંથી કેટલાક પૈસા બચાવીને સુરક્ષિત જગ્યાએ રોકાણ કરવા માંગતા હોવ, તો પોસ્ટ ઓફિસની રિકરિંગ ડિપોઝિટ (Post Office RD) સ્કીમ એક સારો વિકલ્પ બની શકે છે.
આમાં એકસાથે મોટી રકમ રોકવાની જરૂર નથી હોતી પરંતુ દર મહિને નક્કી કરેલો હપ્તો જમા કરીને ધીમે-ધીમે સારું એવું ફંડ બનાવી શકાય છે.
સમયગાળો 60 મહિનાનો
આ સ્કીમનો સમયગાળો 5 વર્ષ એટલે કે 60 મહિનાનો છે. 6.7% વાર્ષિક વ્યાજ દરના આધારે જો તમે દર મહિને ₹6,000 જમા કરો છો, તો મેચ્યોરિટી પર લગભગ ₹4.28 લાખ મળી શકે છે.
આ રોકાણની ખાસ વાત એ છે કે, તમારે શેરબજારના ઉતાર-ચઢાવની ચિંતા કરવી પડતી નથી. પોસ્ટ ઓફિસ RD પર વ્યાજ સરકાર દ્વારા નક્કી કરવામાં આવેલા દરના હિસાબે મળે છે. જો કે, રોકાણ શરૂ કરતા પહેલા વર્તમાન વ્યાજ દર અને ખાતા સાથે જોડાયેલા નિયમોની પુષ્ટિ કરવી જરૂરી છે.
દર મહિને ₹6,000 જમા કરવા પર 5 વર્ષ પછી કેટલી રકમ બનશે?
- 5 વર્ષ પછી અંદાજિત મેચ્યોરિટી રકમ: ₹4,28,185
- દર મહિને જમા: ₹6,000
- રોકાણનો સમયગાળો: 60 મહિના
- તમારી કુલ જમા રકમ: ₹3,60,000
- અંદાજિત વ્યાજ: ₹68,185
ગણતરી 6.7% વાર્ષિક વ્યાજ દર અને ત્રિમાસિક ચક્રવૃદ્ધિના આધારે છે. વાસ્તવિક મેચ્યોરિટી રકમ લાગુ નિયમો મુજબ અલગ હોઈ શકે છે.
જો તમે 5 વર્ષ સુધી દર મહિને ₹6,000 જમા કરો છો, તો તમારા ખિસ્સામાંથી કુલ ₹3.60 લાખ જશે. આના પર લગભગ ₹68,185 નું વ્યાજ જોડાઈ શકે છે અને કુલ રકમ લગભગ ₹4.28 લાખ થઈ શકે છે.
પોસ્ટ ઓફિસ RD ની ‘5 મોટી વાતો’
- ઓછી રકમથી શરૂઆત: પોસ્ટ ઓફિસ આરડીમાં ઓછામાં ઓછા ₹100 પ્રતિ મહિનાથી ખાતું ખોલાવી શકાય છે.
- 5 વર્ષનો સમયગાળો: આ યોજનામાં સામાન્ય રોકાણનો સમયગાળો 60 મહિનાનો હોય છે.
- ત્રિમાસિક ચક્રવૃદ્ધિ વ્યાજ: વ્યાજની ગણતરી ત્રિમાસિક ધોરણે થાય છે.
- લોનની સુવિધા: ખાતું ઓછામાં ઓછા 12 મહિના સુધી ચાલુ રહેવા પર અને નિર્ધારિત શરતો પૂરી થવા પર જમા રકર્મના 50% સુધી લોન લેવાની સુવિધા મળી શકે છે.
- સમય પહેલાં બંધ કરવાનો વિકલ્પ: સામાન્ય રીતે 3 વર્ષ પૂરા થયા પછી સમય પહેલાં ખાતું બંધ કરાવી શકાય છે. આ સ્થિતિમાં લાગુ નિયમો મુજબ વ્યાજ ઓછું મળી શકે છે.
નોંધ: અહીં આપવામાં આવેલી માહિતી ફક્ત જાણકારી માટે છે. TV9 Gujarati કોઈપણ રીતે શેરમાં, સોના-ચાંદીમાં, મ્યુચ્યુઅલ ફંડમાં અને IPO માં પૈસા લગાવવાની કે વેચવાની સલાહ આપતું નથી. બજારમાં રોકાણ સંભવિત જોખમ સાથે સંકળાયેલું છે. રોકાણ કરતા પહેલા તમારા નાણાંકીય સલાહકાર અથવા માર્કેટ એક્સપર્ટની સલાહ જરૂરથી લો.
ISRO માં નોકરીનું સપનું થશે ‘સાકાર’! 97 પદો માટે અરજી પ્રક્રિયા શરૂ, ફટાફટ જાણી લો વિગતો
