Tax ની નવી ઇનિંગ… 1 એપ્રિલથી લાગુ થતાં 10 મોટા ફેરફારો તમારા બજેટને કરશે અસર, ટૂંકમાં સમજો

દેશમાં ટેક્સ સિસ્ટમમાં એક મોટો બદલાવ આવવાનો છે. સરકાર દ્વારા જાહેર કરાયેલા નવા ઇન્કમ ટેક્સ નિયમો 2026, 1 એપ્રિલથી અમલમાં આવશે. આ નિયમો નવા ઇન્કમ ટેક્સ એક્ટ 2025ને અસરકારક રીતે લાગુ કરવા માટે બનાવવામાં આવ્યા છે.

નવા નિયમોનો મુખ્ય હેતુ ટેક્સ સિસ્ટમને વધુ સરળ, પારદર્શક અને ટેક્નોલોજી આધારિત બનાવવાનો છે. હવે ટેક્સ કૅલ્ક્યુલેશન વધુ ડેટા આધારિત રહેશે અને ગેરસમજ અથવા ગૂંચવણના કેસ ઓછા થશે.

ચાલો જાણીએ 10 મોટા ફેરફારો, જે સીધો તમારા ખિસ્સા પર અસર કરી શકે છે:

1. ડિજિટલ કંપનીઓ પર ભારતમાં પણ લાગશે ટેક્સ

હવે એવી વિદેશી ડિજિટલ કંપનીઓ, જે ભારતમાંથી આવક મેળવે છે, તેઓ પર ટેક્સ લાગશે. ભલે તેમનું ભારતમાં ઓફિસ ન હોય.
જો ભારતમાંથી આવક ₹2 કરોડથી વધુ હોય અથવા 3 લાખથી વધુ યુઝર્સ હોય, તો તેઓ ટેક્સના દાયરા હેઠળ આવશે.

2. આવક સ્પષ્ટ ન હોય તો અધિકારીઓને વધુ અધિકાર

જો કોઈ નોન-રેસિડન્ટની આવક સ્પષ્ટ ન હોય, તો ટેક્સ અધિકારી પોતાનાં આધારે આવક નક્કી કરી શકે છે. આમાં ટર્નઓવર આધારિત ગણતરી અથવા અન્ય પદ્ધતિનો ઉપયોગ થઈ શકે છે.

3. શેર બજારના ટ્રાન્ઝેક્શન પર કડક નજર

હવે શેર બજારને દરેક ટ્રેડનો સંપૂર્ણ રેકોર્ડ રાખવો પડશે. આ ડેટા ઓછામાં ઓછા 7 વર્ષ સુધી સાચવવો ફરજિયાત રહેશે.

4. વિદેશી ડીલ્સ માટે સ્પષ્ટ ટેક્સ ફોર્મ્યુલા

ભારત સાથે સંબંધિત વિદેશી શેર ટ્રાન્સફર પર ટેક્સ ગણતરી માટે ચોક્કસ ફોર્મ્યુલા નક્કી કરવામાં આવ્યો છે.
આથી અગાઉ થતા વિવાદોમાં ઘટાડો થશે.

5. શેર વેલ્યુએશનના નિયમો વધુ સ્પષ્ટ

• લિસ્ટેડ શેર: માર્કેટ પ્રાઇસ મુજબ વેલ્યુ
• અનલિસ્ટેડ શેર: મર્ચન્ટ બેંકર દ્વારા મૂલ્યાંકન
• આથી એકરૂપતા આવશે, પરંતુ કંપનીઓ માટે કંપ્લાયન્સ વધશે.

6. ટેક-હોમ સેલેરી પર અસર

કર્મચારીઓના ભથ્થા પર ટેક્સ નિયમોમાં ફેરફાર:

• HRA શહેરની વસ્તી પર આધારિત
• ₹200 સુધીનું મફત ભોજન ટેક્સ ફ્રી
• ₹15,000થી વધુ ગિફ્ટ પર ટેક્સ લાગશે

7. નોકરીદાતા પાસેથી મળતા લોન પર વધુ ટેક્સ

જો કર્મચારીને સસ્તું અથવા વ્યાજમુક્ત લોન મળે, તો હવે SBIના વ્યાજદર મુજબ તેનો લાભ ગણાશે.
તેના કારણે ટેક્સ વધવાની શક્યતા છે.

8. ESOP માટે સ્પષ્ટ નિયમો

સ્ટોક ઓપ્શન ધરાવતા કર્મચારીઓ માટે:

• લિસ્ટેડ કંપની: માર્કેટ વેલ્યુ
• અનલિસ્ટેડ: નિષ્ણાત દ્વારા મૂલ્યાંકન
• આથી ખાસ કરીને સ્ટાર્ટઅપ કર્મચારીઓ માટે સ્પષ્ટતા આવશે.

9. ખર્ચ નકારી કાઢવાના નિયમો કડક

ટેક્સ ફ્રી આવક સાથે જોડાયેલા ખર્ચમાં હવે:

• સીધો ખર્ચ તથા સરેરાશ રોકાણ મૂલ્યનો 1%
• આથી કેટલાક કેસમાં ડિસઅલાઉન્સ વધશે.

10. ઝીરો કૂપન બોન્ડ માટે કડક શરતો

આવા બોન્ડ માટે હવે:

• 10 થી 20 વર્ષની મેચ્યુરિટી
• ઇન્વેસ્ટમેન્ટ ગ્રેડ રેટિંગ
• ફંડ ઉપયોગ માટે કડક નિયમો